Blader door transcripties » Lokale Kronieken uit de Nederlanden 1500-1850

archieftoegang 1499_Rott_Jans, pagina 75

62 Cleve27, here Adolf van Cleve28 ende een zoen van Bourbon, bisscop van Ludic29. Ende doen, ten tijde als alle die Staten, steden ende landen daer tot Ghend waeren, doen worden daer gevangen sekeren personen van binnen Ghend geboren die in de wet waeren, ende worden onthooft tot sesse toe up een ordoys, omdat sij kenden dat sij brieven ontfangen hadden van hartooch Karel om hulpe ende bijstant, die zij aftergehouden hadden, ende oick om andere saken wille30. Ende terselven tijde worden oick gevangen den cancellier van Bourgoengen31, mijn here van Humblicourt32, die regent van tlant van Gelre was, ende een ridder van Ghend33, die worden alle drie onthooft up een ordoys tot Ghend upten Vridachmarct upten Witten Donredach [3 april] savonts mitter sonne onderganc. Ende daer waert oick gevangen den prothonotarius, bisscop van Teruan34, meester Anthonis Hanron, proost van Sinte Donaesq35. Ende die hartoginne voirs. wart tot Ghend gehult36 ende toech vandaer tot Brugghe37, dair was die gemeente al heel rebel ende sij