Blader door transcripties » Noord-Hollands Archief

archieftoegang 1617, inventarisnummer 2, pagina 40

des doots ofte anders (soe eenige vuyterste
wille tzy nae bescreven rechten ofte goeder
gewoonten alderbest stadt grypen ende effect sorter
mach) naer heure afflivicheyt onverbrekelijck
geachtervolcht te worden, Nijet jegenstaende eenig
solempniteyten In desen gerequireert ende nodich
wesende nyet geobserveert mochten zij
ende die
zy comparanten verclaerden by desen expresselick te
gerogeren. Ende versochten hemluyden hier van
by my Notaris ondergescreven gemaect ende
gelevert te werden een ofte meer openbaer
Instrumenten in behoorlicker forme, Aldus
gedaen binnen der stadt Haerlem voorss. Ter
woonplaetse myns notaris staende inde
bartheljoristroite genaempt den braesem ten
daege Jaere maent ende Indictie alsboven daer
met mij notario present ende tegenwoordich waeren
Deerbare personen Louris Jansz ende bartelmees
Janssz van Tuynen burgers der voors stadt
Haerlem als gelooff waerdige getuygen tot
is kennisse van desen met my notaris special.
versocht ende gerequireert zyn.
E
Frans Luytsz ende Lysbeth Luyten dochter
broeder ende suster, Testament.
Inden Naeme ons heeren Amen. By desen
jegewoordigen Instrumente zy eenen yegelicken
kenlick ende Openbaer, hoe dat Inden Jaere
vander geboorte Onsheeren Jesu christi duysent
vyffhondert vier ende tzeventich, de tweede Indict
des sondaechs den vyffden dach van september
omtrent twee van ren naer noene, Impereren
die alder doerluchtichste ende groot mogenste
prinche en heere, heeren Maximiliano de
tweede gecoeren Roomsche keyser vandier name
Int thiende jaer naer zynder electie, voor mij
xiij
13
Notaris publyck, ende den getuyge hyer onder
genomineert szyn persoonlicken gecompareert
geweest. Geersame frans Luytsz ende Lysbet
Luijten dochter broeder ende suster, ongehouwen
zynde, beyde poorters ende poortersche der stadt
Haerlem, clouck ende gesont van Lichame, ende
heurl. verstant ende memorie volcomelick
gebruyckende alst vuyt wendelicken bleecke,
De welcke verclaerden dat zyl aenmercken
datter nyet zeeckender en es, dan die door ende
nyet onseeckerder dan die vuyre vandien, ende
begerende de zelve vuyre te voorcomen met
dispositie van hoeren tytelicken goeden, henl
by god almachtich op deser werlt verleent, ende
noch verleenen zal. Dat zy elcxs met
Henrl. vrye wille ende Rypen Raide sonder by
yemant ter werlt daer toe gebracht ofte
geinduceert te zyn, maer alleenlick omme
sonderlinge affectie ende lieffde die zyl tot
malcanderen etc.
in draegende, als altyts by
malkanderen gewoont hebben, gemaect
hadden te sonnen, Ouer, & wederover Reciproce
heurluyder testamente vuyterste wille ende
laeste begeerte, als hyer naer volcht, Bevelen
eerst ende alvoeren heurl. sielen In handen van
god almachtich, soe wanneer die van deser
aerden scheyden sullen, ende haerluyder lichamen
der gewyder aerde Ende voorts disponeren
van hoeren tytelicken goeden, verclaerden
te wesen heurluyder vuyterste willen ende
laeste begeerten, als dat de lancxtlevende van
hen beyden soe verre deerste overlyden sonder
kinderen ofte wettige geboorte In echten state
geprocreert achter te laten compt te overlyden
ende anders nyet, dat de lancxstleven van hen
beyden alsdan zal hebben behouden ende en gewelick
aenvaerden alle de goeden roerende ende onroeren
Inschulden, actien ende crediten, gelt, gout, silver
Gemunt, ende ongemunt, clederen ende luwelen, die
den eerst overlyden ter werlt achterlaeten zal