Transkripte durchsuchen » National Archives / Archiv South Holland

Archivzugang 1.04.02, Inventarnummer 1053, Blatt 287

36
Brengt oock tydinge In februari voorleden Seven scheepen
ende een Jacht syn wt geloopen, die Recht herwaerts aen souden
comen, alsoo nu metten peys geene andere plaetsen en sullen behoeven
aen te soecken soo dat ick hoope met den eersten hier sullen syn, daer
compt voor Ouerste ouer de voors Schepen, eenen met
Tytel van Gouverneur generael die gehouden is , ofte 6 Jaren
hier in Indien te blyuen, tot wiens last alle saken In dese quar
tieren sullen staen, waer mede ick hoope velefaultz sullen werden
geremedieert, watter voorts Int valderlant passeert sal by
desen niet verhalen alsoo brenger deses uwe E. Daer afmonde
linge sal connen Informeeren waer aen mi refereere, de heeren
Bewinthebberen schryuen oock de Engelsche 3 Scheepen
toemaken om herwaerts te comen die oock dagelycx sullen ver
wachten, het waer te wenschen de onse eerst quamen, om den
voortocht in Banda te hebben want alsoo door den vrede In
Ternate gheen macht vandoen en sal syn Ouermits yder
een houden sal tgene hy heeft, sal alle devoir doen de voors.
comende dat alle de macht derwaerts werde ghedirigeert
op dat die sake die teggenwoordichlyck wel den meesten last
lyt voor eerst mach af gedaen worden, waer toe geen dilligentie
vanden Admirael wel te Informeeren ende andersints en sal
sporen waerop uw E. hem mach verlaten
Aengaende het Jacht den Griffioen, Is ouer eenighe Daghen
van hier vertrocken naer macasser ende Ternate en In syn plaetse
hebben het Schip de Cleynne Sonne derwaerts gedestineert
daer Sr. Jan Dirricksz Lam Oppercoopman ende schipper
op is, Tgene uwe E. van plancken Swalpen ende andersints
is ontbiedende) hebber soo vel Inne geladen als voeren can als
uw E. byde mede gaende facture sal connen sien, ende de nieuwe
Scheepencomende sal alles seynden watter te becomen is waer
toe hier noch goede p tyen plancken ende Swalpen gereethoude
Arrack en Connen sonderlinghe geenen seynden by faute van Liggert
daer hier gantsch uur afvesien en syn, ende wt de schepen die naer
huys varen nier en is te becomen al hebben set alschoon te veel
twelck verdrietich is, waer ouer dit oock opde compste vande
Nieuwe Scheepen sal moeten wtgestelt worden, vis—
gesonten vleys ende andersints is hier niet te becomen, was
gaet hier mede 750 cattyn loot 1310 lb In gelt kisten gepackt
ende 6 leggers Arack waer mede vE: hem voor eerst sal
moeten behelpen, Alsoo teghenwoordich gheen middel en hebben
om yts anders te seynden.
De chinese werckluyden die uw. E. Is ontbiedende connen van
hier niet gesonden werden alsoo men hen qualyck de gelegentheyt
van Bounda can wys maken, ende hier andere middelen genoch
hebben om den cost te winnen soo dat sulcx van andere plaetsen
sal moeten werden versien. De Scheepen Rotterdam en
horn syn van hier vertrocken op 1en. September naer Reylant
Mauritius om de andre Scheepesn te wachts daer ouer de copije