Browse transcripts » City Archives Mechelen

archive access 2, inventory number 937, page 7

Transferens ac volens ut in forma, de den
welken he, Ende aen dander zyde, heeft oic de
voirscreven Roeland vander Loe gelooft, dat hy alle de
sculden, de hoedanich die wesen moegen, die de
voirgenoemde jouffrou Lysbeth syn goeyvrouwe ende oic de
voirgenoemde jouffrou Margriete syn moeder ende oic de voirscreven
Willem vander Loe syn vader, totten dage toe, dat
de selve syn moeder starf, sculdich ende tachter waren
Ende dueghdelic gelden ende betalen sal ende daer
af den voirscreven Willem synen vader, altyt scadeloe
sal
quyt houden ende ontlasten, sonder eenich wederseggen
Ende dat hy de vutvaert de vanden vander
voirscreven wylen jouffel Margrieten synder moeder, tot
synen laste ende coste sal doen doen, alsoe behoeren
sal, sonder eenich wederseggen gewesen daer tegen
te sulken
XVIa decembris tempore simile
Johanne Andries
Dale, Schooff. Jacop Waghen, diemen heet de Zaghere
ende Lysbeth sMolders syn wyf, die inde lyfpensie, hier
naer bescreven, hair heffen ende dispositie hadden inden
name van hen selven ende oic inden name van Joes
de Waghevens, diemen heet de Zaghere, haerlieden
soon, die sy in hen vervinghen, hebben vercocht
Janne Andries, wylen Henricx andries soon, die
gouden Rynsgulden goede etcetera te wetten veertich
groote Vlaems gelts voir elken van dien gerekent
jaerlike lyfpensien, die de voirscreven Jacop ende weer
syn soon, tot haren live ende tot des langhstlevende
live van hen beyden, hadden, Op de voirscreven Jan Andries
twee huysen metten hoven, gronde etcetera gelegen deen
neven dander opte dekene, tusschen heer Martens van
Lanchem priesters erve aen deen zyde ende wylen Peter
erve
Lymmaers dat nu synen kynderen toebehoirt aen dander
zijde. A Magriete Egidius de Muysene, Waranderende etcetera
XVII decembris
d
Gerardine Diericx
Dale, Expoele. Jaspar vander Lynden, heeft vercocht Janne
Barbier, tot behoef van Gheerde Diericx van Aersschot
vier gouden croonen vander munten etcetera goede, Te
wetene zesse scellinge groten Brabants gelts voir elke van
dien cronen gerekent, Te heffen altyt tot Kersmisse
vutgenomen den yersten Kersmisse Op ende aen des
voirscreven Jaspars huys metten gronde etcetera gelegen aenden
Sterwech, achter de Vischbrugge van Mechelen tusschen
thuys derten geheeten, toehoerende Goessen vanden Dale
aen deen zyde ende thuys Ruplemonde geheeten toehoiren
Bartelmeus Bake, aen dander zyde, Opte weerde van
drie ponden neghen scellinge groten Vlaems gelts erffelic
gelike
ende op twintich scellinge groten lyfpensien, daer jaerlicx
voir vutgaende, Ende op des voirscreven Jaspars huys metten
tusschen
hove gronde gelegen inde Corte Scipstrate op twee chysgulden
daer jaerlicx voir vutgaende. A Domino Mechliniensi, Waranderende etcetera.
XXVIIIa decembry
Jan ende Willem de laet, wylen Willems
de laet kynderen, hebben opgedragen ende overgegeven
haren stiefvader
tot behoef van Olivier van boven alle alsulke haeffelike
erffelike goeden, bynnen der stad ende verheyt van
Mechelen, gelegen, als den voirscreven Jan ende wille
de laet, byder doot van wylen Lysbetten van
Eyndont, diemen heet van Lynth haerer moeder
ende des voirscreven Oliviers leste wyf doen sy leefde
in eeniger manieren verstorven moegen. A Domino Mechliniensi, Waranderende etcete.
voertaen, hebben de voirscreven Jan ende Willem de Laet
gebruederen, Quytgesconden los vry ende ledich, den
voirscreven Olivier van allen den haeffeliken goeden, die
henlieden oic byder doot vanden voirscreven wylen
Lysbetten, haer moeder oic gebleven ende verstorven
syn
Oliveeus de
boven
Dale, Duffle. Olivier van Boen heeft opgedragen syn
tocht, die hy hadde inde helft van eenen huyse metten hove
gronde etcetera gelegen inde Blocstrate, tusschen der weduen
ende kynderen erve van wylen Janne van Voesdonc, aen
deen zyde ende der weduen ende kynderen van wylen
Marten de Costere erve aen dander zyde. A Domino Mechliniensi, Juravit
tot behoef van Janne, Willem ende Margrieten de Late
wylen Willeme de Laet ende wylen Lysbetten van Eyndont
Coel
diemen heet van Eyndt syns wyfs kynderen, welke van
ende wille, tot haere ende der voirscreven Magriete haer zuster
behoef waerde daerinne yerst geerft, Ende dair naer, hebben
de selve Jan ende Willem de Laet gebruederen, opgedragen
ende overgegeven tot behoef vanden voirscreven Oliviere, haer
twee derdedeelen vanden voirscreven helft vanden voirscreven huyse
metten hove dairaff dander derdendeel der voirscreven
Magrieten toebehoirt ware voertaen hebben de
selve Jan ende Willem de laet, zyn Quytgesconden
los vry ende ledich, den voirscreven Olivier van allen den
haeffelike goeden, die henlieden, byder doot vander
voirscreven wylen Lysbetten van Eyndont haere moeder
gebleven ende verstorven syn
die henlieden
byder doot vander
voirscreven wylen
Lysbetten van
Endont haer
moeder een deen
voirscreven Olivers
lesten wive
verstorven
syn
XXII decembris