Parcourir les transcriptions » Archives Nationale / Archives Hollande du Sud

accès aux archives 1.04.02, numéro d'inventaire 1053, page 423

Copie
44
16 mei 1612
8FVNS
Erntfeste, manhafte vroue wijse voorsienighe ende sille discrete Pells
Hier beneffens gaet Copie van myne laetsten aen myn E Heere
met Banda geschreuen die ick verhope om redenen wille onder min heere
In mano propria sall berust ende gebleuen zijn.
Desen is voorders dienende om ons wedernaren sints dien tyt te verhaelen
ende aense roeren t'gene noodich geachthebbe U. E Heere aen te
dienen, ende te verwittighen.
Den 30en. Aprill naer veele stilte gehadt te hebben sijn ten ancker
gecomen in Banda byt' Schip het wapen van Amsterdam
alwaer met hert grondich leetwesen verstaen hebben het overlyden
vanden Gouuerneir Nicolaes Prins ende ouer de 30 Soldaten
sints U E vertreck van daer, oock datter noch vele sieck ende
cranck te Coeye laegen daer van verscheyde zeer swack waeren,
Waer door de wachten tot last der gesonden swaer vielen
Voorders datter weynich stoff was om die ledige ampten te becleeden
Den Lieutenandt mede aende coortse langen tijt gelasen hebbende
dat ons een seer verdriefige saecke is geweest, Insonderheyt om
dat weynich ofte geene middelen altoos mede brachten tot eenighe
troost ende versterckinge dieder wtermaten noodich was, ende
blijuen sall tot naerder ontset dat te duchten is noch lange achter sall
blijuen, te meer het Schip t'Wapan van Amsterdam naer sij
verclaeren soo haestamoegelijcken is ende gereet can wesen s
geresolueert te vertrecken, ouermits van groote mast vermasten
moet, ende anders noodige wercken doen tot Scheepsbehouff daer
weynich tegen is te spreecken, gemerckt de swaerte, groote. Ende —
costelijckheyt vandt Schip. Waer door ons volck opde fortee
Langen tijt sonder Schepen, Jachten ende sloupen sullen moeten wesen
wanneer geducht wert de Bandanesen weder den oorloch sullen-
aenvangen, ouermits vande vreese die vanden ouerleden Gouuerneurs
clouckheijt ende beleythadden, verlost zyn, oock dat verscheyde
Jauaensche Joncken op Pulowan Contor ende waijer gecreghen hebben
daer eenige Portuchuesen ofte mesticos mede zyn gecoemen, die-
soo veel foulie ende noten sullen wechvoeren als zelffs begeren,
niet Jechenstaende die vandt fort de Bandanesen geInsinueert
hebben sulcx niet toe te laten, die daer op geandtwoort hebben vrije
luijden waeren ende In haer landt wilden laeten comen alle die becheerden
Ende soo wijt beleften conden mochten ons beste doen, en zijluijde
zijn te trotser door dien sien bij gebreck van middelen sulcx gedoochen
moeten. Ende dat mill is die van Puloway en hebben tot
desen huydigen dach aent' fort niet geweest noch daer egeene noten
nochte foulie tot alsnoch toe te coop gebracht, dat niet te verwonderen
is wandt wij met den Leeuw indt' voorbij zeijlen hebben daer op —
verscheyde plaetsen acht Joncken opt droochelandt gehaelt, sien leggen.
die hunne wael genouchsaem connen wechvoeren. Ende nochmels
t'genomen considereeren can
Kans des
-
22: l: