Blader door transcripties » Stadsarchief Mechelen

archieftoegang 2, inventarisnummer 937, pagina 93

den voirscreven Henricken alsdoen toebehoirende
hier na bescreven heest van thien honde lants luttel min
oft meer, gelegen tot Heffene opt Rot. Item een vierendeel
lants luttel min oft meer, daer de stede van dien van
Sman op plach te stane gelegen aldaer. Item omtrent
een half buender lants gelegen tot Blaesvelt in Heyerbroeck
overt
Ende een vierendeel wynnents lants oic tot Blaesvelt inde
Moerters gelegen, welken vercoop vanden selven goeden
alsoe dien den voirscreven Godevaert, byden voerscreven vorweerde
gedaen die heeft oic de voirgenoemde Henrick Bastyns gelooft voir
hem syn hoir ende nacomelingen te houden vast gestentich
ende van weerden ten eeuwigen dagen ende daer tegen
nemmermeer te doen, oft te seggen, by hem selven noch by
nyemande andere in gheender manieren, Om welke gelooft
alsoe tonderhouden ende om der meerder zekerheyt daeraf
den voirscreven Godevaert te doene, heeft de voirscreven Henrick daervoer
verbonden ende te pande geset alle sine haeffelike goeden waer
die bevonden zelen worden ende oic me erffelike goeden
metten gronde, bynnen etcetera gelegen
XIII february tempore simile
c
hem Bastyn
et geswyn
Wynkele, Duffle. De voirscreven Henrick Bastyne, aen deen zyde
Ende Godevaert Yswyn aen dander zyde, hebben mack malcanderen
Quytgesconden los van ende ledich van alle der moeyten
actien quellingen ende heysschen die sy deen den anderen
tot desen dage toe
vut wat zaken, ende dinghen dattet zy souden moegen
doen intenteeren ende heysschen ende alle andere dies quitancie
behoeven, geheelic ende al
ut supra tempore simile
fabrica Katlyne
Heelt, Baerdegeem, Meester Lambrecht de Poirtere docteur in
medicinen ende meester Rommond Godevaerts, Als proviseurs vander
fabriken vander prochie kerken van Sinte Kathelinen, bynnen
Mechelen inden name ende van weghen der selver fabriken, aen deen
zyde, hebben openbairlic voer ons bekent, dat sy by ordinancien
wetene ende wille van vele goeder mannen vander voerscreven prochien
bestaedt hebben, een meester Andries Kelderman ende Anthonis
Kelderman synen soon, Ende deselve Meester Andries ende Anthonis
Kelderman, hebben oic vut haeren vryen wille, voer ons geleden, ende
gekent, dat sy tegen de voerscreven proviseur, aengenomen hebben, te maken
Een sal inde voerscreven Sinte Kathelinen kerken in sulker vuegen ende
manieren als dat in eender papen cedullen daer op gemaect, die sy
voer ons erveerden ende thouden ende die in Onser presentien vanden
beghinne totten eynde, gelegen waert, claerlic begrepen ende bescreven stont
van welker cedullen, de seven oft houden van woorde te worden
hier naer volght, opten seventhienden dach van Januario int
jaer ove heeren dusent vierhondert drientzeventich, na coustume van
sceven inden hove van Cameryck, hebben meester Lambrecht de
poirtere docteur in medicinen ende meester Rommond Godevaerts alle
proviseur ende inden name vander saeken der prochiekerken van
Sinte Kathelinen, bynnen Mechelen by wysene wetene wille vanden
ende volcomen
onderprochiaen aldaer, van heer Lodewyck van Cothem priester van
Jan van Hamme, Jan Rabboots, Jan vander Heyden ende van vele meer
ander goeden mannen vander voerscreven prochien, bestaedt ende bevorweert
te maken, den meester Andries Kelderman ende aen Anthonis Kelderman
synen soon, Een ocael inde voerscreven Sinte Kathelinen kerken, Ende de selve
meester Andries ende Anthonis syn soon, hebben dat ocaell, tegen den voerscreven
proviseurs aengenomen, te maken, inder vormen ende manieren Alsoe
dat hier naer bescreven staet, dat hy dat de selve Meester Andries
ende Anthonis syn soon ende de langhstlevende van hen beyden, oft by
haerer beyder doot haer hoir ende nacomelingen ierst leveren ende
maken zelen, Eenen Tra alsoe lanck als tvoerscreven Ossel syn sal
Te weten seven dien dicke ende twee voeten breet Perpen
om die pylanen, daer op te stane ende Reyne daer op gepaeyt, welken
