Blader door transcripties » Noord-Hollands Archief

archieftoegang 1617, inventarisnummer 2, pagina 84

sullen deelen ende verticiperen, de welcke zyn erffgename gehouden
sullen zyn, sulcxs hy testateur oock expresselick begeert (Indien
hy voor zyn voors huysfrou compt t’overlyden) te betalen de
helft van schulden die staende huwelicke gevallen ende gemaect sullen
zyn, daer mede den gemeenen boel ten overlyden van hem Testateur
zal bewaert wesen. Des verclaert hy testateur zyne vuyterlicken
wille ende begeerte te wesen dat de voors. aeff van zanen zyne susteren
nochte den voors. Eymbort Dircxz haeren man van goeden die van
hem testateur, op henluyden sullen cruen ende succederen, nyet meer
en zullen hebben genieten nochte ontfangen dan de gerechte bruyewaer
blaedinge & Jaerlicxe Incommen, sonder dat zyluyden in eeniger
manieren de hooffomende vandien verminderen sullen moegen, Ofte de
zelve goeden oock Int minste ofte meeste vercopen veralieneren of
beswaeren, maer wil hij testateur dat de voors goeden naer
de voors zyne susters ende haeren mans overlyden in vryen eygendomme
op heuren kindt kinderen ende gerechte erffgenamen zullen cruen ende succederen
Ende de vs. Elisabeth pieters dr mede alleene ende in sunderheyt
willen disponeren van haeren goeden, die zy ter werlt zal achterlaten
soe Landen renten als andere roeren & onroeren goeden, verclaeren dat
y ome merckelicke ende sonderlinge redenen haer gansselick daer
toe bewegen gemaect heeft & maecte by desen, Gerrit Doedezoen
procureur voorden hove van hollant haere testatrices neue, &
by overlyden van hem zyne kindt ende kinderen in haere vaders
plaetze alle alsulcke parthijen van Landen als haer Testatrice van
haere za. moeder ende moeders zyde eenichsins opgecomen ende arenbestorven
moegen wesen, als te weten alsulcke stucken ende parthyen van Landen
als zy testatrice jegewoordelick opten dach van huijden metten
zeluen Gerrit doede z haeren neue gemeen & overscheyden heeft
leggende inden bannen ofte dorpen van Nierop winckel & heyloe
soe zy testatrice verclaerden aldaer anders geen Landen te
hebben dan, die metten zeluen gerrit Doede z gemeen ende
onverscheyden, leggende waeren) Inden eygendomme & proprieteyt
van welcke parthyen van Landen, met oock in den eygendom
van allen, den clederen soe Linnen als wollen thaeren Lyve
behoorende, die zy ter werlt zal achterlaeten geene vuytgesondert
zy testatrice den voorn. gerrit Doedez. haeren neue, ofte by
gebreecke ende overlyden van hem zyne kindt ende kinderen (die hem
onder ende inde obedientie van Co. Mat. onsen aldergenadicht
heere begeven ende houden zullen maer anders geene) in heure
vaders plaetze by desen voor soe veel dvoors. landen ende
56 lb
clederen aengaet tot haeren erffgen. stelt ende institueert
Rehoudelijck nochtans dat zy Testatrice wil ende begeert
dat een van de voors. parthijen van landen, genaempt Lutgers
acker gelegen inden van van winckel gelden jaerlicxs elff kar¬
gulden, byden voors. mr Hugo bol haeren Lieven man indien
hy haer testatrice overleest, zyn Leven lanck gebruyct
de voors huyre daer van Jaerlicxs genoten ende
ontfangen zal werden. Ende dat naer zyn, overlyden ende
nydt eer, den Rechten eygendome van zelue Lutgers acker
mede cruen ende succederen zal opten vs. haeren neue Gerrit
doede etc. ofte zyne kinderen, in allen schyne als dandere
parthyen van Landen hyer voeren gementioneert. Ende
belangende allen den anderen goeden, die zy testatrice noch meer
ter werlt achterlaten ende metter doot ruymen zal moege
daer van hyer voeren nyet gemaect noch gedisponeert en es
soe wel losrenten met oock die hooftsommen vandien als
oock anderen Jaerlicxen Incomende schulden actien ende crediten
van wat nature die zyn ende bevonden sullen werden te
wesen egeene vandien buytengehouden Wil ende begeert
testatrice dat alle de zelve overblyven Losrenten ende
anderen goeden inschulden ende crediten in Rechten vryen ende
gehelen eygendomme cruen ende succederen zullen opten voors
daeren man mr Hugo bol, den welcken zy oversulcxs
daer Inne mede tot haeren erffgenaeme stelt ende
institueert by desen Ome alle de zelve overblyven
Losrenten hooftsommen vandien ende anderen goeden vry eygentelick
sonder becroen ofte tegenseggen van yemant geaenvaert gebruyct
euwelick ende erffelick gepossideert te werden, sulcxs ende
allen schyne als zyne, andere vrye eygen goeden. Verclaerden
voorts meer de voorsz. testateurs gesamentelicken ende
elcxs sonderlinge wel expresselick by desen dat zy
elcxs aen hen behouden volcomen macht ende vrye wille
Ome desen heurluyder testamentaire dispositie
ende vuyterste wille tot allen tyden te moegen altereren
ende veranderen theurluyder eygen geliefte. Willende ende
begeren oversulcxs te samen ende elcxs sonderlinge dat Iudie
testateurs gesamentelijck ofte elcxs alleen eenige
veranderinge van desen testamente hyer naemaels deden
tzy oft zelve gebeurden voor heurluyder biechtvader