Browse transcripts » North Holland Archives

archive access 1617, inventory number 147, page 306

ende Grietgen Andries opt uuijterste berucht, leggende, in haer
clederen opt bedde, beijde anders gesont van lichaeme, gebruijckende
ten vollen haer verstant, memorie, spraech, ende vyff sinnen,
soo alst claerlycken bleecke, ende men anders nyet en konde
bemercken. Ende verclaerden te ouerdencken de brosheijt deses
tijtelijcken leuens, als eene schuduwe, opder aerden vergancken
zijnde, de seeckerheijt des doots, ende d'onseeckerheyt des tijts
ende vuyere vandien, ende daeromme vande tytelijcke goederen
haer van Godt Almachtich op deser aerden verleent, naer hem
goetduncken ende believen begeerden te disponeren. Ende sulcx sij
nae voorgaende Christelycke recommandatie van haere Sielen ende
lichaemen, hebben vuijt vryen onbedwongen gemoede, ende sonder
van malcanderen, ofte yemant anders daer toe geindugeert,
misleyt, ofte door eenige sinistre practycken gebrachte te sijn,
soo sij opentlijck verclaerden, heure beyder, ende elcxs haer
Testament, laeste ende vuijterste wille, geschict gemaect
geordonneert, ende besloten, schicken, maecken, ordonneren ende
besluijten mitsdesen, inder voegen, ende manieren hier naer —
verclaert, Inden Eersten, naedien de twee voorhinderen
vande voornoemde Pieter Jansz van Doorn, fyne van haers
moeders erve, ten vollen sijn bewesen, hebben de voornoemde —
Testateuren, vuijt rechter lieffde, gunste, ende echtelijcke
affectie, die sij malcanderen toedragende zyn, ende oock omme
andere redenen haer ten wedersyden daer toe mouerende, Indien
ten scheijden van heurluyder bedde geene kinderen nochte
wettige lijffs erven, bij malcanderen gewonnen, int leven en
zijn, malcanderen reciproce, ouer, ende weder over, dat is de
eerste ouerlijdende de lanxtlevende van hen beijden,
genomineert, ende geinstitueert, nomineren, ende Institueren
elck anderen bij desen, tot eenige ende universele erffgenaemen
van alle de goederen, die sij nu ter tijt te samen besitten, ende
bijde eerst stervende metter Doot ontruijmpt ende achtergelent
zullen werden, tsij roerende off onroerenden egeene vuijtgesonden
Behoudelijcken nochtans, Indien den voors Pieter Jansz van
Doorn Testateur, eerst, ende voorde voornoemde Grietgen
-
Andries sijne beminde huijsvrouwe van deser werelt compt
te passeren sonder blijckende lyffs erven, bij haer verwect met
leuen naer te laeten, datte voornoemde syne huysvrouwe, in
sulcken gevalle sal vuijtreijcken, aende selve sijne twee
voorkinderen, ofte die tsijnen affsterven, daer vant int leu
sullen zijn. De legittima portie, waer nae rechte competerende
daer inne hij Testateur de selve oock mits desen Institueert
ende verder noch anders nyet, doch kindt off kinderen, bijde
voornoemde Grietgen Andries verwect, int leuen achterlaetende,
293 LXXVI
sal evenwel de voors vuijtkeringe vande legittima portie, in
tregardt vande voorkinderen standt blijven houden, mits datte selue
alsdan sal werden gereeckent, naer advenant het getall der
kinderen, dewelcke alsdan soo vanden eersten, als van den tweeden
bedde int leuen sullen sijn. Ende sal de voornoemde Grietgen
andries dan voorts blijven, int vorder besit vanden boel, tot
wederhuwelijcken toe, ende hun Testateuren tsamptelycke kinderen
daer vuijt voorts opbrengen, ende onderhouden, eerlycken naer
haeren Staet ende betamen, tot der seluer mondige dagen ofte -
huwelycken Staete, alle twelcke oock standt grypen, ende
plaetse hebben sal, in cas de voornoemde Grietgen Andries
eerst ende voorden voors Pieter Jansz van Doorn haeren wel
lieven man, van deser werelt geraect te passeren, kindt off
kinderen bij hem geteelt, int leuen achterlaetende. Ende soo de
lancxtlevende, naer Doode ende afflivicheyt vande eerst
gestorvene van hen beijden, hem ofte haer ten huwelyck beginne
Soo was heure beijder, ende elcxs vuyterste wille ende begeren
datmen alsdan staet maecken sal vanden boel, soo die in wesen -
sal sijn, ende in conformite vandien de kinderen bewysen nae landts
rechte, Alle t'welcke hier vooren geschreven ende verhaelt
staet, Seijden, ende verclaerden den voorn. Wa Pieter Jansz
van Doorn, ende Grietgen andries Patijns dr. Testateuren
(:doende wettige stipulatie aen handen myns Notarij :) heure beyder
ende elcxs heurluyder vuyterste wille ende laeste begeerte
te wesen, Willende ende begerende d'neromme tselue in allen poincten
naer Doode vande eerstgestorvene van hen beijden, alsoo vast &
onverbreeckelijcken gevolcht, onderhouden ende naegecomen hebben,
tsij in crachte van Testament, vuyterste wille, Codicille, gifte
vuyt saecke des Doots, onder den levenden, off andersints, soo als
des menschen laeste ende vuijterste wille, best & vastelycxt
naerde beschreven rechten, ofte goeder costuymen van eenige
landen off steden, mach bestaen, van waerden blijven, ende -
effect sorteren, Nijettegenstaende tgebreck van eenige -
rechtelijcke solemniteyten in desen bevonden. Die sijluijden
Testateuren, voor soo veele alst noot es expresse dengeerden
ende te nijet deeden, mitsdesen. Ende versochten hier van by myn
Notario voornt gemaect, ende haer gelevert te werden, een ofte
meer openbaere Instrumenten in behoorlycker forme. Aldus gedaen
verleden ende gepasseert, binnen der voors Stadt Haerlem, ten
huijse vande Testateuren, gestaen, opde oude Graffe opden hoeck
vant nyeuwe landt, ten dage, Jaere, maent, ende Indictie
alsboven, in presentie van Olivier de Wolff, verwer, ende -
yslick Godtschalck verwers knecht, poorteren ofte innewoonderen
der voors stadt, als getuijgen van goeden gelove, tot kennisse
van desen, met myn Notario specialiscken versocht ende gebeden, die