Blader door transcripties » Noord-Hollands Archief

archieftoegang 1617, inventarisnummer 2, pagina 44

ende nyet onseeckerder dan die vuyre vandien
Ende omme de zelve onseeckere vuyre te
voorcomen met dispositie van haeren tytelicken
goeden, gemaect hadde haere testamente
ende vuyterste wille inder manieren hyer
naer volgende, Te weten dat zy testatrice
omme sonderlinge saecken haer conscientie
daer toe moveren, gemaect heeft, dat in
soe verre zy deser werlt compt toverlyden
sonder kint kinderen ofte wettelicke gebooren
achter te laeten, by desen maect ende besprect
den voorn willem vinchents z haeren man, soe
verre zy voor hem deser werlt compt
touerlyden ende anders nyet, de somme van
vyff hondert Karolus guldens eens vuyt
haeren gereetsten goeden die zy testatrice
ter Werlt achterlaten zal. Die zy compte
wil dat dvoors willem vinchents & vuyt
den gereetsten goeden ontfangen zal, sonder
wederseggen van haer testatrices andere
erffgen, ofte alleer haere erffgen tot
eenige deelinge van voors goeden sullen
geraecken, besprect ende maect noch zy
testatrice, Marytgen Jans dochter, Dochter
van wylen Jan Jacobss daer moeder aff was
Jannetgen claes, haere suster dochter, haer
testatrices beste silveren vyftich Maert
ende legateert noch zy testatrice, Ermken
centen dochter haere voors. mans suster
haere beste heuijcke met haer heylige
daechse bouwen, Maeck ende legateert
noch zy testatrice, Omte pieters kercke
binnen der stede van Leyden mede uuyt
haere gereetste goeden twee ponden groen
vlaems eens, Maect ende besprect noch sinte
katherinen gasthuys binnen Leyden drye
Karolus guldens eens, van gelycken mede
theylichgeest huys binnen Leyden mede drye
3
1
I xvij
Karolus guldens eens, alle vuyt haere gereetste
goeden. Ende beroerende allen haere testatrices
andere goeden die zy testatrice metter door
Ruymen ende achterlaten zal, daer van hyer
voeren nyet gedisponeert en es, wil ende
begeert zy testatrice, dat dselve erve
succederen ende bestemen sullen op haere
testatrices susters ende broeders, Ofte heuren
brint ende kinderen inde plaetze van heuren
ouders, elcxs met eene hant Intastende
In alle schyne off heure ouders opt stoel
saeten. Daer Inne zy den selven Institueert
ende substitueert mitsdesen Alle twelck
voorses, die voors testatrice verclaerde
ende seyde, te wesen haere vuyterste wille
ende laeste begeerte willen de selve voor
alsulcxs ofte als codicille gifte vuytsake
des doots ofte anders (soe dselve naer
bescreven rechten ofte goeder gewoonten alder
best mach subsisteren ende stadt grypen) naer
heure afflivicheyt onderhouden te worden ende
ende volcomen effect te sorteren, Nyet Jegenstaende
eenige solempniteynen in desen gerequireert
nyet geobsterveert mochten zyn, Ende
versochte hyer van by my notaris ondergescienen
gemaect te werden een ofte meer openbaer
Instrumenten In behoorlicker forme Aldus
gedaen binnen der stadt Haerlem voors ten
daege Jaere ende Indictie alsboeren ten huyse
ofte woonplaetse myns notaris saen staende
inde barteljoristrate genaempt den braesen
Alwaer met my Notario present ende
dese woordich waeren, d'eersame brieyn cornen
Een decker mede van Leyden ende aelbrecht
Dircxsz scrynwercker burger der stadt haerlem
voors. als gelooff waerdige getuygen tot kennisse
van desen niet my notaris versocht ende specialick
M
gebeden
327