Blader door transcripties » Stadsarchief Amsterdam

archieftoegang 5075, inventarisnummer 173, pagina 10

Weescamere deser stede, oft andere cameren
oft rechteren sullen syn subject, hen als voiren
secluderende, noch hebben die testateurs
expresselycken gewilt ende geordonneertt,
willen ende Ordonneren mits desen, dat die
Lancxlevende alleen syn keur sall hebben,
naert Overlyden vanden eerst afflivigen,
den huijsraet ende Imboedel ende alles
wes daer vooren gereeckent werdt (niets
wtgesondert) aen hem oft haer tebehouden in
sulcken schyne tselve inden sterffhuyse
bevonden sall werden, mits daer vooren aende
kinderen goet doende, ende betalende, die somme
van vyff hondert guldens eens, te weten voorde
gerechte helfte byden eerst afflivigen
ontruijmt, ende oft gebeurde dat alle haere
kinderen die sy byden anderen geprocreert hebben,
Ende noch door Godts genaede t'samentl.
soude moegen procreeren, voorden lancxtlevende
van vaeder oft moeder deser werelt overleden
sonder voirdere descendenten nae telaeten,
Indien gevalle sall die lancxlevende
genieten ende behouden alsucke ende
soodanige goederen, als d'selve in houwelycke
aenden eerst afflivigen gebrocht heeft
mitsgaders die den selven staende houwel.
gegeven aenbestorven oft aengeerft syn,
ende noch gegeven, aenbestorven, oft aen
be erft souden moegen werden, ende boven dien
verbetert wesen wte goederen vanden eerst
afflivigen, die somme van twaelff hondert
guldens eens, ende noch t genieten alle den
huysraet ende Imboel ende alles
wes daer vooren gereeckent werdt, mits dat
winst ende verlies sall wesen halff ende
halff, ende d'andere ^ oft resterende goeden,
sullen die erffgenaemen vanden eerst aff
livigen genieten, Alle dwelck seyden die
testateurs, te wesen haer uterste wille,
t'welck sy wilden, dat alsulcx oft als
Codicille, gifte ter Cause des doots onder den 10
levenden Oft anders, soo een yeder testament
ende uterste wille, alder vaste ende
crachtichste plaets houden ende subsisteren sall
moegen, van goeder waerden gehouden te hebben, ende
volcommen effect te sullen sorteren, vanden minsten
totten meesten articule toe, daer Inne begrepen
niet tegenstaende eenige keuren oft ordonnan¬
tie van landen oft steden desen contrarierende,
versouckende voorts aen my notario voorn.
wettel. stipulerende van t gene voorsz is
gemaect, ende haer gelevert te werden, acten
een oft meer ende Instrumenten Openbaer
In Debita forma Gedaen binnen der voorsz
stede van Aemstelre. ten huyse oft
Woenplaetse vande testateurs gestaen
opt nieuwe sijts colck ter presentie van
Albert franssz ende Jacob van schaerlaecken
getuygen hiertoe versocht die desen neffens die
testateurs Inden protocolle myns notaris
Onderteeckent hebben
Gerrit Cornelissen
Jannitgen Jans
A frans
Jacob Schaerlaecken
Op huyden den negenentwintichsten
september anno XVC negen ende tnegentich Compa¬
reerde voor mij Jan franssz bruyninck openbaer
nots. tot Aemstelredamme residerende by
den hove van hollandt geadmitteert ter presentie
vanden Ondergeschreven getuygen Jacob van
schaerlaecken van Dort mij nots. wel bekendt
synde gaende staende gesondt van lichame
ende syn verstant volcommelyck gebruyckende alst
uterl. bleeck ende scheen die welcke seyde ende
verclaerde dat dit tegenwoordige beslooten instrument
by syn eygen hant geschreven ende onderteeckentt
wesende oock met syn pitsier versegelt syn testa¬
ment ende uterste wille is twelck hy wilde
ende wterlijck begeerde dat nae syn oiverlyden