Trap syn sal van goeden Jansmissen Steenen wel ende eene gestoetboecht
ende geleet sonder eenige faute daeraen te syne, Ende van desen tcap op waert
zelen vier pleenen syn vanden selve Jansmissen Steenen met haren
Basment, na vutwysen de paeroens ende die zelen hoeve syn acht
voeten, ende eenen halven, sonder tcapiteel ende wel ende meesterlic
gebracht, Ende men sal ten myten dwerf overhouden metten
byzeele, Ende de capellen opte voerscreven pleynen zelen syn vanden
besten staene van Neve wel gedaen van goeden hoeve, Ende vanden
capitteelen op waerts tot onder de Oeverste liste, paelt als vanden vesten
staene van meer, Ende de liste sal syn wel gelooft, na des vanden
werke ende op corentie van weerlieden, hen de verstaende, Ende die
Oeverste kyste sal oic syn vanden selven staene van Annen, wel ghelooft
Ende de voere, daer een met inden doergaen sal, sal wesen van goeden
gronde van Hufflegghe staen, wel ende Rey gehouden, Ende de pylaenen
die inden voer comen zelen selen syn vanden gronde van Dyelegheem
oft van Dielbeke den Oeversten staen, Ende de vormen, die inden voer
comen zelen onder deel salmen maken van staen van Anne met
haeren posten, wel ende zyn gebueert van buyten ende van bynnen, Ende
weerssele
die wese selen hebben elc vier sluytsteenen ten myten gemaect van
eene staene, met een ende met Casementen, Ende de vorre ende de twee
Lysten die bynnen den voer comen zelen, salmen maken van goeden
custbaeren staene van Menne, de lenghde vanden voerscreven salle sal
syn vander eender Cruyspellenen totter ander na vutwysen des voirscreven
Patene, Ende die voerscreven daels sal wesen wydt boven seven voeten, bynnen
muere ende hoeghe tot opte voirte veerthien voeten, Ende van daer op waert
voer de vorst wee vier voeten ende eenen halven, dat sy achtien voeten
ende eenen halven te samen, Ende dit sal hem selven vutwerken van eenen treke
gevoetwerct ende gelist, om daer mede boven vanden wedelstaen op
dessel te comen, Ende dit ocsel sal gelevert ende gemaect syn met eenen
muere in alder manieren alsoe voirscreven ende bynnen inden voer en zelen
maer twee pellanen syn want aen beyde zyden sal dael boven comen
op Repen, sonder pleynen, Ende de voirscreven meester Andries ende syn soon
zelen ongehouden syn vanden outaren te maken, die onder daer
staen zelen welke outaren de proviseur vander voerscreven Sinte Kathelinen
kerken zelen doen maken, ten coste ende laste vander selver kerken insgelycx
zelen oic deselve proviseurs doen maken tsunderssel vanden voerscreven Orssele
tot gelyc der eerden sonder den voerscreven Crap ende sy zelen oic leveren
alle doot eender behoerende toten voirscreven octale, sonder de voirscreven meester
voort
Andries ende synen soons cost ende last in desen is bevorweert ende ondersproken
dat de voerscreven meester Andries Kelderman ende Anthonis syn soon, zelen maken
ende leveren, tot eenen beghinsel vanden voerscreven Orsalle, tusschen dit ende Paesschen
naestcomende, Eenen muer van drie voeten hoeghe ende van Sinte Jansmisse
Baptisten oic naestcomende over twee innen tyt daer na terstont
vervolgende, zelen sy gehouden syn tvoergenoemde ocsel al vollevert ende
Volmaect te hebbene in alle der vuegen ende manieren, alsoe dat boven
bescreven staet ende tpatren dat vutwyst, Ende voer daken van desen
de sale, hebben de voergenoemde proviseurs inden name vander voirscreven Sinte Katheline
telken gelooft te geven ende te betalen, den voerscreven meester Andries
Kelderman ende Anthonis synen sone, de somme van sevenentachtentich
pond thien scellinge grote Brabants gelts, toten termynen, hier naer
volgende, Te weten deen derdendeel daeraf tot Paesschen naestcomende
dander derdendeel daeraf vanden voerscreven Sinte Jansmisse naestcomende
bynnen twee jaeren tyt daer naer volgende, als voergenoemde daer
Volmaect sal syn, gelyc voer verclaert staet, Ende tderde derdendeel
vander selver sommen, bynnen anderhalven jare, na dat tvoergenoemde
Crael volmaect sal wesen, sonder wederseggen oft argelist