Blader door transcripties » Noord-Hollands Archief

archieftoegang 1617, inventarisnummer 2, pagina 79

erffgenaemen, die zy hyer naer inden eygendom van hoeren goed
institueren zal. Ende de voors testateurs voorts disponerende
van eygendom ende proxrieteyt van elcxs heurluyder goeden, die
zij metter doot sullen ruymen ende achterlaeten, naerdat de voors.
Lyffocht ende bruycwaer vandien voleyndt ende de langstlevende
deser werlt overleden zal wesen verclaerden Eerst de voor
Frans claess Soutman testateur alleene, zyne vuyterste wille ende
meeninge te wesen, dat Ingevalle hy Testateur compt deser
werlt toverlyden voorde voors. Sophia Jans dochter, zyne lieve
huysfrouwe dat hy in sulcken gevalle (maer anders nyet) wil
ende begeert, dat de voors. zyne huysfrouwe ter stondt naer
hem testateurs overlyden vuyt zyne aldergereetste goeden, die hy acht
522
laeten zal, naer haer nemen, vry eygentelicken aenvaerden ende te
enwigen daegen hebben en behouden zal. Eerst de somme van drye
hondert karolg gul te veertich groon vlaems tstuck eens voor haer
Douwarie. Ende daer toe noch mede vry eygentelick, de some
van tweehondert gelycke guldens, inde plaetze van deszelffs
zijne huysfrouwen cleynodien Juwelen silverwerck ende anders
die inde voorleden troublen tyt, ofte inde Revolte deser stadt
Haerlem in nootruft ende behoufen van hem testateur & zyn voors
huysfrouwe verteert zyn. Ende belangende voorts dandere
goeden die hij testateur noch meer achterlaeten zal. Is hen
testateurs vuyterlicke wille ende begeren dat alle de zelve
vordere goeden (naer voleyndinge der voors usufruct ofte
Lyftochten gaen erven ende in vryen eygendomme succederen sullen
uxten voorn Steffen claesz Soutman zynen broeder ende mary
claes dochter zyne sustere gesametelicken ende elcxs hoop
voor hooft evenveel, Oste by gebreecke & overlyden van eenige
van hen beyden, heurluyder kinde, kinderen ofte kintskinderen in
heurluyder ouders plaetze, in allen schyne off heuren ouders noch
in levenden lyve waeren ende opten stoel saeten, die hy alle
gelyckelick in manieren alsvoeren, by desen tot zyn erffgenamen inden
eygendom van zyne voors. goeden stelt ende Institueert, Ende
de voorn. Sophia Jans dochter testatrice mede in sunderheyt
van eygendom & proprieteyt van haeren goeden die zy metter
doot ter werlt achterlaeten zal maecken & disponerende
(naer dat de lypochte usufruct oft blaedinge Inder voors manieren
zal veleyndt zijn) seyde ende verclaerde opentelick haere vuyterste wille
te wesen dat alle die goeden van haer testatrice naer toverlyde
van voorn lancxstlevende sullen gaen erven en succederen, op cornelis
’s jaers derselve
kinderen leven lanck
ende langer nyet geduerende
51
Janssen kies haere testatrices broeder, ende den kinderen van Adriaen
Janssen Kies, mede haeren overleden broeder gesamentelicken te weten
in scirpes ende nyet in capita. Ofte by gebreecke ende overlijden van
eenige van henluyden, heurluyder kint kinderen ende kintskinderen I
heuren ouders plaetze, soe zy testatrice expresselick wil dat
den kinderen altoes heurluyder ouders inde voors erffenisse zullen
representeren, die zy oversulcxs inden eygendome van haeren goeden tot
haeren erffgenamen Inder voors manieren justitueert by desen, verclaeren
voorts meer de voors. Sophia Jans dochter testatrice, dat zy buijten
de voors Lypochte behoudt ende expresselick rescrueert den goeden, te
weten alleenlick den Landen & Renten die haer testatrice aengecomen
ende opbestorven zyn by toverlyden van frans Jansz kies mede haeren
broeder za. De welcke goeden van haeren broeder, als voeren
geseyt is, alleenlick de Landen & renten zy testatrice wil
ende begeert, dat ter stondt naer haeren overlyden tzy off zy voor
ofte nae haeren voors man compt te overlijden, zullen gaen cruen ende
succederen metter daet uyten voors. haere hijer voeren geinstitueerde
erffgenamen sonder dat de voors. goeden van haeren za. broeder haer
aengeerft, inde voorn Lyftochte zullen zyn begrepen ofte gereeckent
Gelyck zy oock nyet en wil noch begeert dat dzelve goeden, inden
gemeenen boel (Indien zy testatrice naer haeren man compt
touerlyden) zullen werden gereeckent, ofte eenichsins met haere mans
erffgen deelbaer ofte gemeen sullen wesen, Maer es haere vuyterlicke
meyninge dat dzelve goeden van haeren broeders za haer aengeerft
hij sulcker vougen alsboeren, in allen gevalle tzy off zy de eerste
stervende ofte de lancxstleven mach wesen, op haeren voors erffgen
vry sonder eenich becroon gaen erven en succederen zullen. Den welcken
haere testatrices voors erffgenamen, zy bij desen expresselick belast
ende es haere vuyterlicke wille ende begeerte, dat dzelue erffgen.
uuyte voors. Landen ende renten van Frans Jansz. kies gecomen
sullen onderhouden den 4 wee naegelaten kinderen van wylen Dirck gaerbrant
shipper, geprocreeert by Griete gerrits dochter haere testatrices
nichte, als by naemen Lysbet ende Grietgen Dircx dochteren, te weten
properlick naer der selver kinderen state, in heure Notelicke behoupten
ende dit soe Lange ende ter tyt toe de voors kinderen tot heuren mondigen
jaeren sullen zyn gecomen, ende dat zy heurluyder cost zelffs zullen
connen winnen. Ende dat alsdan de voors. haere testatrices erffgen.
elcke kint noch sullen geven voor een legaet ses karolg guldens # Gelyck
sluer
inck
duerende