Blader door transcripties » Stadsarchief Amsterdam

archieftoegang 5075, inventarisnummer 173, pagina 28

Jacob van
schaerlaken
Oft voor nots. dat allen t selve mede van alsulcker
cracht ende waerden sal blyven ende achtervolcht
werden als ofet van woorde te woorde in desen
tegenwoordige instrument geinsereert ende
gestelt stonde, ende op dat dit testament
volcommen voortganck soude moegen hebben ende
effect sorteren hebben die voornomde testateurs
gerevocheert geannulleert ende wederroepen
revoceren annulleren ende wederoepen by desen
specialycken alsulcke houwelycxe voor
waerden als sy voort' consummeren van haeren
houwelycken hebben gemaect mitsgaders alle
testamenten codicillen ende andere maeckingen
by hen tsamentlyck oft elcx int perticulier
gepasseert sonder dat die selve eenich voirder
cracht sullen hebben oft effect sorteren Alle
dwelck voorsz staet ende elcx punct vandien
int bysonder die voornomde testateurs ende
elcx van hen seyden ende verclaerden te wesen
haer uterste laetste wille ende testamen¬
taire dispositie twelck sy wilden dat alsulcx
oft als codicille donatia causa mortis oft
andersins soo een yder testament ende uterste
wille alder vaste ende crachtichste plaets
houden ende subsisteren sal moegen van goeder
waerden gehouden te hebben ende volcommen
effect te sullen sorteren vanden minsten totten
meesten article toe daer inne gecomprehendeert
niet tegenstaende eenige keuren oft
Ordonnantien van landen oft steden desen
contrarierende ver sonder arch ende list
Versouckende voorts aen my nots. voorn. wettel.
stipuleerende van t gene voorsz is gemaect
ende henlieden gelevert te werden een oft
meer Openbaer acten oft Instrumenten
in debita forma Gedaen binnen der voorsz
e van amstel. ten huijse vande testateurs
gestaen opde nieuwe sijts achter burchwal ter
presentie van albert fransz ende Jacob van
schaerlaecken inwoenders der stede voorsz getuygen
hier toe versocht ende gebeden
susanna vander voort Joriss Sterlincx
A fransz
28
Inden name ons heeren amen Inden Jaere vander
geboorten desselffs Onsheeren ende salich¬ 28
maeckers Jhesu christy duysent vyff hondert negen
ende tnegentich indictione duo decima opten eersten
november tsavons die clocke omtrent seven uren
Impererende die hoochgeborentste ende
grootmachtichste forste ende heere rudolpho
byder Gratien Godts die tweede roomsche
kayser vandier name altyt vermeerder srycx
int drientwintichste Jaer synre kayserlycke
electie Compareerden voor mij Jan franssz
bruyninck Openbaer nots. tot Aemstel
redamme residerende byden hove van hollandt
geadmitteert ter presentie vanden ondergeschreven
Jan Willemssz ende Bely Gerrits dr echte
man ende wyff poorter ende poortersse der voorsz
stede beyde gaende staende gesondt van
lichaemen ende haer vyff sinnen redene memorie
ende verstant wel machtich ende volcommel.
gebruyckende alst uterl. bleeck ende scheen
die welcke Innesiende des menschen
cranckheyt ende brosheydt die seeckerheyt Des
doots ende Donseeckere ure vandien begeerden die
selve voor tecommen mits testamentelycke dispositie
hebben in alre betere forme style wege ende
manieren Soo sy ende elcx van hen dat best
Ende vastelycxste doen conden ende mochten
met vryen ombedwongen wille soo sy seyden gedisponeert
over haer testament ende uterste wille in
manieren naevolgende Inden eersten bevelende
hare sielen inde handen ende barmherticheyt
Godts almachtich ende haere lichaemen
Christelycke sepulturen hebben voorts
die testateurs voorn. wt sonderlinge
echtel. lieffde gunst ende goede affectie
die sy malcanderen toedraegen als oock
omme meer andere deuchdelycke redenen
haer beyder moet ende conscientie daer
toe moverende geordonneert gemaect ende
gewilt ordonneren maecken ende willen mits
desen dat die lancxtlevende van hen beyden
(die Godt almachtich alleen bekendt is)