Blader door transcripties » Het Utrechts Archief

archieftoegang 34-4, inventarisnummer 9, pagina 100

om tsyne gecoft ende die ook voergenomen heeft, zoe
veel van tsijne voorts te vercoyen nade gelegentheyt des
tijts dat hij die gemaeckteschulden ter oirsaeke vande
selve cope gevallen voort sall afflegge ofte anders die
nae toverlyden van haer testatrice tot syne laste houden
ende voorts nae sijnen overlyden blyve tot laste van synen
erffgenamen, Twelcke als een vorredenen verhaelt
sijnde om voorts te gaen totter dispositie van haeren
tijtlycke goederen seyde ende verclaerde sy testatrice
dat sy om redenen haer daer toe bewegende voer
wt hare goederen besproken gegeven ende gemaeckt heeft
bespreekt geeft ende maeckt vuer wt by deesen Agniete
haeres testatrices overleden joncxte soms Joncheer
Ernst van hardenbroucx dochtere die st. op getoge ende
met haer angegaen heeft een stucke goets twelck
sy testatersche niet haren broeder van Schonbergh
gemeen heeft Thun In Vrieslandt gelegen geheeten
Oytkum oft Sywaemer sake ende Jacob ferkensse tegen¬
woordich gebruyckt willende ende ordonneren dat soeverre
dselve Angnieten van hardenbrouch teenyger tyt compt
te overlijden sonder echte blijvende blyckende geboorte van
haren lyve geteelt nae te laten dat alsdan dselve goet
ofte sate vuer soe veel haer testatrice daer inne toecompt
ende sy Agniete daer dan van achterlaten sall commen ende
erven sall op Aecht van hardenbrouck haere suster die
nae haer testatrices moeder genaempt is alleene, dselve
Agniet ende nae haer Aechte van handenbrouch daer inne
setten ende onderstellende haere erffgenamen In crachte
deeses, hier nae verclaerden sy comparante ende testatrice
dat alsoe tanderen tijden tusschen wylen Joncheer Joost
van hardenbrouck haeren overleden man overcomme ende
belieft Is dat Joncheer Jan van hardenbrouck haren
andesten zoon tegenwoordich uutlandich alleen soude hebben
sijns vaders goet ende met allen nijet van syns moeders te weeten
haer testatrices goet, ende dat daer en tegens Joncheers