Blader door transcripties » Noord-Hollands Archief

archieftoegang 1617, inventarisnummer 2, pagina 78

Stamert van Frans Claessen soutman
huysvrouwe
Inden Naeme onsheeren amen, By desen jegewoordigen Instrumente
eenen yegelicken kondt ende openbaer hoe dat inden jaere vander geboorten desselfs
ons heeren Jesu christi duysent vyffhondert ses ende tzeventich, de vierde
Indictie des saterdaechs den xxjen dach van Januario omtrent des smergen
ten seven uren regueren @ Voor mij Notaris publyck by des co.
ma.ts Raide van Hollandt geadmitteert zyn, ter presentie van naegeschreven
getuygen, gecomen en persoonlicken gecompareert zijn geweest. Deersame
Frans Claessen Soutman ende Sophia Jans dochter geëchte luiden poorter
ende poortersse der stadt Haerlem (my Notario wel bekent) beyde in
gaenden ende staenden lyven hoewel de voors. Sophia Jans dochter
een weynich sieckelick ter selver tyt te bedde leggende wat, haerlieden redenen
verstandt, memorie en spraecke zeer wel ende volcomelick gebruyckende, alst
wytwendelij bleecke. De welcke verclaerden dat zyluyden aenmerckende die
zeeckerheyt des doots, & die onzeeckere vuyre vandien, Begeerden de
selve onseeckere vuyre te voorcomen, met dispositie van heuren tytelicken
goeden, hen by God almachtich op deser worlt verleent, alzoe zy verclaerden
geen kinderen ofte ouders in levenden lyve te hebben, Ende willende daeromme
malcanderen voorsien ouer en wederouer van een eerlick byleuen ende
onderhoudt naer toverlyden van deerste van hen beyden. Gemaect hadden
elcxs heurluyder testamente vuyterste wille ende laeste begeerte inde
vougen ende manieren hyer naer verclaert, Bevelen eerst & alvoeren
heurluyder beyder sielen in handen van God almachtich, hoe wanneer die
vuyten lichaeme sullen scheyden, ende hun lichamen der gewyder aerde ende
kerckelicke begravinge. Ende voorts disponerende verclaerden zy testateurs
gesamentelicken ende elcxs sonderlinge met goede voorsienicheyt ende wel bedachten
moede, sonder by tseeg sanders, ofte by yemants raide daertoe gebrocht ofte
reinduceert te wesen. Maer alleenlick, omme sunderlinge echtelicke lieffde
minne ende affectie, die zy tot malcanderen altoes gedraegen hebben, ende noch
draegen zyn, gemaect hadden heurl. beyder testamente Inder naevolgende
maniere, daer toe eerst ende alvoeren gesamentelicken ende elcxs sonderlinge
wederroupen casseren ende te nyete doende allen alsulcken testamenten codicille
ende maeckingen als by hen testateurs gesamentelicken ende elcxs sonderlinge
voorleden tyden gemaect ofte gepasseert moegen wesen, tzy voorschepen Notaris
ende getuygen ofte anders hoe tselve wesen soude moegen, houdende alle de zelve
by desen voor null crachteloes ende van onwaerden. In allen schyne off die
noyt gemaect ende gepasseert waeren geweest. Ende voorts comende tot
dispositie van hoerluyder goeden verclaerden dat zy malcanderen oude ende
wederover Reproce gegundt, gegeuen ende gemaect hadden, de weten den
langstlevende van hen beyden den usufruct Lyftocht, ende blaedinge van allen de
goeden die den eerst sterven van hen beyden metter doot ruymen ende achterlaet
zal, soe wel roeren, als onroerende, Landen Renten, huys huijsraet, Nyet
altoes buyten gehouden, dan alleenl. tgundt daer van hyer naer
breder mentie gemaect zal werden. In alle welcke voors goeden
„
ƒ 50
die deerste van hen beyden stormen achterlaeten zal, te weten inde
Lypocht ende usufruct vandien zy testateurs by desen malcanderen
over en wederover stellen ende Institueren, omme alle de zelve goeden
byde langstlevende van hen beyden, naer doverlyden vande eerst stervende
geaenvaert ende gebruyct te werden zyn leven lange geduerende, Sonder dat
de selve Lancxslouen naer toverlyden vande eerste gesturven gehouden
ofte Int alderminste verobligeert zal zijn, des voors eerste gesturnens
erffgenaemen nopende de proprieteyt ofte eygendom te leveren eenigen Inventaris
ofte staet vanden boel, sulcxt den eerst overlyden die metter doot geruympt
ofte achtergelaten zal hebben. Nochte oock nyet gehouden en zal zyn, den
zelven erffgenamen eenige reeckeninge ofte bewys daervan te doen. Maer
willen zy testateurs alle beyde ende verclaeren heurluyder meeunige sulcx
te wesen, dat den erffgenamen van eerst overlyden, hen sullen moeten
te vreden houden, mette goeden die naede voleyndinge der voors vsufruct
ende lyfochte, als te weten naer doode van de langstlevende, inden gemeenen boele
van hen testateurs sullen werden bevonden, de welcke goeden alsdan gaen
cruen ende succederen sullen aenbeyden zyden halff ende halff, ende oversulcxs by hun
testateurs beyder erffgenamen alsdan sullen werden gedeelt ende geperticipeert
Verclaerden oock mede de voors. testateurs gesamentelijck ende elcxs bysonder
dat zyluyden by desen willen ende begeren, daer toe malcanderen expresselicken
auctoriseren, ende macht gevende, dat indien de lancxstlevende van henluyden
eenichsins nodich mochte hebben, dat de zelue langstlevende naer Deerst
gesturven vry ende sonder eenich becroon off letzel van des voors
eerste gesturvens erffgenaemen, eenigen parthyen van goeden, die dezelve
Langstlevende in Lyfochte van deerste gesturven zal besitten, sal moegen
beswaeren belasten ofte oock vercopen tot zijnen believen, soe zy testateurs
alle beyde affirmeerden sulcxs malcanderens discretie ouer en wederover toe
te betrouwen, daer mede zy wilden, dat elcxs heurl erffgenamen het
sullen moeten contenteren ende tevreden houden, seggende ende verclaerende voorts meer
de voorn. Testateurs, alle beyde ende elcxs bysonder te willen ende te begeren
dat alle tgunde ten Lyve van hen testateurs elcxs bevonden zal werden
te behoeren, als clederen, cleynodien, Linnewaet ende anders hoe tzelve
soude moegen wesen, dat alle alsulcke goeden ten lyve vande eerst
stervende behoeren, ter stondt naer elcxs overlyden sullen gaen ende
succederen, te weten de goeden ten Lyve van de voors frans claessen
behoerende op Steffen claesz. Soutman zynen broeder alleene, ofte
hy gebreecke ende overlyden van hem, op des voors. Steffen claesses
kinderen, ende kintskinderen in heurluyder ouders plaetze, den welcken
hy de zelve goeden maecte by desen, Gelyck de voors. Sophia
Jans dochter, oock verclaerden te begeren by desen, dat alle tgundt
tot haeren lyve behoort, ofte bevonden zal werden te behoeren
ter stondt naer haeren overlyden zal gaen ende erven op haeren