Blader door transcripties » Noord-Hollands Archief

archieftoegang 1617, inventarisnummer 2, pagina 106

eenige van hunluyden beyder goeden bevonden werden over te
blyven ende uyt byden lancxtlevende van hun beyden vercoft verteert
veralieneert & vervreempt te zyn dat die zelue ouergebleuen
goeden hoedanich die zullen moegen zyn tzy roerende ofte
onroerende naet overlyden vanden lancxtlevende van hun beyden
die dootschult ende andere duechtelicke ende wettelicke
schulden van leststernen eerst en voor allen betaelt zy
devolveren gaen ende erven zullen op hun luyden beyder naeste
bloet vrunden ende erffgenamen indyer tyt zynde ende by dy
zelve gedeylt werden halff ende halff volgende die custume
van desen lande, te weten deen helfte byden erffgenamen
vanden eerststervende ende dander helfte byden erffgename
vande leststernen afflivige van hun beyden. Ende aengaende
dye helfte vanden voirgeroerde goeden dye soude mogen
devolueren ende comen aenden erffgenamen van Agatha
pieters voirn. naet overlyden van haer & haren voirs. man
heeft zy Agatha voirs. gewilt ende geordonneert, wil
ende ordineert by desen dat by affluucheyt van eenich van
haren broders ofte susters echte kint ofte kinderen achterlate
tzelve echte kint ofte kinderen representeren zullen ende comen
in dye plaetse van zynen ofte hueren vader ofte moeder
geweest zynde broeder ofte suster van haer testatrix
Ende oft geviele dat alle hare testatrix voorn broeders
ende susters voerden sterffdach vanden lancxtlevende van haer
ende haren voirs man overleden waren indien gevalle wil
zy testatrix dat alle dye echte kinderen van hare broeder
ende susters per capita ende hooft voor hoofts mitten anderen
gelyckelick dye voors helfte van ouergebleuen goede
van haer ende haren voirs man naet overlyden van hun beyde
zullen deylen ende participeren paerts paertsaerts gelyck, zulcx dat
deene vanden selven hueren broeders ende susters kinderen uyt
meer hebben ofte genyeten zal mogen dan dandere. Alle
twelcke voirs staet beyde dye voirgenoemde Compare
tsamen ende elcx bysonder aen handen myns Notaris voer ende
naegenoempt wettelicken stipulerende seyden & verclaerden
te wesen hunluyden beyder uterste wille ende Laeste
begeerte willende ende begerende dat dzelve in allen zyn
poincten voortganck hebben & effect sorteren zal ’t
crachte van solemnele Testament Codicille. Giste vuy
17 lxxij
saecke des doots ofte onder een levende ofte eenige
andere testamentaire dispositie ofte uterste wille
zulcx dselue naer rechten ofte goede gewoenten
van dess Landen alderbest subsisteren & effect sorteren
sullen mogen, uyt tegenstaende dat alle solemniteyten
van rechte hyer hune uyt en zyn geobserveert oeck
eenige bescreven ofte municipael rechten ter contrarie
die zij comparanten voirge uyt en willen in desen
stadt te zullen grypen Ende versochten zy comparanten
hunluyden hier van by my Secretaris & Notaris voer
ende naegenoempt gemaect ende geleuert te worden een
Openbare Instrument ofte meer Inder bester forme
des doenlick synde Aldus gedaen binnen der Stadt
Haerlem ten womhuse van my Secretaris & Notaris
voir ende naegenoempt staende aldaer hy dye bagynen
straet inden haere Judictie maent & ten dage ure
pausdoms ende Skeyserrycx als bouen alwaer mit my Secretaris
& Notaris als geloofs weerdige getuygen hijer toe specialicken
geroupen ende gebeden present waren die eersamen & discreten
Gerrit aerntss van Dam poorter tot Leyden ende Henrick
Janssen cursoer vanden Hove Episcopael tot haerlem beyde
tegenwoordich wonachtich binnen der voors stadt haerlem
dwelcke dese minute mede onderteyckent hebben.
In kennisse tot volcomen zeeckerheyt
des waerheyts hebbe ick openbaer Notaris
desen gesubsigneert
H
ƒ
vervoerde
no.
zijn
J.C.D.
sij
— Not. Prat.
(Rijks-Dato)