Blader door transcripties » Lokale Kronieken uit de Nederlanden 1500-1850

archieftoegang 1499_Rott_Jans, pagina 74

61 ende versloech mijns heeren volc20, ende hij wart daerna self verslegen mit sijn volc, alsoe men seide21. Ende onse geduchte heere van Bourgoengen wart begraven tot Nansy in de kerc voer Sinte Jorijs outaer22. Endeo up die tijt wast eenen couden, langen winter want het vroes van Sint Andries dach off tot in maerte, dat men noch overall reet mit paerden ende last, geladen up sleen, van Dordrecht off tSinte Geerdenberge23 toe ende daeromtrent overall totten twalfsten dach toe van maerte. Ende men voer mit gheenen scepen tusschen Dordrecht ende Rotterdam van sinte Andriesdach off up sinte Gregoriusdach [12 maart] toe in maerte, dat was teerste, dat ment mit scepen varen mochte. Ende doen ter tijt, int eerste van der vasten [19 febr.] voeren die Staten van alle mijns heeren landen ende oick die steden gemeenlic tot Ghend24 bij der hartoginne, Karels dochter van Bourgoengen25, om van vele dingen te spreken [f. 272] alsp van hantvesten, privilegien, rechten ende oude haercomen daer sij off ontvreemt hadden geweest bij hartooch Karels tijde, al twelcke daer een yegelic heer of stede of lande of vervreemt waeren, dat gaf die hartoginne al weder ende gaf dairof elc lant bijsonder eenen goeden privilegie26 nemmermeer dat meer te doen of te doen doen van eenigen inbroke van privilegien of oude haercomen. Ende dat besegelde zij self, mijn here van