Blader door transcripties » Stadsarchief Amsterdam

archieftoegang 5075, inventarisnummer 173, pagina 27

Tot welcken eynde by geval van wederhylickens
vanden lancxtlevende oft dat den selven
lancxtlevende ongehuwt wesende mede deser
werelt overleden voor ende aleer haere
kinderen alle tot staet gecommen ende be¬
quam sullen wesen haer eyge goederen te
regieren ende dat dese haere testamentaire
dispositie geeffectueert ende naegecommen
soude moegen werden hebben sy testateurs
geeligeert gedeputeert ende gecoren eligeren,
deputeren, ende kiesen mits desen, den
eersaemen ende discreten Artus den ouden ende
Artus de Jonge vander voort des testatesses
van haren twegen
vaeder ende broeder ^ ende van wegen die
testateur Bartholemeus bisschop ende
Laurens de groot, als testamenteurs
voochden ende voorstanders van haere kinderen
ende regenten van desselffs goederen versouckende
aen henlieden vruntel. die testamentlycke
last te willen aenvaerden ende die voorss.
^ met volcomen advys vande lancxtlevende
haere kinderen goeden ^ regieren administreren
ende aenleggen soo sy tot meeste nut proffyte
ende bewaernisse vande selve te raide
sullen vinden, ende voorts generalyck alles te
moegen doen handelen besoigneren ende verrichten
tot coste ende laste vanden sterffhuyse
soo van noode wesen endeden testamenteurs
geraeden sal duncken Gevende henlieden
tsamentlyck daer toe alsulcken cracht
macht ende aucthoriteyt als executeurs
van testamente nae rechte competeert
sonder dat die selve goederen den weescamere
deser stede oft andere steden eenichsins
sullen moegen syn subject niet tegenstaende
eenige wetten constumen oft ordonnantien
ter contrarie die welcke sy testateurs
gelyckelycken by desen derogueerden als vooren
behoudelycken soo verre eenige vande selve
persoonen in weygeringe oft gebreecke
waeren die testamentelycke last
27
(als sy verhoopen neen) te aenvaerden oft dat een
oft meer voort executeren vanien deser werelt
waeren oft quamen te overlyden oft door
ouderdum oft andersins niet bequaem gekent
werden totte testamentelycke last ende
regieringe als boven in soodanigen gevalle
ende anders niet sullen d' andere momboirs
met advys ende consent vanden lancxtlevende
in plaetse vande selve onwillige overledene
oft onbequame persoenen eligeeren ende kiesen
soo veele andere bequaeme tottet boven
geroerde getall toe als daer aen
sullen ontbreecken houdende die selve electie
van alsulcke waerden als oftet by hen
testateurs geschiet ende gedaen waere ende
oft saecke waere dat eenige van haere
kinderen oft yemanden van desselffs wegen iegens
dese hare testamentaire dispositie uterste
ende laetste wille eenichsins opposeerden
rebelleerden oft yets ter contrarie attenteerden
tsy met woorden oft wercken directelyck oft
indirectelyck in eenige manieren oft den
lancxtlevende eenichsins moeyelyck vielden
dat alsulcken opposant oft opposanten verbeuren
sal allen tgeene die selve competeert wt
crachte deses boven desselffs legittime portie
daer Inne sy testateurs soodanige In¬
stitueren ende verder niet sonder te genieten
eenige trebellianiqua oft diergelycke
andere portien ende dat die reste oft t super¬
plus als commen tot proffyte vanden kinderen
desen achtervolgende ende hen mette tegen¬
woordige maeckinge gecontenteert houdende
verclaeren noch die voorn. testateurs te
willen ende uterlyck te begeeren ingevalle
sy haer naemaels yets meer maecten le¬
gateerden oft bespraecken oft van tgene
voorss. is altereerden muteerden oft vandeden
tsy onder haer selffs handen voor twee getuygen