Blader door transcripties » Noord-Hollands Archief

archieftoegang 1617, inventarisnummer 40, pagina 5

dat zyluyden daermede afstaen ende hen te vreden houden zullen
Sonder yet meer of anders te mogen eysschen, alle twelcke hier
vooren gescreven staet die voorn Jannetgen Jaspars dochter
testatrice seyde ende verclaerde te wesen haere Testamentaire
dispositie, lesten wille, ende eyntelycke begeerte, willende
ende begerende de zelve voor alsulcx ofte als codicille
donatie buyt saecke des doots onder den levenden ofte anders
zoe dat best ende vastelicxte stadtgrypen mach t'zy naer bestreven
rechten ofte goede gewoonten, onverbreeckelicken naer
haeren overlyden geachtervolcht & onderhouden te werden
nyetjegenstaende tgebreck van eenige rechtel solemniteyten
„ desen beuonden, die zy alle derogeerde by desen. Ende
versochte haer hier van by my notario ondergescreven
gemaect ende gelevert te werden een ofte meer openbaer
Instrumenten in behoorl forme Aldus gedaen tot haerlem
voors, Ten huyse myns notary gestaen opten Spaerne
Ten tyden als vooren, Ter pieter van Thomas Jansz
moultmaker, ende Geuytpieters z biersleper beyde poorteren
der zelver stadt als getugen van goeden gelove met my notario
hiertoe sonderlinge versocht ende specialicken gebeden die
tot meerdere kennisse toutwerp van desen elcx onderteyckent
hebben
Ende wandt alletgundt hier vooren staet gescreven
zulcx voor my Adriaen Willemsz & publyck notaris
byden Hove van Hollandt toegelaten ten by wesen
vanden bedengesen getugen, es geschiet, ende
verleden, Soe hebbe ick myne gewoonlick
signatie hier beneden gestelt
Willems
Nots.
E
H
Inden Jaere ons heeren duysent vyf hondert negen ende
tuegentich die twaelfde Indictie, den vijen dach Septembris
omtrent zes uren tzavours, Impererende dalder doerluchtichst
Roomsch Keyser Rodolpho die tweede van dier naeme int xxiij
jaere zynen rycx, Compareerde voor my Adriaen willemen &
publyck notaris byden hove van hollandt toegelaten ende
voorden getugen hier naer genoempt, deersame floris van mollet
vuyt den lande van helst in vlaenderen, ende deerbare Lysbeth
cleutering zyn huusvrouwe, den voors fleasen wadt sieckelyck
naerden lichame, maer gaende ende staende, ende den voorn bysbet
clouck ende gesondt, ende beyde heur verstandt sinnen memorie
ende spraecke wel machtich als cluerlicken gebleecken is ende
men anders nyet sien noch bemercken en conde. Ende verclaerden
die voorn comparanten hoe dat zyluyden aenmerckende de
cortheyt des tytelicken levens als een schaduwe verganckel
ende dat zulcx nyet zeeckerder is dan de door ende nyet
onzeeckerder dan den tydt ofte nre vandien, begerende daeromme
by henien beyder leuen te voorsien, dat ten afsterven van eene
van hen beyden, zeecken getrouwe persoonen sullen wesen voochden
beneffens den l amptlevende van henre beyder kinderen ende der
nome meer
zelver goeden. Daeromme gewilt geschut & geordonneert
hebben, nomineren ende ordonneren by desen totte voochdye voorn
den eersamen Abraham van molleyn ende Loys cleutering
hen comparanten broederen, gesamentlicken ende elcx van hen bysonder
Omme te wesen voochden ende bewinthebbers van heur beyde
voors. kinderen & der zelver vaderlycke oft moederlyck goeden
beneffens den lancxtlevende van hen beyden comparanten
Sonder dat yemands anders hem daer mede sal moegen bemoeye
versouckende over zulcx aenden voors. abraham & Loys
desen laste ende wachdye te willen vervaerden, sulcx dzelve
Abraham & Lons, alhier mede present wesende, tzelfde
opt versouck voors aengecomen & geaccepteert hebben, ende
versochten hen die van flons van mollen & Lysbeth
clentering hier van by my notario bovengenoempt gemaecht
ende gelevert te werden een ofte meer openbaen toelen instrumenten
in behoorl forme Aldus gedaen tot haerlem Ten woonhuuse
vn voors. compten gestaen inden vrantkensch ter presentie
van Melchior de schepen van Rousselare, & Jan de
witte van Coolscamp beyde poorteren oft inwoonden
der zelver stadt als getugen van goeden gelove met my novo
hier toesonderl. versocht, die de minute van deselx met
hemden rinnen onder
T attestor
Willems
Nota
N