Blader door transcripties » Het Utrechts Archief

archieftoegang 34-4, inventarisnummer 9, pagina 98

Inden name des heeren Amen kennelijcken sy eenen
yegelycken dat Inden Jare ons heeren duysent
vijffhondert ende zeven ende tachtentich inde vyfthiende
Indictie den donredaechs den vieffden Maij naer doude
style ofte Schrijvens des morgens omtrent thien
uren S' keyserrycx des alre onverwinnelinckste ende
grootmachlichsten Prince ende heere, heere Rodolphi by den
Godlyke voersienicheijt Roomsch keyser altyt vermeerder
srijcx In myns Jacob van herwaerden openbare notaris
byden hove van vuijtrecht geede ende toegelaten ende der
naebenoemde getuygen tegenwoordicheijt erstheenen Is
die Eedele Eerentrijke discrete joncsfrauwe
Lucia van Schonenbergh jegenwoordige huijsvrou
van die ook Gedele Eerentfeste Joncheer Amelis
wten Engh sieckelycke van lichaem maer nochtans
haerder redenen verstande ende memorie duer des heeren
genade machtich ende volcommelyck gebruycken soe wy
Notaris ende getuygen nijel anders kennen ofte bemercke
en conden ende verclaerden dat sy anmerckende den ganschen
menschelycken geslachte op deesen aertbodem nyet sekelders
te sijn dan de door ende nijet onsekereerder dan den dach ende
ure inde welcke den heere believen sall ons daer van
te verlossen, omme soe veel mogelyck is te vermyden
ende wech te nemen allen verschillen twisten ende oneenichen den
die tusschen haren kijnderen kondts kynderen ende erffgenamen
ende haren man nae haeren overlyden mochten verrysen wt
zaeke van haere tytlycke goederen haer van haer ouders
naegelaten ende voorts by T Gode almachtich verleent die
sy metter doot ruijmen ende naelaten sall gemaeckt
voerschicker ende geordonneert heeft maeckt voerschickt ende
ordonneert by deesen in crachte van Octroy haer ende hare
man byden heve van vuytrecht voers gegonst ende verleent
in drie den een eersten dachs deeses tegenwoordigen maendts
may ons notarie ende getuygen by appointement verthoont
vryenen