Blader door transcripties » Nationaal Archief / Rijksarchief Zuid-Holland

archieftoegang 1.01.02, inventarisnummer 3175, pagina 764

ont tres grand interest, lequel Sa Majesté n‛a
pas moins consideré, que le sien propre, quand
en son Conseil ell‛a forme la resolution de
reprimer la temerité de cest attentat,
Mais d'aultant que le succez de ce dessein depend
de la diligence, V.S. sont tres affectionneement
priees par Sa Majeste, de donner le plus
prompt, et meilleur ordre, qui se pourra, pour
l‛enuoy desds. vaisseaux, luy tesmoignans en
cesté occurrence leur accoustumée bonne
volonté, au bien de son Royaulme, et a l‛ancienne
liberté du commerce, qu‛Elle y veult conseruer,
Cest pourquoy Je les supplie me declarer dans
quel temps Ilz pourront estre prestz, pour se
rendre dans la Riuiere de Bourdeaux, affin
que J'en aduertisse Sa Mate., et, de sa part
que
elle pourvoye aux aultres preparatifs
seruants, en l‛acheminement, et execution d‛vne
si legittime, et necessaire entreprise, Comme
aussi a l‛ordre requis pour, reception desds.
nauires entrans a ceste fin dans la susde
Riniere.
Sur cela Jattendray la response de V. S.
pour la faire scauoir a Sadicte Majesté,
Prononce en l‛assemblée de Messieurs
Brieff van Co
Vranckrijck.
760.
Treschers, et bons amys, alliez, et confederez,
van Lussan Gouuerneur de nostre ville de
Blaye establi par le feu Roy nostre tres honnoré
Seigneur et pere, de glorieuse memoire, et
qui auoit receu de luy, et de nous plusieurs
bienfaicts, Mescognoissant l‛honneur, et
le bien, qu'il a receu, et la fidelité, quil nous
doibt, Abusant du pouuoir, et de l‛authorité,
que nous luy avous donnée, entreprent sans
mandement, ni pouuoir de nous, d'establir
nouuelles impositions au passagt, ou il est,
des Riuieres de Garonne, et Dordogne, au
dommage, et incommodité insupportable
de nos subjects de la Guienne, et a la
surcharge des Marchants estrangers, qui
sy viennent fournir de vins, et mesmement
des vres, Nous l‛aujons faict exhorter
de reuenir a son debuoir, Mais au lieu
d'obeyr, Il a adjousté au mespris la desobeis„
sance, et la rebellion, Occasion pourquoy
„
nous auons resolu par le prudent, et sage
aduis de la Royne nostre treshonnerée,
les Estats Generaulx des pays bas Vniz
le 26en. Jour d'Octobre 1616. par l‛Ambassadeur
de Sa Mate, Est Signé Du Maurier,
26. October.