Transkripte durchsuchen » National Archives / Archiv South Holland

Archivzugang 1.04.02, Inventarnummer 1053, Blatt 372

geinformeert worden ende volcomen kennisse rrijgen, om alsoo metter tijt in ul plaetse
gebruijckt te mogen werden, aent welcke de Compe. seer veel is geleegen, want
sonder de kennisse van cleeden de Compe. grooten ondienst in plaetse van dienst
soude geschieden
Ende hoe wel wel weeten, dat Hr. van Wesick hert vsoeckt ouer te gaen, also
zijnnen tijt lange is vstreecken, hoopen nochtans vastelijck aengesien den dienst
van Compe. sulcx vreijst, dat hem niet weijgerich en sal toonen deese ordre naer
te volgen & het beleijt van deese saecke daer de Compe. soo veel aen is geleegen.
ende hem tot groote eere sal strecken, aen te neemen, want alwaert saecke dat dese
vloote van Cooplijden vsien qname om de Genle vlossinge te doen, waertoe
zeer weijnich stoffe mede brengt, soo diennen nochtans de eerst comende van
alles geinstrueert, ende onderweesen, ende sal beeter bijde geene die alreede inde
lants mannieren geexperimenteert sijn; te wercke konnen gestelt werden,
als bijde andere, waer door wij ons vseekert houden de Compe. deese merckelycke
dienst niet en sal weijgeren.
Ende alsoo de voors persoonen die met dit Jacht werden, gesonden niet bestant en
sijn, om alle d'andere die haren tijt geexpireert sal zijn te verlossen, soo wort ul
mits deesen neffens den Breeden Raet geauthoriseert alsulcken persoonen, die daer
dienstich zijn, ende niet gemist en connen werden, wederomme voor eenige tijt in dienst
vande Compe. aen te neemen ende te verwilligen met de bequaemste middelen, die vol ende
den raet sullen weeten te bedencken ende den tijt ende geleegentheijt sal toe laeten
regaerdt neemende dat de tijt van geene die met de vloote van Admirael
Pieter Willemsz int landt zijn comen, noch niet en is geexpireert alsoo
ons de H.ren. bewinthebberen schrijven altesamen voor 3 ofte 4 Jaer zijn aen„
genoomen ende noch van geene plaetsen en sullen werden verlost
Ende alsoo wij vstaen dat aen Coninck van Golconda belooft te sijn met den
eersten eenich Ambassadeur soude gesonden worden om het stuck vande tollen, ende
andere swaricheden dieder souden mogen voorvallen segge die der dagelycx voor
vallen aff te doen, sal tot sulcx Iemant deputeeren van geene die daeral reede
zijn ende sien de saecke met den besten middel te eijndigen achten nu wel wat beeter
coop sullen geven, aengesien in Palicatta, cleeden genoech sullen connen becomen.
Ende musilipatan voortaen niet dienstich als tot de witte cleeden en sal zijn,
ende de goederen te vertieren, d'welck oock noch dese reijse met de beste middelen
diemen sal mogen bedencken, sal moeten geexcuseert worden, alsoo met dit Jacht
sonderlinge geen Coopmanschap en seijnden, dewelck sonder eenige fante
tegen het toecoemende Jaer sal geschieden
Ende aengesien de Cleeden voor deesen in Betapolij gecocht meest van
andere plaetsen daer te coopgebrocht zijn d'welck nu niet van noode zal
zijn, Ouermits in Paliacatte ons Cantoor hebben, soo dient gelet, oft
oock raetsaem sijn sal tselve op te breecken, om de Compe. van van soo veel oncosten
te ontlasten, dwelck ons hoochlyck wert gerecommandeert, Doch daer inne moet
naer geleegentheyt gehandelt worden & soot niet en dient gelicht dat het selve
met soo weijnnich volck versien wort als doenlyck is ende ondertusschen den Hr. Gouverneur
van geleegentheijt advijseeren op dat daer in met den eersten ordre mach gestelt worden —
Adus gedaen ter vgaderinge inde logie tot Bantam desen 12 Decembris @o 1610
ende was onderteyckent
Jaques l'hermite de Jonge
Claes Outgerssen smit
Steenen doensen
Matheus Contelles
Jan de labiestraten
N
N