Blader door transcripties » Noord-Hollands Archief

archieftoegang 1617, inventarisnummer 7, pagina 72

nyettemin nyet Raedtsaem en hebben gebonden om tselve
alzoo voor de voorschreuen wethouderen te doen allegeren
besorgende dat de voorschreuen wethouderen des te meer
soude veroorsaeckt syn tot hen Comparanten achter deele
te wysen ende de saecke te meer te verhaesten ende te
precipiteren, hoe wel zy Comparanten inde voorschreu
defentien ende exceptien die naerder Inden voorschreuen
processe syn verhaelt wel syn gefundeert, gemerct zy
nyet alleenlick voor hen hebben de pretense geloofte daer
vuyt den voorschreuen Middelton ende consorten syn agere
ende welcken achtervolgende zy Comparanten allen
moghelyck debuoir hebben gedaen ende doen doen ten
eynde de voorschreuen Coronellen ende Capiteynen byde
heeren Staeten generael soude voldaen ende betaelt
worden Maer oick de presumptien van Rechten aengesien
de schulden vande voorschreuen Engelsche en Schotsche
Coronellen ende Capiteynen hen Comparanten Noch
inde qualite als Coronellen der Stadt van Antwerpen
noch oick ende veele min nomine proprio waeren Raeke
maer de voorschreuen heeren Staeten generael die hen
oick hebben Respective gegeven henne obligatien. Soo
eest dat zy Comparanten om te versien zoo veele als hen
doenlick Is ende nae Recht behoort tegen de voorschreuen
nulle procedure daer Inne men voor de voorschreuen
wethouderen tzedert hen vertreck heeft voorts gegaen oft
alnoch soude moghen voortsgaen. Ende teghen t vonnisse
twelck tot hennen achterdeele soude moghen gewesen
worden, hebben geprotesteert ende protesteren midts
desen in alder bester forme ende manieren als tselue
eenichtsints nae Recht gescieden mach van dat de selve
procedure vonnisse tot henne achterdeele te wysen bij
zoo verre tselve alzoo gesciede, ende allen tgene des daer
vuyt soude moghen volgen, Is nul machteloos ende van
onwaerden. Ende gemerckt zy Comparanten de weete
ende Insinuatie van desen aende voorschreuen wethoude
van
sunder
noch aenden voorschreuen Middelton ende consorten nyet
en cunnen noch gehouden en syn te doen Justo nietu Impedit
zoo hebben de voorschreven Comparanten oick geprotesteert
ende protesteren midts desen van henne diligentie ende
debuoir ende dat dyen nyet jegenstaende zy Comparanten
van
het effect vande voorgaende protestatie selen behooren
ende
te genyeten. Ende versochten zy Comparanten aen
my openbaer Notario hyer van gemaect en hen gelevert
te worden een oft meer publycke Acten van protestatie
in forma. Omme hen daer mede te behelpen In tyden
ende wylen sulcxs ende aldaert behoren zal. Aldus
gedaen ende gepasseert ten tyde alsboven binnen der
Stadt haerlem inde Ste. Jansstrate ten woonhuyse
vanden voorschreuen S. Arnoult hoffman. Daer
als getuygen van gelove met my Notario present ende
Jegenwoordich waren Claes Lubberts Laeckenberen der
ende Leonart Luls beyde Inwoonderen der stadt haerlem
voors Tot kennisse van desen Specialicken versocht en
gebeden.
kennisse ende tot volcommen zeeckerheyt van
gene voeren gescreven staet. Soe hebbe ick
penbaer Notario voornt. Desen met mynder
en gen hant ende signature hy er beneden aengestelt
bevesticht.
deweest
Nots.
IX
17
te