Parcourir les transcriptions » Archives Nationale / Archives Hollande du Sud

accès aux archives 1.04.02, numéro d'inventaire 1053, page 476

Alle de scheepen die alsnoch Inde molucos hebben gelaeten syn seer swack
van volck, Soo wel de nieugecome, witten leuw, suarten leuw ende vassen
gen, ende sullen om naer huys te seyen rottermaecken saack syn daer
hoochnoodich op gelech dient Ouermits de thuys reysen Godt betert
gemeenlycken mede veel volckx consumeeren ende spillen
Wy syn alsnu op den Rooden leuw met pylen maer vierentseventich hooffden
sterck daer onderthien gevangen Swarten ofte manieas syn
om het werck te helpen doen myne E heeren gelieuen eens bedencken
hoe snack weesen sullen als noch een Jaer Inclant geswornen hebben
om dan naert vaderlant te vaeren
Hier beneffens gaet een memorie van ons overledene met den
balanca vande scheepsboucken waer by u E heeren sien sullen mogen
watt doverledene te goethebben alsoo hunne verdiende maentgelden
verbeurde daegen van Int jalioen te sitten ende alle andere appendentien
te bouck gestelt syne
Oock seynde hier mede de Reecken:e vande Cassa gehouden opt schip den
Rooden leuw met pylen
met een Rekeninge die geformeert hebbe vant Generaele Japanse.
Cargasoen, om datt Sr Dirrick vlack die met my effen soude mogen stellen
De scheepen Banda derveer ende Gouda syn medequaelycken
gemant van bootsvolck soo by versterven van eenige als by ouergaen
op de Intlant blyvende Jachten ende forten van andere, ende het volck
datt van lant verlost werden moet, Is op de forten noodich van doene
Oock dient geconsidereert dat de geene lange jnt lant gebleven
ende gelegen hebben, als aende Caap ende yegens ons lant jnde Condelucht
comen veel meer Cranckheeden ende swackheyt onderworpen syn
als de geene die gestaadich op de scheepen gevaeren hebben
Eenighe bequaeme welschryvende assistenten Gouden alsnu In
Jndien noodigher syn als oppercoopluyden daer den heer Gouverneur
Generael nu wel aff voorsien is, om veranderinghe te
mogen maecken op alle plaetssen daer geen volcomen contentement
en heeft, kes jonghe eertrachtende luyden syn deuchdelycken
opgevoet connen tot geene plaetssen ter werelt beter tot
auancement geraecken als jn v E dienste herwaerts over
Doch die Int vaederlant niet dengen willen dienen hier niet te Comen
want niet yegenstaende, men gemeenlyjcken de Indissche vaert
het welandissche tuchthuys noempt, Soo is myn opinie overmits
des lants aert ende gelegentheyt datter eerder Inde vroome ergennisse
dan Inde boenen beteringe sall gespeurt werden, ende daer en boven
geraeckt u E Goeden dienst daer menichmael grotelycx by verachten
VE heeren Gemerckt nu soo veele forten In Jndien hebben, tot dienst
vande welcke om u E prouffyt te bevoorderen, oock noodich:)
verscheyde Jachten int lant moeten gehouden werden, Dienen
noch voort eerste Jaerlyckx te Continueren met goede partie
provisie te seynden, Insonderheit vleys, speck, oly, asyn ende eenighe wyn
want broot ofte kaesen niet te beduyden heeft, tot dat de plaetsen
watt styuer mogen wesen vant weynige datt dees landen geven
alsoo alsnoch I3 moluco ende Banda alles sober Is wij hebben
ons beste gedaen om daer vee tot voortteelinghe tebrenghen
als yder van gelycke doet sullen de saecken mettertyt schoonder Comen
te staen, van Japan verhoope mede goede provisie van
broot tarwe ende Rys In moluco te scynden, doch vleys ende speck om
te sonten Is all verlooren gelt datter aen besteet wert door dien
het niet duyren mach, nochthans costet oock gelts genouch „ VE
genen den heer Gouverneur Generael oordre om van Coroman„
del, Japan ende elders te laaten comen alle mogelijcke provisie voor
deforten, doch verneme van yder een datt van streckelycke provisie