Blader door transcripties » Noord-Hollands Archief

archieftoegang 1617, inventarisnummer 2, pagina 85

Notaris ende getuyge, twee getuygen alleenlick, in een cedulle
onder huijdt handt gescreven ofte alleenl byhenluyden ondergeteyckent
wesen, off andere wettelicke kennisse, dat alle sulcke veranderinge
ende maeckingen by henluyden ofte elcxe van hen alsoe gedaen
van sulcker cracht gehouden ende geachtervolcht zullen
werden, al off dzelve in desen heurluyder vuyterste
wille perfectelick vuytgedruct ende van poinct tot poinct
verhaelt waeren. Alle twelcke voeren gescreven ende
verhaelt staet, de voors. mr. Hugo Bol van zaene
ende Elisabeth pieters dochter testateurs te samen ende
elcxs sonderlinge aen handen myns notaris wettelicken
stipulerende, seyden ende verclaerden te wesen elcxs heurluyder
vuyterste wille ende laeste begeerte Willen ende begeren
dzelve voor alsulcxs, als codicille, gifte vuytsaecke
des doots ofte andere (soe eenige vuyterste wille
tzy naer bescreven Rechten ofte goeder gewoonten alderbest
stadt grypen ende effect sorteren mach) naer elcxs heurluyder
overlyden vast ende onverbreeckelick onderhouden ende
geachtervolcht hebben, alwaert sulcxs dat tgebreck
van eenige solempniteyten van rechten in desen bevonden
mochten worden, die zy Testateurs te samen ende elcxs
sonderlinge verclaerden by desen te nyete te doen ende te
derogeren. Ende versochten de voorsz. testateurs aen mij
Notario alhyer ondergescreven henluyden hyer van gemaect
ende gelevert te werden, een ofte meer openbaer Instrumente
Inder alderbester forme Aldus gedaen binnen der stadt
Haerlem voorsz. ten daege Jaere maent ende Indictie
alsboeren ten huyse van de voors. testateurs staende inde sinte
Jehans strate, recht over tclooster van sinte Jehans heeren
Alwaer mede met my notaris present ende Jegewoordich waeren
den eersamen personen Jacob Jacobssen weesmr. der voors. stadt haerlem
ende Dirck Paeuw Janssen vuyten Haege, althans binnen der zelver
stadt residerende als getuygen gelooffs waerdich tot kennisse van
dese versocht ende erstelick gerequireert zyn, die de minute
van desen hebben onderteyckent.
Ende want alle thundt vooren gescreven staet
voor mij Michiel Janss van woerden secretaris
der stadt haerlem ende Notaris publyck by den
raide van hollant toe gelaten, ende een voorn.
hemingen alsoe gepasseert ende geschiet es
soe hebbe ick desen met myne signature
bevesticht.
in De woerden
nots. st.
Acte beroerende den erffgen. van Cornelis Corneliszoen Wij
Oscrynwercker
Op huyden den vyffden aprilis anno xvc Ses ende tzeventich
Compareerden, voor My Michiel van Woerden Janssen der
stadt Haerlem Secretaris ende Notaris publyck byden hove van
hollandt geadmitteert, ter presen vanden naegenommeerden getuygen
Deersamen Dirck corn.z. schrynwercker ende Gerrit cornz.
schilder gebroedert ende mr Willem van poelenburch als man ende
voocht van Clara Cornelis dr. poorters der voors. stadt Haerlem
alle kinderen ende erffgen. van wylen Corn. cornz. in zyn leven
mede scrynwercker ende marytgen symons dr heurl. za. vader
ende moeder, verclaeren dat zyluyden met malcanderen geschift
gescheyden ende minnelick gedeelt waeren van allen den naegelaten goeden
by heurl. voors. za. ouders hen achtergelaten gheen vuytgesondert
daer mede zyl hen ten weder zyden te vreden hielden, ende elc xv
metten vthyen hen aenbedeelt contenteerden Belovende oversulcxs
den eenen den anderen nemmermeer yet ter oirsaecke vandien te
eyschen ofte eenige molestae daeromme te doen in rechte ofte
daer buyten in eeniger manieren. Ten waere dat zyl ofte eenich
van hen dryen hyer naemaels eenich verlies ofte schade mochte lyden
aen besegelde Rente ofte custingbrieven hen elcxs aenbedeelt, te weten
dat elcxs heurl portie der voors. brieven hen soe vry ende geheel nyet
en soude moegen volgen als de voors. deelinge althans onder henlieden
gedaen es, dat zyluyden malcanderen in sulcken gevalle die schaeden
die yemat van hen dryen aen zyn aengedeelde portie der zelver renten
ofte custingbrieve lyden souden moegen, sullen helpen draegen gelyckel
ende hooft voor Hooft elcxs evenveel. Daer onder verbindende allen
ende elcxs heuren goeden roeren ende onroerende jegewoordige ende
toecomende egeene buytengehouden. Versouckende zy comparanten aen
my Notaris voors. hen elcxs hyer van gemaect ende gelevert te werden
een ofte meer acten in behoorl. forme etc Aldus gedaen ende verleden
byden voors. comparanten inde nyeuwe scryffcamere der stadt
Haerlem ten daege ende Jaere alsboven Ter presentie van Matheus
heur z deurwaerder shooffs van Hollandt ende mr Dirck spycker
als getuygen gelooffwaerdich tot kennisse van dese met my Notario
versocht zij gebeden zijnde, die de minute van desen oock
geteyckent hebben
89
x
En kennisse ende tot zeeckerheyt des Waerheyts
Openbaer Notaris voors. deser
hebbe Ick
gesubsigneert
voorsz
in De woorden nots.
Fo
3
36
hier te
Not. Prat.