Blader door transcripties » Noord-Hollands Archief

archieftoegang 1617, inventarisnummer 2, pagina 43

te ontfangen tot voors.
tyten van haere testatrices
achtergebaten kinderen, dan in levende lyve
wesen, ende oock omme de voors goeden te
vercopen Inder manieren alsboeren verhaelt
es, Geordonneert, geeligeert, & ernstelick
daer toe versocht, gelyck zy ordonneerden eligeeren
ende ernstelick versochte by desen den Eersamen
Andries Janssz braeuw jegewoordich schepen der
stadt Haerlem, hem bidden de voors laste
te willen aenvaerden soe verre hy in levende lyve
es, ende by aldien hy compt te overlyden, Roehoff
claess mede schepen jegewoordich der voors
stadt haerlem, ofte een ander persoon In zijn
ƒ
plaetze uut ende bequaem zyn daer toe te
verwilligen, Omme thundt voorses te
volbrengen, Welcke voors executeur van
haeren voors testamente ende uuyterste wille
zy comparante wil ende begeert by desen, dat
voor zyne moeyte dienste ende arbeyt, Jaerl.
soe lange hy dese administrae zal hebben.
gemeten ende ontfangen zal, ses karolus guldens
siaers te veertich grooten tstuck alsvoeren. Alle
twelcke voors staet, Die voors testatrice
verclaerde ende seyde te wesen haere uuyterste
wille ende laetste begeerte, willen ende begeren
deselue voor alsulcxs, als codicille gifte
vuytsaecke des doots ofte anders (soe eenige
uuyterste wille tzy nae bestreven rechten
ofte goeder gewoonen alder best stadt grijpen
ende effect sorteren mach) naer heure afflivich
onverbrekelicken geachtervolcht te worden,
Nyet Jegenstaende eenige solempniteyten In
desen gerequireert ende nodich wesen nyet
geobserveert mochten zyn. Ende versochte
haer testatrice hier van by my notaris
ondergescreven gemaect ende gelevert
te werden, een ofte meer Openbaer
Instrumenten in behoorlicker forme, Aldus
gedaen binnen der stadt Haerlem voors
Ter woonplaetse Myns Notaris staende inde
xvij
16
bartel forstrate genaempt den braesem ter
daer jaere maent ende Judictie alsboeren,
daer met my notario present ende Jegewoordich
waeren. D'eersamen personen, Jan van vollenhoe
gerrits mede notaris publyck van ho: wer.
heere den bisschop van haerlem ende aelbrecht
Dircxz scrynwercker burger der voors stadt
als getuygen van goeden gelove tot kennisse van
desen met my notaris versocht ende specialicken
Als gebeden zyn.
Testament van Eemstge claes dochter
huysfrouwe van Willem vinchentsz
cleermaker van leyden
6
Inden Naeme ons heeren amen. Bij desen jegewoordigen
instrumente zy eenen yegelicken keulick ende
openbaer hoe dat Inden Jaere vander geboorten
desselffs ons heeren Jesuchristi duysent vyff
hondert vier en tzeuentich, de tweede Judictie
des Dynsdaechs den vijen dach van september
tsavonts omtrent ten acht vuyren, Regueren die
alder doerluchtichste ende groot mogenste
prinche ende heere, heeren marmieliano de
tweede gecoeren roomsche keyser vandier
name Int thiende jaer naer zynder electie
Voor my Notaris publyck ende den getuygen
hier onder genomineert, gecommen ende gecompareert
es, Eemstgen claes dochter wettige
huysfrouwe van willem vinchentsz cleermaker
8
van Leyden nu woenende binnen der stadt haerlem
gaende, staende, haer redenen ende verstant volcomel
tebruycken alst vuytwendelicken bleecke
wesende nochtans sieckelick van Lichams
De welcke verclaerde dat zy aenmerckende
datter niet zeeckerder en es dan die door