Browse transcripts » Amsterdam City Archives

archive access 5075, inventory number 173, page 11

volcommen voortganck hebben ende effect sorteren
sall tsy als testamente codicille denatio
causa mortis oft andersins soo t selve opt
crachtichste sall moegen volstaen niet tegen¬
staende alle Solemniteyten van rechte
hier Inne niet en waeren geobserveert daer
van hy begeerde gehouden te wesen voor geexcu¬
seert sonder bedroch versouckende aen my nots. boven
genoempt desen opten voorss. beslooten testamente
behoorlyck teeckenen ende bevestigen
Gedaen ende gepasseert binnen der voorss.
stede van Aemstelredamme ten huyse
myns nots. ter presentie vanden eersaemen
Albert franssz ende Jan thunissz getuygen
hier toe versocht ende gebeden
J van schaerlaeken
A Fransz
1599
Inden name onsheeren amen inden Jaere vande geboorten desselffs
ons heeren ende salichmaeckers ihesu christy duysent vyffhondert negen
ende tnegentich indictione duo decima opten negenden Octobris tsavons
die clocke omtrent halff seven uren Impererende die hochgeborenste
ende grootmachtichste forste ende heere rudolpho byde gratien
Godts die tweede roemsche kayser vandier name altyt vermeerder
srycx int drientwintichste iaer synre kayserlycke electie
Compareerden voor my Jan franssz bruyninck openbaer nots. tot
Aemstelredamme residerende byden hove van hollandt geadmitteert
ter presentie vanden ondergeschreven getuygen Reyer claessz
cappeteyn op een schip van Oorloge in dienste der geunieerde neder¬
lantse provintien ende Griete Cornelis dr syn wettige huysve.
woonende binnen de voorss. stede my nots. wel bekent die voornomde
Reyer claessz hoe wel sieckel. van lichaem wesende ende die
voorss. Griete cornelis met ons opde aerden gaende ende
staende de nochtans beyde haer vyff sinnen redene memorie ende
verstandt wel machtich ende volcommel. gebruyckende alst
uterlyck bleeck ende scheen die welcke Innesiende des
menschen crackheyt ende brosheyt datter niet seeckerder
op deser aerden en is dan die doot ende niet onseeckerde dan die
ure desselffs willende die selve onseeckere ure mits
testamentelycke dispositie voor commen hebben in alre betere
forme style wege ende maniere soo sy dat best ende vastel.
doen conden ende mochten gedisponeert over haer testament
ende uterste wille in manieren naervolgende eerst
bevelende haere sielen inde handen ende barmherticheijt
Godt almachtich ende haere lichaemen de Christel.
sepulture hebben voorts de voornomde Testateurs gein¬
stitueert ende genomineert Institueren ende nommeren by
desen Tryn Claes Anna Lysbet ende Dieuwer haere
vyff kinderen die sy door Godts genaede tsamentl. byden
anderen hebben geprocreert tot haere eenige ende universele
11
erffgenamen in alle ende yegelycke die goederen soo roerende
als onroerende die sy Testateurs metter doot ontruymen ende
achterlaeten sullen egeene wtgesondert hooft voor hooft in
te tasten ende evenveel van haer naetelaetene
goederen te genieten mits dat by versterve van eenige van
hen die kindt oft kinderen die sy sullen naelaeten by representatie
sullen succederen in haer overleden vaders of moeders plaetse
Onder expresse restrinctien ende limitatien dat die
lancxtlevende van hen beyden syn oft haer leven lanck
geduyrende sal blyven behouden besitten ende gebruycken
alle ende yegelycke die voorss. goederen ende daer
mede even well doen handelen ende trafficqueren soo
hy oft sy indier tyt te raide sal vinden sonder den naeste
vrienden vande kinderen den heeren weesmeesteren deser
stede oft eenige andere Cameren oft rechters
gehouden te wesen te geven eenigen staet oft Inventaris
noch mede reeckeninge bewys oft reliqua te derven
doen veel min cautie oft verseeckerheyt voorde goeden te
stellen in eeniger manieren ende dit al niet tegenstaende
eenige keuren oft Ordonnantien vande weescamere
ter contrarie die sy met rypheyt van raide mits desen
derogueerden dies sal die lancxtlevende verobligeert
wesen haer beyder gemeene kindt oft kinderen eerlyck
op te brengen ende te onderhouden in cost clederen
schoelgaen ende andere Corporele nootdruften ende
gecommen wesende ten houwel. state die selve te
doteren ende mit te geven naede staet ende gelegentheyt
vande goederen in twelck tedoen den lancxtlevende
volcommen geloove gegeven sal werden sonder den selven
tot staet oft Inventaris te moegen Compelleren
toevougende hen dieselve alimentatie ende dote in
plaetse van hunne legittime portie die voornomde
testateurs noch verclaerden te wesen haer uterste
wille by aldien die lancxlevende weder quame te
herhuywen ende van state te veranderen dat die selve
indien cas ende anders niet gehouden sal wesen den
kinderen haer eerst overleden t sy vaders oft moeders
erve te bewysen ende verseeckeringe daer vooren doen mits
dat even wel die lancxtlevende syn oft haer
leven lanck geduyrende die renten ende vruchten
daervan sal genieten Ordonneerende oock die
Testateurs dat die ongehuwde kinderen ten tyde vande
deelinge nae haer beyder overlyden mede soo veel
goederen voort wt sullen genieten als die oudtste dochter
van hen testateurs ten houwelycke gehadt ende
genooten heeft Alle dwelck seyden die testateurs
te wesen haer uterste ende laeste wille twelck
sy wilden dat alsulcx oft als codicille gifte ter
cause des doots onder den Levenden oft anders soo een
yder testament ende uterste wille alder vaste
ende crachtichste plaets houden ende subsisteren