Transkripte durchsuchen » National Archives / Archiv South Holland

Archivzugang 1.04.02, Inventarnummer 1053, Blatt 278

Siecklyck ben geweest ende beyde nyet wel wt de logie en
connen syn, alsoo weynich versien ben van volck ende met hert
Affveerdighen vande Scheepen naer de molucques de handen
hier oock vol hebben, hebben tselve nyet geraetsaen gevonden
Ongetwyffelt als den Gouverneur dit Stuck van Jacatra
sal gewaer worden, sal hen seer Spyten want meent dat den Conick
van Jacatr opsonder syn consent nyet en sal derven doen, Overmits
Superienritcht Daerover Is pretendeerende, waerIn Ick achte
bedroghen sal vallen, want die van Jacatra no ter tyt op hen
nyet en past. Alle de malhse Sorteringhen van
cleeden die ny met de Scheepen gecomen syn, als oock Den
meestendeel die voor desen byde logie hebben gehadt, syn melt
dese Scheepen naer de Molucques Amboyns en Banda gesonden
met noch 48000 realen naer Amboyne Alsoo ginder versckerder
liggen als hier ende de logie noch meer als met 100000 realen
van achten contant gelt geprovideert blyft waeraff de
custe van Choromandel sullen moeten versien, de reste die
hier nyet van doen en hebbe sal oock ter eerster gelegentheyt
naer Amboyno ofte Ternate seynden, op dat hier soo veel te
Wehingher Riesco loopen ende desen Schelm door het groot
Capitael gheen oorsaecke gegeven en worde het quaets op ons
tatenteeren,
het Schip de Cleyne Sonne hebben van hier gedestineert te
loopen naer Amboyno ende Banda, De cleeden die vande
custe gebrocht heeft hebben by provisie Int Schip ternate
geladen dat hier geordonneert Is voor eerst In plaetse van
een packhuys te blyven, hebbe Inde voors Sonne geladen
1261 plancken, 68 balcken ende 27 packen met cleeden voor
Banda, ende 53 packen met cleeden mett 48000 R voor
Amboyno, als moeE breeder byde medegaende facturen
connen sien, ende alsoo het volck dat op hett voors Schip
wel vaerende nyet gehouden en waeren langher Int landt
te blyven, hebben deselve nyet connen weygeven met de provintien
over te gaen, waerover wederomme andere In haer plaetse
hebben verwillicht ende voornemelyck Sr Jan diericksen
lan, die door perswosie vanden Raett hen heeft laeten bevillingen
een Jaer op ditto Schip te vaeren, waerbij wij achten de Compe.
gheenen cleynen dienst en sal geschieden, overmits de bequaekenz
vanden persoon ende sonder hen qualyck middel souden geweeten
hebben om het Schip weeder vande wal te cryghen ten
waere Sr. Arent Maertsen hem hadde laten bewillighen noch
een jaer daer op te blyven, want anders hier green stoffe
en Is die eenichsints tot sulcken offitie soude connen werden
gebruyckt, In plaetse vanden voors Jan Diericks
hebben Arent Maertsen opt Schip de Provintien geauthoriseert
gelyck uwe E breeder byde copye vande resolutien
hier neffens gaende sullen connen sien
-