Blader door transcripties » Noord-Hollands Archief

archieftoegang 1617, inventarisnummer 2, pagina 29

x
een ofte meer acten In behoorlicker forme Alens
gedaen binnen der stadt van vuytrecht ten daege
ende Jaere als boven, Ter presentie van Willem
van berendrecht jegewoordich greffier vanden hove
van Hollant, ende Cornelis claesz van Leyden als
getuygen van goeden gelove tot kennisse van des
als met my notarys versocht ende gebeden
Procuratie van Mr Jan stalpaert
op somer van bosthuysen.
52
Op huijden den xxen octobris anno xv.c drye ende
tzeventich, compareerde voor my Michiel Janssz
van woerden notarys publijck by den hove van
Hollant geadmitteert, ter presentie vanden getuygen
her Onder genomineert Mr Johan Stalpaerts
jegewoordich woenen tot Mechelen Ende verclaerde
dat hy geconstitueert ende machtich gemaect heeft
Constitueert ende maect machtich, mitsdesen Godmae
van bosschuyssen woenende tot alxken
Omme uuyten
naeme ende van hem comparants weegen te moegen
innen opvueren ende ontfangen alsulcke penningen al
hem comparant eenichsins competeren moegen
uuytsaecke van zeeckere coornchienden ende
hennepthienden die hy comparant leggende heeft
inden ambochte van alphen. Inde steect by hem te
leen gehouden vanden huysse van Wassenaer
Quictan van zynen Ontfange te geven Ende
Indient noot zy Recht daeromme te spreecken voor
allen rechteren daert van node wesen zal, Ende tot
dien eynde allen termynen van rechten te observeren nae
style ende usantie vanden bancken ende vierschaeren
daer tselve gebueren ende die zaecke vereysschen zal
Gevende hem oock speciael macht, Omme metten
pachters vande zelve thienden te moegen accordere
ende overcomen vande Jaere ende oegst xvc drie ende tzene tin
alsoe de zelve thienden sonder verpachtinge van
velde gevoert ende thuys gehaelt zy
alte doen dat hy comparants zelffs present zyn soude
Ende voorts
connen ofte moegen doen met macht oock omme een
ofte meer procurs ad lites In zyne plaetse te moegen
substitueren gelycke macht hebbende alsboven.
Gelovende
comparant over goet vast ende van
waerden te houden alle thundt by den voors
gemaert van bosschuyssen ende zyne substituyten
ad lites gedaen ende gebesoingneert zal worden
mits dat de voors Gommaert van bosschuyssen
gehouden wordt van zyn voors ontfange ende administra
89
goede Reeckeninge bewys ende Reliqua te doen naer
behoeven van al twelck de voors comparant
versochte hem by my Notario gemaect & gelevert
te werden een ofte meer acten In behoorlicker forme
aldus gedaen tot vuytrecht ten huysse van heeren
florys heermale gestaen opt onde munster kerckhoff
ten daege ende jaere alsboven ter presen van Jacob
de Jonge secretarijs shoffs van Hollant ende Nicolaes
vandet A als gelooff waerdige getuygen tot
kennisse van desen met my notaris versocht ende
gebeden.
Testament van Jehan cristoffelsz
Lysbeth Thonis dr. zyn huysfrou
E
Inden naeme ons heeren amen, By deesen jegenwoordige
Instrumente zy een yegelicken keulick ende openbaer
hoe dat inden Jaere vander geboorte christi ons
salichmaeckers duysent vyffhondert drye ende tsenetich
des saterdaechs den veerthienden dach van novem
omtrent negen vuyren voornoene inde eerste Indictie
Pausdoms onsen heyligen vaders in gode heeren
Gregory de derthienste paus vandier naeme In
zyn derde Jaer, Ende Regneren den deurluchtigen
ende hoochgeboeren furst ende prinche heeren Maxmuliano
de tweede gecoeren roomsche keyser vandien
naeme in zyn negende Jaer naer zynder electie
voor my Notaris publyck ter presentie vanden
getuygen hyer ondergenomineert gecomen ende
gecompareert zyn, d eersame ies an christoffels &
geswoeren bode vanden hove van Hollant sieckelick
te bedde leggende, Ende lysbeth thonis dochter zy
gelichte huysvrou gaen staende maer nochtans alle
ben de wel gebruycken haer verstant ende memorie
soet vuytwendelicken bleecke. De welcke
verclaerden dat zyluyden aenmercken datter nyet
eeckerder en es, dan die doot ende nyet onzeeckerder
dan die vuyre vandien Ende begerende dezelve
vuyre te voorcomen met dispositie van haeren
ten vlicken goeden haer by god almachtich verleent
gemaect hadden heurlien der testament Inder
manieren hyer naer volgende Bevelen eerst ende
alvoeren haerluyder sielen In handen van god
almachtich, ende heurlich lichaemen der gewyder aerden
Ende disponerende voorts van haeren tytelicken