Blader door transcripties » Lokale Kronieken uit de Nederlanden 1500-1850archieftoegang 1507_Beek_Trec, pagina 31
Transcriptie
1487.
- Inden joere van LXXXVIJ due waert te Syttart erstwerff gebuwet der thorne, off wackhuyss, opten Aldenmerkt inde dat holten boelwerck by Steyne-muyrcken. In den joer van LXXXVIIJ waert dat bolwerck te Syttart gemackt buytten den muyrren by die Schottecleyver. Inden joer van XC brandden die van Arckenteyl den Steynwech aff vuer Lyemborger port, vuer Syttart. Inden joer van XCII worden die andere bolwercken gemackt by die Lembergerport, inde die vorste port vuer de Lembergerport. Item in den joer van XCII woerden die andere bolwercken buytten Syttart aen die muyrren ghemackt.
1488.
- Inden joere ons Here gebuert, due men schreyff MCCCC inde LXXXVIIJ allet in diessen onsaligen tyde, due kreghen die boeffven inde quade volck vurs. dat huyss te Ytter, Mertzschenoe in by Merssen, inde deden doeruyt groetten schade vuer Trycht, inden lande van Borne vuer Syttart inde doeroemtreynt. Ten leystten so toeghen die van Trycht myt macht doer vuyr, inde myt groetten gescheut van buessen, inde schoettent al in stucken aff. Inde ten leystten so gaeffven die boeffven 'top; inde die van Tricht noemen sy gevanghen inde satten sy te Tricht in eynen kelre, onder die Lanskroen. Inde ten leystten, by quaden hueden braken sy allen uyt, en quamen ewech, sonder hoen lyff te verliessen, dat schade waes.
1490.
- Doernoe int leystte so woeren die Luydicker gierich inde hoemoedich, inde toeghen in den lande van Loen op die dorppen, inde sloeghen sy allen oem; inde noement allet dat hoen gelyeffde, ouch eynen groetten rouff, in den vasten, inde wolden doermyt te Luydick in trecken. Inde dee edele Her inde buscop Johan vurs. dede syn hert we, inde aenryeppe Got, inde toegh myt synen guede maennen inde edele burger van Hasselt op eynen saterdach, palmavent, due men screyff XC, inde aventuerdet herlick selve mytten lyffve, inde toeghe onder hoen doer sy loeghen, by Hasselt op Synte Quintynsheyde, inde versloegh sy herlicke. Inde doer bleyff der boeffven al te ser voelen doet, inde voelen gevanghen. Inde also due ten lesten (kregen sy) den peys myt grotten schaden inde voele gels dat men sy uytten lande gelden moest .
Inden joer van XC, due dat hiet dat gesont syn solde, inde in allen landen pays woende syn geweyst, due quam noch eyn nuwe ongeluck noe. Inde dat waes dit; alsdat doer eyn canonick waes van Synte Lambrecht, den men noempde myn Here van Kroe inde dee hedde ouch gherne buscop van Luydicke geweyst, inde myn heer buscop Johan van Horne voel hynders inde wederstoetz aengedoen. Inde als hee sach dat hoem dat nyet en halppe, inde hy nyet buscop werden en mocht, so vergaderde hy eyn ser groet volck van den quaden Luydikers inde ghyryghe Arenberchsche inde andere Franssossen, Waelen inde ser quade boeffven inde quam van boven nyeder duer dat lant van Luydicke inde van Loen, inde verderffde die arme huyssluytgen overal. Inde Johan Bastert waes syn cappiteyn. Inde toeghen doernoe te Udekoeffven off te Goele duer die Maesse, die due tertyt sercleyn waes, inde dyt geschach vuer korstmyssen inden advent, inden quatertempel op Synte Thomas avent, inde also duer Beyk, Geelen, Schommert, Merssen, inde rouffden inde vynghen also menighen maen inde noemen so grotten guet, dat ontellick waes, inde sloeghen ouch voele huysluyden doet, die hoen nyet gevanghen en wolden geven, inde branden ouch voele huysser inden lande van Valkenborch. Inde dyt waes eyn alte ser quade ongelucke vuer die arme huysluyden overal; want sy en wyssten van gheynen ve, noch ruytteren, en meynden of woenden dat payss syn solde. Inde alsus in dyessen gelicke, so synt diesse landen verdorffven inde te schande gemackt van den quatsten dieffven inde boeffven van allen landen. Got herbarmps .
Inden joer van XC als die Aremberchsche ser voele woestten inde quats uyt Eyck deden inde bedreffven, so toech myn Here van Luydick mytter staet van Tricht doer vuer, inden advent, inde hee bestormpde sy allererstwerff opten heyligen Joannesdach, dat alle syne vrunden verwonderde, dat hee den dach nyet vyerde. Inde hee hadde doer groetten schade van luyden, die doer in den storme doet bleyffven. Inde also halde hy doer schande inde schade. Inde ten leste galt men sy myt groetten gelde uyt. Inde also woerdenter die van Eyck quyt.
1491.
- Inden joere van LXXXVIJ due waert te Syttart erstwerff gebuwet der thorne, off wackhuyss, opten Aldenmerkt inde dat holten boelwerck by Steyne-muyrcken. In den joer van LXXXVIIJ waert dat bolwerck te Syttart gemackt buytten den muyrren by die Schottecleyver. Inden joer van XC brandden die van Arckenteyl den Steynwech aff vuer Lyemborger port, vuer Syttart. Inden joer van XCII worden die andere bolwercken gemackt by die Lembergerport, inde die vorste port vuer de Lembergerport. Item in den joer van XCII woerden die andere bolwercken buytten Syttart aen die muyrren ghemackt.
