Blader door transcripties » Nationaal Archief / Rijksarchief Zuid-Holland

archieftoegang 1.04.02, inventarisnummer 1053, pagina 277

huyse mach laeten maecken soo veel ende soo groot alsde gelegentheyt
vereyscht daermen de goederen ekerlyck mach betrouwen, dwelck
hier tot Bantam nyet en sal connen geschieden, want het haer noch
te veel Is dat dese huysen hier staen ende soecken dagelyckx ooir„
saecke om deselve onder eenen aparenten schin afftebreecken om
tot het welcke soo veel te beeter te comen, no corteling meest alle
de Steenen huysen vande chinesen die Int Chinees quartier
Staen heeft laten affbreecken, ende ten waere eenighe vreese
vanden mataram die dese plaetse met Oorloghe dreycht, soude
al geschiet geweest syn watter ny voorder af worden sal
sullen metter tyt gewaer worden—. Doen de Scheepen mett
De cleeden vande custe gecomen waeren, dede den Gouverneur
naer onder gewoonte aenseggen, dat van sine waeren deselve
te lossen, heeft het selve op het voorgaende accoort over 2 jaeren
mett den overledenen Gouverneur gemaeckt nyet willen Consenteren
maer daeraf 5 percento voor tol gepretendeert, dwelck in
geender manieren geraden gevonden hebben te consenteeren, ten
sy dat ons In alle andere dinghen oock gelyck andere natee
wilde tracteeren en principalyck Int wtvoeren vanden Peper
Daeraff den tot door de hooge taxatie te onlydelycken hooge
loopt, heeft naer gheeken voorslach off eenich acoort willen
hooren, ons wel onbeleefdelycken ende buyten propoest seggende
Dat Indien den Tol nyet wilden betaelen die ons naer syn believen
soude opleggen dat wel monchten vertrecken gelyck Ende
Resolutien breeder, Is aengeteyckent daerbij uwe E de voordere
particulariteyt sullen connen sien, waerdoor wederomme
genootsaeckt syn geweest ons naer Jacatra te wenden, en den
Connck aldaer (die Ick verstaen eenighen Bouwcoop hadde
door dien het voorleden daer de gepresenteerde conditien nyett
en hadde aengenomen) te versoecken In een vast Lccoort ofte
contrackt te treeden, waertoe te meer syn geuechen geweestt
sinde de Ordre die uwe E opt Stuck vanden handel syn
Gevende, ende hier ontrent nootwendich eenighe plaetse
sullen moeten hebben om een Amagasen te maecken, alsoothier
voorde gaende ende comende scheepen boven alle andere
plaetsen seer wel Is geleghen. Oversulckx I raetsaem
gevonden Cornelis Jacobsen Marros Ondercoopman van
dese logie derwaerts te schicken om te sien hoe verre des
Connckx genehentheyt tot dese saecke Is streckende-
denwelken ons alles goets heeft geraporteert vindende den
coninck seer tot sulckx geneghen waerover ende krekt
Maertsen, Cornelis cornelisen thart ende den voorss. Cornelis
Jacobsen wederomme derwaerts syn gesonden, met volcomen last
om alles watt redelyck Is finalyck met den Coninck te
besluyten, waeraff noe E voor het sluyten van desen
het effeckt hoope te adviseeren, Ick hadde geene
selffs eens derwaerts geweest Dan overmits langhe
catra
e