Blader door transcripties » Lokale Kronieken uit de Nederlanden 1500-1850

archieftoegang 1551_Kamp_Herm, pagina 9

om die meere gunste, ende vryntscap ende eendrachticheit, die wij
hier toe myt mallic anderen gehadt hebben, ende om to scuwen
onruste ende te wederstaen last ende verdriet, die ons off den
onsen an eniger side ancomen mochten, myt gueden vorsynne
ende myt beraden moede, overdragen sijn sulken punten, als hier
nae bescreven staen. In den eersten: want wij borgermeistere, raet
ende gemene stat van Gronyngen ende die gerichte van Gronyngen
staen ende menich C jaer gestaen hebben, vandes keisers wegen
ende gifte in hande der kerken van Utrecht, so hebben wij
geloeft ende loven vastelic myt desen brieve, voir ons ende onse
naecomelinge, onse liven genedigen here, heren Frederic van Blanckenhem,
bisscop t� Utrecht, ende sine naecomelingen bisscopen t� Utrecht
dat wij genen heren en sullen hulden, noch ons onderdanich
suelen geven, dat onsen liven heren van Utrecht ende sijnre
kerken oft gestichte van Utrecht, te hinder oft te scaden
comen mach, ende dat wij by onsen olden recht ende
heerscap bliven willen also lange, als wij dat keren
mogen ende gedoen kunnen, myt onsen macht, ten were
dat ons ende onser stat, sulke perse ende gewelt over quame
dat wies niet gekeren en kunden. Ende wi Frederic, bisscop