Blader door transcripties » Noord-Hollands Archief

archieftoegang 1617, inventarisnummer 40, pagina 12

E
Inden Jaere ons heeren duysent onfhondert negen ende tnegentich die
twaelfde Indictie den vyfthienden dach Septembris Impererende
valder doerluchtichste ende grootmogenste heere heeren Rodolpho die
tweede gecoren Roomsch keyser van dien naeme int xxiije Jaere
sijns rycx. Compareerden voor my openbaer notario ende
den getugen hier ondergescreven deersame Jan cochuut maertenss
van Louendregem ter eenre, Ende dierbare mechelyntgen werrebrouct
van Rousselaere geassisteert met Jaques declerck haeren bystaende
voocht in desen ter andere zyden. Ende verclaerden die voorn
Jan cochmit, ende mechelyntgen werrebrouck, dat zyluyden
waeren besloten ende verdragen Ome metten anderen in wettigen
huwelycken state te versamen, op condien ende huwelicxe
voorwaerden hier naer verclaert. Tes te weeten indient
gebrele dat Godt beliefde dat den voors Jan cochunt eerst
ende boorden voorn mechelyntgen zyne toenmende huysvrouwe
aflynich werde, dat in zulcken gevalle de zelue mechelyntgen
wederomme naer haer nemen ende eygentlyck behouden zal, de
hondert eenentzestich ponden vyff schellingen negen grooten vlaems
die zy mechelyntgen ten desen huwelycke h aen brengende is gelyck
oock aen haere zyde zullen blyven den gronden van erven & besette renten
van haere zyde gecomen, dat voorts de voorn mechelyntgen boven
desen vuyt den sterfhuyse ende voor buyt den eersten & gereersten goeden
vanden voors Jan maertens cochuut genyeten, trecken, & als haer
vry eygen behouden zal de somme van duysent Karolus guldens tot
xl grooten vlaems tstuck, mitsgaders deene helft vanden
huysraet ende catheylen met de bedden & heuren toebehooren
daer mede zij afstaen & vuyt den sterfhuys scheyden zal, blyvende
de gronden van eenen ende besette renten gecomen vanden voors
Jan cochuut, als oock de vordere goeden vanden sterfhuyse
aenden halingen vanden zelven Jan cochuijt, Sonder dat zy
mechelijntgen eenige byleven daer af zal moegen genyeten
Ende indient gebeurde dat Godt beliefde, dat den voory mechelyntgen
eerst ende voorden voors Jan cochunt haeren toecomende man
geraecte te sterven Soe is besproken ende geaccordeert dat den
zelven Jan cochmit in sulcken gevalle sal trecken & behouden
vuyt de hondert eenentzestich ponden vyf schellingen negen groten
vlaems by den voors. mechelyntgen tot desen huwelycke ingebracht
de some van vier hondert kl gul, ende de reste vande zelve
Ingebrachte hondert eenentzestich ponden vyff schellingen negen
grooten vlaems, sal volgen den hoors ofte halingen van haer
mechelijntgens zyde de welcke hoors mede jegens den voors
x.
Jan cochunt sullen deelen deene helft vande catheylen welrecht
als te weeten van het houtwerck, tinnewerck coperwerck ende
ijserwerck, mitsgaders naer haer nemen alle des voors mechelyntgens
clederen met zes hemden, ende een bedde met zyn toebehooren
geheel.
ende voorts „ behouden aen heur tyde den gronden van erfven ende besette
renten gecomen van deszelfs mechelyngens zyde, Sonder dat
den voors Jan cochuit eenige bylenen daer af sal moegen genyeten
Ende hiermede zullen den voors halingen van mechelyntgen vuyt
den sterfhuuse blyven ende afstaen, Sonder eenige vordere actie
daer aen te mogen pretenderen, & voor zulcx voorts alles blyven
ten proffyte etc aende zyde vanden voors Jan cochunt ende hier
met alle welcke voors conditien & verbo voorwaerden die
voor contrahenten over wederzyden verclaerden wel te vreden
te wesen, ende beloofden de zelve alsoe tachtervolgen ende
tonderhouden met zulcken conditien nochtans & nyet anders,
dan dat de voors bespreken ende voorwaerden byden voornoemden
contrahenten tezamen met gemeenen consente ter allen tyden zullen
mogen vermeerdert, vermindert, ofte verandert werden
naer heur beyder believen, alles ter goeder trouwen ende
sonder arch, ende versochten hen die voorn comparanten
hier van by my notario ondergesreven gemaect ende gelevert te
werden een ofte meer openbaere Instrumenten in behoorlicke
forme, Aldus gedaen ter haerlem, Ten huyse myns notary gestaen
opten Spaerne ter pntie van Dirick fredricx & zeylmaker &
Jacob aernts & senex beyde poorteren der zelver stadt als gevigen
van goeden gelove met my notario hier tot sonderlinge versocht
die metten contrahenten tot meerder kennisse toutwerp van desen
onderteyckent hebben.
Ende wandt alle tgundt hier vooren ges staet zulcx voor
my Adriaen Willemsz publyck notaris byden hove
van hollandt toegelaten ten bywesen vanden getugen voorn
es geschiet ende verleden, Soe hebbe ick myne
gewoonlicke signatueren hier beneden gestelt
N
Willem