1488.
- Inden joere ons Here gebuert, due men schreyff MCCCC inde LXXXVIIJ allet in diessen onsaligen tyde, due kreghen die boeffven inde quade volck vurs. dat huyss te Ytter, Mertzschenoe in by Merssen, inde deden doeruyt groetten schade vuer Trycht, inden lande van Borne vuer Syttart inde doeroemtreynt. Ten leystten so toeghen die van Trycht myt macht doer vuyr, inde myt groetten gescheut van buessen, inde schoettent al in stucken aff. Inde ten leystten so gaeffven die boeffven 'top; inde die van Tricht noemen sy gevanghen inde satten sy te Tricht in eynen kelre, onder die Lanskroen. Inde ten leystten, by quaden hueden braken sy allen uyt, en quamen ewech, sonder hoen lyff te verliessen, dat schade waes.
1490.
- Doernoe int leystte so woeren die Luydicker gierich inde hoemoedich, inde toeghen in den lande van Loen op die dorppen, inde sloeghen sy allen oem; inde noement allet dat hoen gelyeffde, ouch eynen groetten rouff, in den vasten, inde wolden doermyt te Luydick in trecken. Inde dee edele Her inde buscop Johan vurs. dede syn hert we, inde aenryeppe Got, inde toegh myt synen guede maennen inde edele burger van Hasselt op eynen saterdach, palmavent, due men screyff XC, inde aventuerdet herlick selve mytten lyffve, inde toeghe onder hoen doer sy loeghen, by Hasselt op Synte Quintynsheyde, inde versloegh sy herlicke. Inde doer bleyff der boeffven al te ser voelen doet, inde voelen gevanghen. Inde also due ten lesten (kregen sy) den peys myt grotten schaden inde voele gels dat men sy uytten lande gelden moest .
Inden joer van XC, due dat hiet dat gesont syn solde, inde in allen landen pays woende syn geweyst, due quam noch eyn nuwe ongeluck noe. Inde dat waes dit; alsdat doer eyn canonick waes van Synte Lambrecht, den men noempde myn Here van Kroe inde dee hedde ouch gherne buscop van Luydicke geweyst, inde myn heer buscop Johan van Horne voel hynders inde wederstoetz aengedoen. Inde als hee sach dat hoem dat nyet en halppe, inde hy nyet buscop werden en mocht, so vergaderde hy eyn ser groet volck van den quaden Luydikers inde ghyryghe Arenberchsche inde andere Franssossen, Waelen inde ser quade boeffven inde quam van boven nyeder duer dat lant van Luydicke inde van Loen, inde verderffde die arme huyssluytgen overal. Inde Johan Bastert waes syn cappiteyn. Inde toeghen doernoe te Udekoeffven off te Goele duer die Maesse, die due tertyt sercleyn waes, inde dyt geschach vuer korstmyssen inden advent, inden quatertempel op Synte Thomas avent, inde also duer Beyk, Geelen, Schommert, Merssen, inde rouffden inde vynghen also menighen maen inde noemen so grotten guet, dat ontellick waes, inde sloeghen ouch voele huysluyden doet, die hoen nyet gevanghen en wolden geven, inde branden ouch voele huysser inden lande van Valkenborch. Inde dyt waes eyn alte ser quade ongelucke vuer die arme huysluyden overal; want sy en wyssten van gheynen ve, noch ruytteren, en meynden of woenden dat payss syn solde. Inde alsus in dyessen gelicke, so synt diesse landen verdorffven inde te schande gemackt van den quatsten dieffven inde boeffven van allen landen. Got herbarmps .
Inden joer van XC als die Aremberchsche ser voele woestten inde quats uyt Eyck deden inde bedreffven, so toech myn Here van Luydick mytter staet van Tricht doer vuer, inden advent, inde hee bestormpde sy allererstwerff opten heyligen Joannesdach, dat alle syne vrunden verwonderde, dat hee den dach nyet vyerde. Inde hee hadde doer groetten schade van luyden, die doer in den storme doet bleyffven. Inde also halde hy doer schande inde schade. Inde ten leste galt men sy myt groetten gelde uyt. Inde also woerdenter die van Eyck quyt.
1491.
Bronvermelding
Lokale Kronieken uit de Nederlanden 1500-1850, archieftoegang 1507_Beek_Trec, Anoniem. “Chronijk Der Landen van Overmaas En Aangrenzende Gewesten Door Eenen Inwoner van Beek.” Edited by Jos Habets. Publications de La Société Historique et Archéologique Dans Le Limbourg, 1870, 5–197.,
Scan + Transcriptie
Klik op de afbeelding om het te vergroten en de transcriptie ernaast te zien
Kunstmatige intelligentie 
De transcriptie is door de computer gemaakt via automatische handschriftherkenning. De samenvatting wordt door de computer gemaakt op basis van een taalmodel. Beide bewerkingen zijn niet perfect, maar vaak ruim voldoende zodat het historische document begrijpelijk wordt. De resultaten van de toepassing van (Europese) kunstmatige intelligentie zijn niet gecontroleerd door een mens.