Blader door transcripties » Het Utrechts Archief

archieftoegang 34-4, inventarisnummer 9, pagina 99

haer testament Codicil Laetste ende vuyterste wille
in vuegen nae volgende, te weeten alvorens heeft
zij joncssche Lucia testatrice bevolen haere ziele in
hande van Godt almachtich ende syner beruchdich
in Christo Jesu ende haer lichaem begrave te werden
Inde vergaderinge der Criftenheijt by hare overleden
man ofte daer haren tegenwoordigen man believe
zall ende omme vorders te gaen tot maelinge haeres
testaments over hare tytlycke goederen seyde sy testa¬
tersche dat alsoe die huwelicxe voerwaerden tusschen
haer ende hare tegenwoordigen man opgerecht onder andere
innehouden ende bescheyden hebben geene gemeenschap de
goederen tusschen haerluyden leyden te sullen sijn maer
dat naer t'overlyden van eenich van henluyden elcx
metten syne sall uutgaen contrarie derdamantie der
Stadt steden ende landen van vuytrecht, dat sy daeromme
gewilt ende geordinueert heeft will ende ordonneert wel
widruckelycken by deesen dat haere erffgenamen haer
nijet en sullen in eenyger manieren bemoyen mette
coope nochte beterschappe der goederen van melisweert
eertijts toebesoirt hebbende den overleden heere van
wilx ix, soe sy seyde dselve gecoft te sijn om haers
mans goet ende die schulden wt saeke van die gemaeckt
ende namentlycken allen rentebrieven by haer ende hare
man gelicht ende vereyt van den tyt des corps dier goederen
ende daer naer alleen staen ende blijve sullen tot haered
mans laste sonder dat haere erffgenamen daer mede
sullen syn ofte werden gegraveert maer sall haere man
die daer van vrij hebben daeromme sy oek seyde tot die
eynde de crye dier goedere met haren believe ende
consent op hare man alleen gedaen te syn bekennende
der halven om redene voers wel duydelycken daer nijet aende
te hebben maer haer mans goet te sijn als wesende