Transkripte durchsuchen » National Archives / Archiv South Holland

Archivzugang 1.04.02, Inventarnummer 1053, Blatt 230

heel lect geworden Ende onbequaem geoordeelt was om de reyse naert
vaderlandt te doen, ende dat ouersulcx de selue met den eersten
herwaerts soude comen om gelost te worden, om hier nn landtvoorts
te gebruycken, welck Schip hier den 10 deser wel is gearmeert
Ende syn vast doende met hem te lossen, om met den eersten
naer de Mollucques te gaen, volgende dordre byden VicAdmirael
voorscreuen daeraff genomen, Wullen alle debuoir doen met den
eersten van hier geraecke, om den Admirael van Caerden van
alles wat hier tzedert vertreck vant Schip deendracht is gepasseert
Het Schip Gouda is hier op 20 Nouembris wel gearmeert meest
volladen met peper ende is met de andre Scheepen vtrocken
Godt wil henluyden behouden reyse vleenen -
Daer naer op 29 ditto is hier gearmeert het Schip de cleine
monne, Die ick meende als oock het Schip Gelderlandt door
contrarie winde wederomme in Ternate souden syn geloopen, dan
het is anders wtgeuallen, Ende syn naer veel moeyte ende
quaet weder gepasseert te hebben In patania geraeckt al
waer het Schip Gelderlandt inde ladinge bleeff liggende
die aldaer ontrent 2/3 van syne ladinge soude becomen, naer het
schryuen van Sr. Victoor Sprinckel, gelyck uwe E voor desen
door het Jacht Seelandt, dwelck de cleyne Gonne inde
Strate van Palmban rescontreerde wel sal vrstaen hebben
waer aen my dies aengaende referere, Ditto schip en is hier tot
noch toe niet gearrueert, hier comende sal alles doen watt
Mogelyck wert om hem by tyts van hier te helpen, alsoo den tyt
van doen sal hebben om de caep te passeeren, dwelck naer
Ultimo februario van hier vtreckende, wel swaer soude mogen
vallen, Dan ick vreese te laet sullen comen om den toecomenden
Somer Int Vaderlandt te mogen geraecken, alsoo door de moet
willicheyt ende groote Disordre vant volck de ladinge soo haest
niet Ingecregen en sullen hebben, als wel meenden, het is soo
verre met henluyden gecomen datse de logie in Patania hebben
willen ouervallen, gelyck eensdeels sal begonnen hadden, halende
een gevangen met gewelt wt de boeyen, waer ouer den Coopman
hulpe vande Coninginne moeten vsoecken, om dese Disordre te
stillen, Ende alsoo vyff vande principale Muytmaeckers
waer aff den eenen totter doot toe is gequest, waer wt ick vreese
naermaels meeder quaet sal geresen syn, waer aff metter tyt
het Succes sullen vernemen —
Het Schip de Cleyne Gonne is vast doende met vrtimmeren, hebben
tot op den ouerloop toe affgesloopt, ende sal vanden kiel aff
moeten vdubbelt syn, het is noch een heel sterck mchip, soo
dat het behouden cost is dieder aengedaen wort, Ende sal sterck
ende bastant genoch syn, om naert vaderlandt te gaen, wam
onder water ist soo goet als nieuw, Sal niet connen reet vallen
om dit Jaer naer de Mollucques te gaen, alsoo noch ontremt de
dry maenden werck heeft, eert volcomentlick sal connen
vtimmert wesen, ende het alderwterste sal wesen dat in
Prece geraette, om te laden tgene daer soude mogen gecocht
syn, dwelck naer myn gissinge ontrent syn halue ladinge
sal mogen wesen, Sullen ondertusschen sien watter voorvalt
waerinne de Compae. meeder dienst soude connen doen, alsoo hier
den gantschen Soomer met stille en dient te liggen
Op gisteren is hier gearrueert een Jacht genaempt de goede hoope
Dwelcf den 25 april wt texel is geseylt, byde heeren bewint
hebberen gedespacheert, om uwe E te soecken, Ende te waerschouwen