Blader door transcripties » Noord-Hollands Archief

archieftoegang 1617, inventarisnummer 2, pagina 83

hen alleen in voorleden tyden als te weten voor date van dese
eenichsins gemaect verleden ende gepasseert moegen hebben hoe ende
in wat manieren dselve souden moeg
geschiet hebben wesen
twaere voor schepen, Notarissen ende getuygen ofte andere publyck
versoonen egeene altoes daer buijten gereserveert, houdende alle
deselve huwelicxe voorwaerden, testamenten ende andere
maeckingen voor date van desen gepasseert, voor mill crachteloot
van onwaerden ende in allen schyne off dzelve noyt gemaect, verleden
ende gepasseert waeren geweest. Ende wederomme van nyeuw
disponerende van elcxs heurluyder goeden, verclaerden elcx
heurluyder testamente vuyterste wille ende Laeste begeert
te wesen tgundt hyer naer volcht Te weten dat zy testateur
„ gemaect
malcanderen ouer & wederouer Reciproce gegundt, & besproeckt
hebben te weten de Langstleven van hen beyden den gerechte
eygendom van allen den huysraet die de eerste van hen beyde
Jervende ter werlt zal laeten als Linnen wollen beddens kusse
deeckens houtwerck coperwerck yserwerck, tinnewerck nyet
altoes daer buyten gehouden, mitsgaders oock den Rechten
vryen eygendome van alle tgelt goudt silver gemunt ongemunt
siluerwerck ende anders, met oock allen den verschenen ende onbetaelden
Lantpachten renthen ende allen Incomen schulden, die ten overlyden
van eerste van hen beyden inden boele sullen werden bevonden ende
alsdan verschenen zullen wesen, die zy testateurs willen dat gereeckent
sullen werden in allen schyne off dzelve alsdan verschenen renten, all
ontfangen waeren, ende inden gemeenen boele bevonden, alwaert oock sulcx
dat de zelue pachten ende renten een groote & merckelicke somme
mochten bedraegen, Inden eygendome ende proprieteyt van alle welcke
voors goeden zy testateurs malcanderen ouer ende wederover
by desen Institueerden, omme alle dezelve goeden, byden langstleven
van hen beyden ter stondt naer toverlyden van deerste gesturnen mette
daet geaenpaert naer hem genomen ende ten euwigen daegen als zyn van
33
eygen gebruyct ende gepossideert te werden, vry ende sonder eenich hinder ofte
letzel, van erffgenamen van deerste gesturnen, die zij testateurs
willen, dat hem daer mede te vreden houden ende contenteren sullen moeten
Welverstaende dat inden voors huysraet nyet en sullen begrepen oft
gecomprehendeert zyn, die clederen ten Lyve van Dicxs van hen
testateurs behoren, die zy willen dat ter stondt naer elcxs heur
Overlyden in vryen eygendome sullen gaen & succederen op elcxs herren
55 lb
hier naer geinstitueerde erffgename. Ende de voors. testateuren
disponerende elcxs voorts in sundorheyt van heurluyder goeden die
zy meer ter werlt achterlaeten ende metter doot ruijmen sullen. Ende
eerst de voors mr Hugo bol alleene van zyne goeden. Seyde ende
verclaerde te wesen zyne uuyterste wille, Indien hy deser werlt
compt te overlyden voorde voorsz. Elisabeth pieters dochter zynde
geechte Lieve huysfrouwe, dat hy in sulcken gevalle expressel
wil ende begeert, dat dzelue zyne huysfrouwe naer toverlyden
van hem testateur, zal hebben ende genieten haere Leven Lanck, de
bruyewaer van zyne twee huysen jegewoordelick inde sinte Jehans
straet staen, het eene by hem testateur op deser vuyre bewoor
ende het andere te huyre gaen, welcke voors twee huysen zyne voors
huysse haere Leven lanck ende nyet langer zal bewoenen gebruycken
ofte dselue verhuyren ende de huyre daer van jaerlicx genieten tot
haeren eygen wille Abelieuen Ope zal de voors zyne huysf.
inde plaetze vande bruycwaere ende Lyftochte aen de voors. twee huysen
moegen heffen trecken ende ontfangen Jaerlicxs vuyten aldergereetsten goed
die hy testateur metter doot ruymen ende ter werlt achter zal
Laeten, de somme van ses ponden groen Vlaems, mede haeren leven
lanck geduyerende ende nyet langer, daer van hy testateur
wil dat zyne voorsz. huysse, haer vrije keure ende optie
zal hebben, Te wetten off zy zal willen genieten tgebruyck
ende huyre der voors. twee huysen, off inde plaetze vandien
de voors lyffpensie van ses ponden groon vlaems, Ende dit
In conformite van hem ende zyns huysfrouwen huwelicxe voorwaerden
A3
die hij testateur voor soe vele tvoorseyde gebruyck ende lyffpensie beroert
ende aengaet, ende vorder nijet, verclaerden by desen alleenlick te approberen, Ende
hij testateur voorts disvouerende soe van eygendom & proprieteijt van goede
ofte huysen daer van hij zijne huyffrouwe de lyftochte ende gebruyck
hijer voeren heeft gemaect (naer dat dselve zyne huysvrouwe heesschere mede deser
werlt overleden zal wesen) als oock van allen hem testateurs anderen
goeden roerende ende onroeren actien Inschulden ende crediten, die hy eenichsins
metter doot ruijmen ende ter werlt zal achterlaeten, egeene vuytgesonden
dan alleenlick daer van hyer voeren nopende den eygendom by hem
gemaect, ende gedisponeert es, heeft hij testateur tot zyn erffgename
gemaect ende geinstitueert by desen zyne twee gesusteren, als te
weten Aeff van zanen huysfrouwe van Engebrecht dircxz
deijman voor deen helfte, ende Josyna van handen mede hem
testateurs sustere voor dandere helpe, Ose bij gebreecke
ende afflivicheyt van eenige van hen beyden, heuren kindt ende kinderen
Inde plaetze van haeren moeder, die hy wil dat sulcxs de
goeden van hem testateur gelyckelick ende elcxs halff ende halff