Blader door transcripties » Noord-Hollands Archief

archieftoegang 1617, inventarisnummer 2, pagina 28

staende ten versoucke van
foppes Folio
lxxxiiij
Procuratie van Mrs Cornelis ende Jacob
De Jonge
Pieter Jansz van Mathe
8.
W Huyden den derden Octobris anno xv.c drye ende tseventich
Compareerde voor my Michiel Jansz van woerden
openbaer notaris by den hove van Hollant geadmitteert
ter presentie vanden getuijgen hyer onder genomineert
Mr Cornelis de Jonge heere van baertonck
Reeckenmr des conincx in Hollant ende Jacob de Jonge
secretaris inden Hove aldaer gebroeders, erffgenamen
van wylen Mr. Jacob de Jonge heurluyder sa. vader
Ende verclaerden dat zy comparanten geconstitueert
ende machtich gemaect hebben, constitueren ende maecken
machtich mitsdesen Pieter Jansz van Mathen Jegewoorden
clerck vanden Cantzeller van gelre mr arnoul
sasbont, Omme vuyt heurluyder naem goerte
regardt te nemen ende recht te spreecken voor allen
rechteren daert van noode wesen zal, op alsulcke
penningen als mr dirck pynss vander A. heurl. oom
sullen toegewesen worden ende eenichsins ontfangen zal
moegen, vuyt oorsaecke van zeeckere proces van
arrest by den voors pynss vander d. geinventeert
jegens de cinckelingen, ofte eenige andere pannen
die hy elders eenichsins zal weten te becomen den voors
synss vander A competerende Ende dat voor heurl.
constituanten achterwesen vande penningen soe by
hemluyden alreede voor den voors pynssz vuytsaecke
van borchtochte verschoten ende betaelt als oock daer
zyluyden als erffgenamen van heurluyder voors sa¬
vader die hem zelven inden jaere xvc. een ende vyftich
wesen tjaer als dvoorsz. xynss vander d' eerst inde
geldersche ofte reenensche veenen begonst te handel
voor zeeckere renten ten behouve vanden voor
heeft
juff vander A: borge geconstitueert, ende alsnoch
verbonden ende verobligeert staen, Ende tot dien eynde
Inder zelver zaecke allen kermynen van rechten te
observeren soe wel Int eysschen als Int verweeren
naer costume van bancken ofte vierschaeren daer
gebueren ofte van nooden wesen zal ende exicen vander
zaicke. Ende voorts generalicken al te doen dat
zy comparanten ende elcx van hen zelver present zijnde
souden connen ofte moegen doen. Geuen hem voorts
macht een ofte meer In zyne plaetse te moeten
substitueren gelijcke macht hebben als boven, Gelou
in comparanten Omer goet vast ende van waerden te
houden alle t'zundt by den voors. pieter Janssz van
Mathen zyn gesubstitueerden ende elcxs van hen bysonder
in desen gedaen ende gebesommeert sal worden Onder
alle verbonde van rechts wegen daer toestaende ende
behoerende. Van al twelck zy comparanten versochten
hem by my Notarys gemaect ende gelevert te worden
(Not. Protest)