Blader door transcripties » Noord-Hollands Archief

archieftoegang 1617, inventarisnummer 2, pagina 41

geene ter werlt vuytgesondert, Inden eygendom
van alle welcke voors goeden zyluyden malcane
over ende wederover Reciproce Institueren by
desen, Willen ende begerende dat in soe verre
de lancxtlevenen van hem beyden comende
toverlyden sonder kint, kinderen, ofte wettige
geboorte achter te laeten, dat alsdan vereurl
voors achtergelaten goeden, die de Zancxtlevende
van beyden alsdan ter werlt achterlaeten zal
gaen, erven ende succederen sullen, op heurlieden
testateurs susters dochter genaempt zuertgen
cornelis dochter voor deen helft ende op den
kinderen van Dirck Luytsz heurluyder
comparanten broeder alsdan in leven lyve
wesende voor dander helft, ofte by gebreecke
vande voors. kint ofte kinderen opten rechten
erffgenamen vanden voors. testateurs alsdan
in leven lyve westende, Alle twelcke
die voorn testateurs te samen ende elcxs
sonderlinge seyden ende verclaerden te wesen
heurluyder vuyterste wille ende laeste
begeerte, willen ende begerende de zelve voor
alsulcxs, ofte als codicille Donatie uuyt
saecke des doots ofte anders ( soe dat best
ende vastelicxste stadt grypen ende effect sorteren
mach tzy naer bescreven rechten ofte goeder
gewoonten) naer hueren overlyden onverbrekelt
geachter volcht ende onderhouden te werden
Nyet Jegenstaen eenige solempniteyten In dese
gerequireert nyet geobserveert mochten
7. Ende versochten hemluyden daer van
by my notario hyer naer genomineert
gemaect ende gelevert te werden een ofte meer
Openbaer Instrumenten in behoorlicker forme
Aldus gedaen tot Haerlem ter woonplaetze
myns Notaris ondergescreven staen inde
barteljonstrate genaempt den braesem Ter
presen van Roeloff claess schepen in wette
ende claes Heynricxssz Drapemerder, burger, den
voors stadt Haerlem als getuygen tot kennisse
van desen met my Notaris versocht ende gebeden
Een
XIIII
Testament van anna dircx dochter werden en
wylen matheus wouters & backer
Inden Naeme onsheeren amen, By deesen Jegewoord
Instrumente zy eenen yegelicken keulick ende
openbaer, hoe dat inden Jaere vander geboorte
onsheeren Jesu christi, duysent vyffhondert vier ende
ten enentich, de tweede Indictie, des maendaechs
den sesten dach van september, omtrent ses
vuijren naer noene, Impereren die alder
doerluchtichste ende groot mogenste prinche
ende heere heeren Maximiliano, de tweede
gecoeren Roomsche keyser vandier name Int
thiende Jaer naer zynder electie voort
my Notaris publyck, ende den getuygen hyer
naer genomineert, gecomen ende gecompareert es,
Geerbaere anna Dircx dochter, weduwe wy en
Matheus Woutersz backer, poortersche der
stadt Haerlem, clouck ende gesont van lichamen
gaende ende staende / haer redenen verstant memorie
ende spraecke volcomelicken gebruyckende alst
uuytwendelick bleecke, De welcke
verclaerde dat zy aenmercken datter nyet
zeeckerder en es dan die doot ende nyet
onseeckerder dan die vuyre vandien, Ende
omme de selve onzeeckere vuyre te
voorcomen, met dispositie van haeren tytelick
goeden, haer bij god almachtich op deser werlt
verleent, ende die hy haer noch verleenen
zal. Bevelende eerst ende alvoeren haere siele
In handen van god almachtich, soe wanneer die
van deser aerden scheyden zal, ende haere lichame
der gewyder aerde, ende kerckelicke sepulture
Ende disponerende voorts van haeren tytelicken
goeden. Verclaerde te wesen haere testamente
vuyterste wille ende laeste begeerte tgundt
hyer nae volcht. Te weten dat zy testatrice
haere jegewoordige vier kinderen geprocreert
by den voors wylen Matheus Wouters zn. haeren