Blader door transcripties » Regionaal Archief Tilburg

archieftoegang 115, inventarisnummer 7, pagina 68

vanden Iersten afflyngen, sal verbetert wesen ende
prouffycteren de somme van ses hondert @ gulden eens —
vanden gereetsten haeffelijcken oft erffelycken goeden doorden
Iersten afflyvigen achter te laten, vuytgereyckt te worden
Voorts Is voorwaerde Ingevalle de voors toecomende
houwelyxlieden, egeene wettige kynderen, met malcanderen
en verwecken, ende verwerckende kynderen, deselve
lynderen sonder wettige Oir quamen deser werelt vijff
te steruen, dat allen de goeden vande voors toecomende
bruyt gecomen, wederomme sullen gaen ende succederen
aende vrienden derselver toecomende bruyt, staecxgewyse
de doode hant nochtans daerinne mede te deylen, bij
maniere van representatie, Ende de conquesten —
ende te verouerene goeden, sullen gedeylt worden
Ingenalle als voor gedeijlt worden, oock bij maniere
van representatie, dat Is de doode hant mette levende
d'eene hellicht by den lancxtlevende, ende eender
hellicht by den vrienden vanden Iersten Lifflyngen
Ende oft gebeurde dat den toecomenden bruydegom
enige erffelycke goeden vercochte gecomen van wegen
synder toecomende bruyt, ende dese toecommende
onwelyxlieden, alsonder wettige geboorten by een
te verweckene, deser werelt aff storven, sullen de
vrienden, vande voors toecomende bruyt soo veele
voor aff trecken ende genieten, als de penningen deser
vercocht goeden sullen bedragen. Is oock merckelijck
geconditionneert Ingevalle egeene kynderen sy toecomende
houwelyxlieden, met malcanderen en verwecken, dat
den toecomenden bruydegon, oft syne tegenwoordige
kynderen, sullen behouden, alles gene, tgene denselven
bruijdegom van huijsraet, bedde, bult, ende laeckenen
tegenwoordich In synen winckel berustende heeft
waervan die voors bruydegom sal maecken pertinenten
staet ende Inventaris tot voorcominge van alle
crackelen ende questien Ende hiermede bekennen de
voorschreven Contrahenten wel ende deughdelyck met
malcanderen, vereenicht ende geaccordeert te syne
Gelovende respective onder t verbant van hunne
personen ende goeden dit contract ende houwelyxe
voorwaerde, In alle syne poincten ende articulen
naer te gaen, sonder daertegens te doene, oft te laten
geschieden, met eenige rechten In eninger manieren
Sonder argelist Ende des toirconden dit doorden vs
Contrahenten beneffens herman de Roy Schouteth tot
Silborch, ende Hendrick de Roy synen sone als getuygen
onderteeckent Inden Jare Onsheeren Duysent Seshondert
ende vierendertich Opden dertiensten dach der maent
van november
Jan Beus
maeyken Jansen
Picker van gilt
Adriaen Corstiassen
Jan Adriaensen
van Spaendouck
Pieter Beeris
Wouper Jansz de Gout
De Roij als getuygen
H. De Hoij Pals getuygen
1634
Op huijden date ondergess. Compareerden voor my