Blader door transcripties » Noord-Hollands Archief

archieftoegang 1617, inventarisnummer 2, pagina 30

goeden, hebben zy comparanten gesamentlicken
gerenoceert, gecasseert, ende ten yere gedaen
Renoceerden Casseerden ende deden te nyere mitsdesen
alsulcken testament als zylien den In voorleden in de
tsamen gemaect ende gepasseert hebben voor
Dirck Janssz van Woerden als notaris ende zeeckere
getuijgen, houdende tzelve testament van geender
waerden ende in alle manieren oft noyt gepasseert en
waere geweest. Ende disponeren van ny enws
verclaerden dat zy comparanten malcanderen over
ende wederouer gemaect hadden de lancxtlevende van
hen ben den alle de goeden geene vuytgesondert die
zy comparanten jegeweerdelick besitten ende den eerst
Guerlyden metter dootruymen ende achterlaeten zal
daer Inne zyluijden malcanderen ende de lancxtlevende
van hem beyden mitsdesen Institueren, willen dat
de lancxtlevende dselve goeden zal naer hem nemen ende
gebruycken enwelick ende erffelick als zyn vry eygen
goet, sonder gehouden te zyn, den erffgenamen vanden
eerst overlydende eenigen Inventaris vanden goeden
by den eerst overleden achtergelaeten te leveren ofte
oock eenige Reeckeninge Int alderminste te doen
Alle twelcke zy comparanten verclaerden te
wesen haerluyder vuyterste wille ende laeste begeerte
willen dat de zelue zyn voortganck hebben
volcomen effect sorteren zal, tzy als testament, ende
codicille ofte eenige andere testamentaire dispositie
die naer rechte ofte van goeder gewoonte alderbest
mach subsisteren, nyet Jegenstaen eenige solempniten te
in deesen gerequireert nyet geobserveert mochten
syn die zy comparanten expresselicken derogeren
mitsdesen Versoucken hyer van by my notarys
gemaect te werden een ofte meer Instrumenten In
behoorlicker forme
Aldus gedaen inden haere
ten huysse vande voors comparanten staende inde
spenestraete ten daege Jaere maent ende Indictie
alsboven Ter presentie van Jaspar Dircxsz suyder
ende lobbrant aerntsz beyde Inwoonders vanden haere
als getuygen van goeden gelove tot kennisse van
te heesen met my notaris versocht ende gebeden
Acte van collare van een benefitie
van scholastica ghysbrechtsdr op
Jan frans haere dochters soon
Op huyden den
ij.en Novembris anno xvjc. drye ende
tsenentich, compareerde voor mij Michiel Janss
van woerden Notarys xublyck by den zone van
Hollant ter exercitie van tnotarisscap geadmitteert
ter presentie vanden getuygen zy er onder genomineert
deersame Scholastica ghysbrechts dochter wedue
wylen Jan clemensz woenen in sgravenhaege, als
warachtige patrone ende collatrice van zeeckere
beneficie ofte vicarie gefundeert op sint Jacobs
aultaer inde prochiekercke vanden haege Ende
verclaerde dat tot haere kennisse gecomen es dat
ysbrecht Joostensz haer comparantes susters soo
laeste possesseur vande voorn. vicarie hem gedraegen
heeft ende noch daegelicxs draecht als viant vanden
stoel van romen ende vanden heyligen cristelicken
gelove ende religie, Sulcxs dat de voorn. ghysbert
Joostens zn metter daer, vande voorn vicarie veruallen es
ende de selve ixso jure vaceert, ende leedich staet
Waeromme zy comparante verstaen hebbende dat den
hoochwaerdigen vader in gode, mynen heere den
Eertsbisschop van vuytrecht, deurnegligentie van
haer comparante als collatrice, daer Inne eenichsins
soude moegen disponeren, heeft Omme sonderlinge
redenen vuerlicken simpelicken ende om goodswille
de selue vicarie als vacerende mits de rebellie ende
affwycken vander Roomscher religie des voorn
Ghysbert Joostensz ofte anderssins In wat manieren
datter wesen mach gegundt geconfereert ende gegeven
gundt confereert ende geeft mitsdesen Jan Fransz
clerck des bisdom van vuytrecht, Gulden daeromme
zeer Oermoedelick, den Eer. vader in gode
myn heere den archidiaecken tot vuijtrecht ofte zyn
Officiael dat zyne Eer belieue den voorn Jan
fransz ofte zynen wettigen procur te doen stellen in
actuele ende reele possessie der voors vicarien
metten vruchten ende emolumenten vandien, Ende tot dien
eynde te doen expedieren behoorlicke brieuen van
Institutien ende proclamatien Ende versochte etc.
comparante hyer van by my notaris gemaect te hebben
een ofte meer Instrumenten al in gewoonlicker forme
Aldus gedaen inden haege ten huysse vande voors
scholastica ghysbrechts dochter ten daege ende Jaere
alsboven Ter presen van Joseph van Hove ende Lucas
claes & beyde Inwoonders vanden haege als getuyge
van goeden gelove tot kennisse van desen met my
De notaris versocht ende gebeden