Blader door transcripties » Noord-Hollands Archief

archieftoegang 1617, inventarisnummer 2, pagina 39

alle beyde heurluyder cleynodien ende Juwelen, tot
betalinge van hen comparanten portie inde
Redemptie der plunderinge deser voors stadt
Haerlem opgebrocht ende gefurneert hebben;
naerden overlyden vande lancxtlevende van
hen comparanten Etzy off de zelue Elisabeth
ende katherine gehouwet zyn offt nyet) In
Recompense vanden voor vuyten gereetsten
goeden by hemluyden comparanten ende de lancxtlev
van hen achtergelaeren genieten ontfangen ende
behouden sullen elcxs ses ende dertich karolus
guldens eens te veertich grooten vlaems den
ka. sul. gereeckent, Ende aeffen Jacob —
goossens & ende aeffgen. goossens dochter heurl.
3
Comparanten joncxste kinderen overmits heurl.
Joncheyt, (soe verre deselve twee joncxste
kinderen ten tyde van overlyden van lancxtlevende
van hem comparanten noch ongehouwt zyn ende
anders nyet) mede voor van te gereetste
goeden, hebben ende egentelick behouden sullen
wouen de vyftich karolus guldens eens den
ongehouwden kinderen byden voors testamente
voor vuyt gemaect) elcxs gelycke somme
van ses ende dertich karolus guldens eens te
veertich groon vloiens tstuck alsboeren. Ende
sullen daer nae noch metten anderen gehuwelic
kinderen deelen volgen de voors testamentaire
dispositie Wilden noch de voors comparanten
als dat Margareta goossens dochter heurl.
dochtere, ofte heuren kint kinderen ende gerechte
erffgenamen van haer, Indien zy overleden soude
moegen zyn Naerden overlyden vande lancxtlevende
van hen beyden comparanten mede voor vuijten
gereetste goeden by de lancxtlevende achtergelaten
hebben ontfangen ende behouden zal, De somme van
hondert karolus guldens ten pryse alsboeren, ende
dat 97 betalinge van een rentebrieff Inhouden
gelijcke somme spreecken op eenen Jan eeffsz, die
haer met mr. Jan van Eyck ten huwelicke
gegeven es geweest, ende doer faulte van
souffisantheyt, byde voors Margareta ofte
haeren man mr Jan van dyck desen comparanten
gerestitueert ende inden gemeenen boel gecommen es
12
xij
Ende zal de voors Margareta haere
E
kint kinderen ofte erffgenamen Indien zy overleden
es, daer nae noch metten anderen kinderen
mede helyckelick deelen als voor verhaeltes
verclaerden voorts de voorsz. comparanten
te wesen haere vuyterste wille ende laeste begeerte
dat nyet jegenstaende by den voors Heuren
testamente allen heuren kinderen gelyckelicken
geinstitueert zyn erffgenamen In allen den
goeden die de lancxtlevende van hen beyden
ter werlt ende achterlaeten zal, Syluyden
comparanten willen ende begeren nochtans dat
Die goeden die bij toverlijden van voors
lancxtlevende van hem beyden succederen ende
commen sullen op Willem Goossensz haer
comparanten soone, dat de zelve willem
de voors goeden op hem alsoe gecomen ende
gesuccedeert zyn nyet en zal moegen vercopen
versetten veralieneren vervreemden ofte
eenichsins belasten ende beswaeren Int aldermise
maer alleenlicken daer van zal genieten
den jaerlicxen Incomen ende vruchten ofte renten
vandien, Ende dat naer zyn overlyden de
voors goeden sullen succederen op zyn wettelijck
kint ofte kinderen indien hy leuen kint offe
kinderen achterlaet, ofte by gebreecke
van kinderen, Op der voors comparanten andere
kinderen ofte kintskinderen gerechte erffgenamen
van voors willem goossens ende dan in levende lyve
wesende, Willende ende begerende de voors.
comparanten dat heuren testamente ende
van terste wille hyer voeren geroert In allen
zynen anderen poincten ende clausulen (desen
nyet contrarierende ofte tegenstaende) van waerden
gehouden zal worden ende
in volcomen effect.
sorteren.
alle twelcke voorsz.
staet, die voors. comparanten testateurs
te samen ende elcxs respectiue verclaerden te
wesen heurluyder van eerste wille ende laeste
begeerte
Willen ende begeren De zelve
voor alsulcxs, als codicille, gifte vuytsaecke