Blader door transcripties » Stadsarchief Amsterdam

archieftoegang 5075, inventarisnummer 173, pagina 29

eeuwel. ende erffel. sal hebben behouden ende
genieten alle ende yegel. die goederen soo
roerende als onroerende renten actien crediten
ende alles wes d'eerst afflyvige van hen beyden
metter doot ontruymen ende achterlaeten sal egene
wtgesondert den selven lancxtlevende Jure
Institutionis met vollen rechte van Institutien
daer inne tot syn oft haer universele erffgenaem
mits desen Institueerende behoudel. soo
verre die testatersse eerst overleden sal
die testateur gehouden wesen aen hendricxgen
hendericx dr haer petemoeye wt te keeren
ende te laeten volgen tot een legaet die
Somme van vyffentwintich gul. eens ende
soo die testateur eerst quame afflivich
te werden Sal die testatersse verobligeert
wesen aen syn naeste bloetvrunden wtte keeren
gelycke vyffentwintich gul. tot een bespreeck
wil mede die testatersse dat haer naeste
bloet vrienden geprefereert sullen wesen voor
een ander te coopen haere clederen van linnen
ende wollen tot haer lyve behoorende ende dat
Om een redelycke pryse die haer man
gehouden sal wesen daer vooren aen haer
vrienden te laeten volgen welverstaende
by aldien die testateurs kindt oft, kinderen
byden anderen procreerden ende in levene nae
lieten ende dat die selve voorden lancxtlevende
van vaeder oft moeder deser werelt overleden
Sonder voirdere descendenten nae te laeten
dat indien gevalle alle ende yegel. die goederen
weder commen erven ende succederen sullen opde
lancxtlevende van hen testateuren die
selve daerinne Instituerende mits wt
keerende aende naeste vrienden tot een
legaet als vooren Alle dwelck seyden ende
verclaerden die testateurs ende elcx van
hen te wesen haer beyder testament
uterste ende laetste wille twelck sy
wilden dat alsulcx oft als codicille gifte
ter Cause des doots onder den levenden oft
anders soo een yder testament ende wterste
29
wille alder vaste ende crachtichste plaets
houden ende subsisteren sal moegen van goeder
waerden gehouden te hebben ende volcommen
effect te sullen sorteren vanden minsten totten
meesten articule toe daer Inne begrepen
niet tegenstaende eenige keuren oft
Ordonnantien van landen oft steden desen
contrarierende
Versouckende voorts aen my
notario voorn. wettelyck stipulerende van tgeene
voorss. is gemaect ende henlieden gelevert
te werden een oft meer Openbaer
Instrumenten in debita forma Gedaen
binnen der voorss. stede van Aemstelredamme
ten huyse myns nots. ter presentie van
Albert franssz ende Jan thymissz getuygen
hier toe versocht ende gebeden die desen neffens
die testateurs inden protocolle myns nots.
Onderteeckent hebben Ten selven dage ende
Jaere als boven compareerde voor my nots.
publ. neffens die testateurs voorn. Jan
Otten my nots. wel bekendt die oock als
getuygen over desen heeft gestaen ende verclaerde
die testateurs wel te kennen ende te wesen
die sy hun doen babtyseren ende noemen
Jan willemsen belij gerrits Jan Otten
Inden name onsheeren Amen Inden Jare vander
geboorten desselffs ons heeren ende Salichmaec¬
kers Jhesu Christi duysent vijffhondert negen
ende tnegentich Indictione duo decima Opten
eersten novembris nae middaechs die clocke
omtrent twee uren Impererende die hoochgeboorenste
ende grootmachtichste forste ende heere
Rudolpho byder gratien Godts den tweede Roomsche
kayser van dier name altijt vermeerder s'rijcx int
Drientwintichste Jaer sijnre kayserlycke electie