Blader door transcripties » Lokale Kronieken uit de Nederlanden 1500-1850

archieftoegang 1551_Kamp_Herm, pagina 15

voirtijts toegesant ende ontboden nae eere ende gelimpe nyet
anders en behoirt noch temelick is, ende ju gevalle. Juwe
strenghe vroemeheiden ende eersaemheiden, dat God verhueden
moet ende wy ons oick tot die selve juwe strenghe vroemheiden
ende eersaemheiden nyet versyen willen, ons hier en boven
noch verlaten te wordden. Ende wy dan genoediget worden
wat te doene, dat juwe strenghe vroemheiden ende eersaem-
heiden ongeerne sien, ende wy noch ongeerne doen solden.
Soe begeven wy oick uwe strenghe vroemheiden ende eersaemheiden ons dat
nyet wyten noch in �t quade afnemen willen, want dat
dan van ons na maninge ende behoirlick werninge ende
vermaninge nyet anders dan om reddinge onser lyve levende
ende goeden gedaen sall werdden ende begheren hier om
oick uwe strenghe vroemheiden ende eersaemheiden ons hier op mit enttelicke
antwordde sonder ennich lanch vertoch v bescheiden
willen. Dair nae wy ons mogen weten te hebben ende
te holden, dat willen wy altyt met lyff ende met
goede nae onsen vermoegen geerne truwelicken
weder versculden ende verdienen tegens dieselve
juwe strenge vroemeheiden ende eersaemheiden die God die heren salichlick