Transkripte durchsuchen » Nord-Holland Archiv

Archivzugang 1617, Inventarnummer 147, Blatt 133

Junij, anno xvic. Negen-entwintich, in presentie van Adriaen
Euerswijn, mijns Notaris clercq, ende Jan cornelisz visscher
schoenmaecker, als getuijgen van goeden gelove hier toe versocht
Die beneffens de voorn. Comparanten desen alhier ten
Prothocolle mede hebben gecnderteijckent
Gt.
Hebben voorts de voors partijen ende Comparanten reciproquelijcken
belooft, hier op mette eerste gelegentheijt, te sullen verschijnen ende
compareren, opde Weescamere deser stadt, ende t'voors bewijs
conform desen, aldaer te doen aenteijckenen, als nae behooren,
alwaer de voors. Aeffgen namings, voorde verseeckeringe vande
voors derthien hondert gul, ende alimentatie speciaelycken
verbinden, ende ten onderpande, stellen sal. Haere halve huysinge
over den
metten eine, gestaen ende gelegen „ naest de brouwerije vant swaenshaes
daer van Nanningh tsaemen haeren Vader, de wederhelfte toebehoort
Ende daer toe haer persoon. Ende generaelycken alle haere andere
goederen, roenende, ende onroerende, presente ende toecomende egeene
uuytgesondert.
merck
Jacob Hijnsz
Leffgen Nannings
H:V:
bij Willem Wilhelssen
eijgen hant
A. Everswijn
H.
O
Jan Cornelissen visscher
In oirconden desen bij mijn openbaer Notario voornt.
onderschreven, gesubsigneert, ende bevesticht
ende
S
A
B
Schoudt Nots: Pub: M.
E
D
129 Cxxii
Inden Naeme ons Heeren Amen. Bij den Innehouden vanden
jegenwoordigen Instrumente, sij eenen yegelycken kennelijcken ende
openbaer, dat inden Jaere naeder geboorte desselffs ons Heeren
Duysent ses hondert Negen-entwintich, den eersten dach Julij
tegen
Sondaechs voorden middach, de klocke omtrent „ seert vuyeren, de
twaelffde Indictie, Impererende den onverwinnelycxten ende
Grootmogensten Heere, Heere Ferdinandus van Oostenrijck, bij Godes
genade den tweeden vandier naeme, gecoren Roomsch keyser, int
thiende Jaere, ende altijt vermeerder sijns Rijcxs, Voor mij
Jacob Schoudt, openbaer Notaris, bijden hove van Hollandt
toegelaeten, residerende binnen der stadt Haerlem, in presentie vande
getuijgen hier naer genomineert, persoonelijcken verschenen ende
gecompareert es. Geersinnen Fremijn bloemaert, Jongesel
oudt soo hij verclaerde, seventhien Jaeren, hier ter stede geboren
ende, mijn notario, wel bekent, gaende, staende,
cloeck ende gesont van lichaeme, hebbende door des Heeren genaede
volcomen gebruijck sijns verstants, memorie ende spraecke, soo alst
vuijterlijcken bleecke, ende men anders nijet en konde bemercken,
Dewelcke overdenckende de brosseijt deses tijtelijcken leuens als
eene schaduwe opder aerden verganckelijcken synde, De sekerheyt
des doots, ende d‛onseeckerleyt des tijts, ende vuijere vandien,
verclaerde naer sijn eijgen goetduncken ende believen, te willen
disponeren, vande tytelycke goederen ende middelen, hem vanden
Heere op aerden verleent. Recommanderende ende bevelende eerst
ende alvooren, sijne siele vanden lichaeme scheijdende, inde grondeloos-
barmherticheijt Goodes, diese geschapen heeft, ende sijne doode
lichaeme de begraeffenisse der aerden. Ende comende voorts tot
zijne voors voorgenomen dispositie, heeft vuyt sijnen eijgen
rechten vryen wille, ende sonder van ijemant ter werelt, door
eenige quade ofte sinistre practijcken, ofte persuasien, daer toe
gebracht, nu sleijt, ofte geinduceert te wesen, soo hij opentlijck
verclaerde, sijnen Testament, laeste ende vuyterste wille, geschict,
gemaect, geordonneert, ende besloten, Oelijck als hij schickt
maect, ordonneert, ende besluijt mitsdesen, in voegen, ende sulcx
-0
als hier naer volcht. Inden Eersten, heeft
Testateur gemaect, gelegateert, ende besproocken, maect
bespreect, ende legateert bij desen, aen Esaias bloemaert
sijns Vaders broeder, wonende tot Ciuilien in Spangien, De somma
van Ses carolus guldens, van veertich grooten vlaems tstuck
eens. Item aen Jeremias bloemaert, mede sijns vaders broeder,
woonachtich tot Middelburch in Seelandt, maect ende bespreect
hij Testateur, gelijcke somme van Ses guldens eens, Insgelijcxs
aen Maijcken ende Cathalijna bloemaerts, sijne twee halue
Susters van s'vaders sijde, legateert ende bespreect hij Testateur
elcxs de somme van vijftich gelijcke guldens eens, sonder meer,
daer mede sijne voors vrunden van s'vaders sijde int geheel
affstaen, ende haer te vreden houden sullen moeten. Ende nopende
de verdere goederen, die naer afftreck ende voldoeninge vande
voors. legaten, noch sullen overschieten, ende bij hem Testateur