Blader door transcripties » Stadsarchief Mechelen

archieftoegang 2, inventarisnummer 937, pagina 6

erve aen deen zyde ende der taflen des Heylich Geests
opten comen jaerlicx
van Sinte Rommonts erve aen dander zyde. Item de vutgaen
voirgenoemde vier penninge grote Brabants erffeliker renten
die haer, de voirscreven Marten haer brueder vut synen
voirscreven deele sculdich te jaerlicx te geven ende te
betalen. Item de voirgenoemde drie scellinge ende vyf penningen
grote Brabants erffelic chys, die de voirscreven Lysbeth haer
zuster, haer sculdich te jaerlicx ende eeuwelic vut
hen voirsreven deele te gelden ende te betalen, Ende
Sesse penninge ende eenen helling groten, oic Brabants
gelts erffelicx chys, die de voirscreven Urssele Gheerden
haer zuster hem oic jaerlicx ende eeuwelic sculdich
vut haeren deele, hier nae genoemt te gelden ende
te betalen, Ende dat de voirgenoemde Ursele Gheerde
insgelycx voir haer deel paert ende porcie vanden
voirscreven goeden, by crachte van deser deylingen, hebben
houden ende besitten sal, Een huys metten hove ende soe
toebehoirten, gelegen achter tgoidshuys van Onser
Vrouwen bruederen bynnen Mechelen opte Peertmanct
tusschen Jans van Halle erve aen deen zyde ende Jans
van Rotselaer erve aen dander zyde, Ende noch eenen
anderen hof met sinen toebehoirten achter den voirscreven jersten
hof int Peerdestraetken gelegen tusse, gelegen
ende comende vyf met eenen poortken tot int Peerdestraetken
ende oicta van
vut welken haven deele, sal de selve Urssele, om dat tsel
ende nacomelingen
haer deel beter es dan des voirscreven Magrieten haerer zuster de
voirscreven sculdich syn jaerlicx ende eeuwelic te geven ende te betalen
ierst den selven Margrieten haer zuster ende oic haer hoir
ende nacomelingen de voirgenoemde Gheerde, de voirgenoemde Sesse
penninghe grote ende eenen helling groten Brabants een
Ende der voirgenoemde Barblen Gheerde haeren zusteren
ende oic haeren hoir ende nacomelingen, de voirgenoemde twee
scellinge groote, al erffelicx chys, sonder eenich tegen seggen
in deser scheydingen is oic tusschen allen den voirgenoemde
kynderen Gheerde, met haeren voirscreven mane, ondersproken
bevorweert, ende vanden selven kynderen malcanderen toegeseet
ende gelooft, oft gebuerde, dat men in toecomenden tyden
bevonde, dat vuten voirscreven goede, meer commere oft last
ginge dat sy tot hoe gegeven ende betaelt hebben, oft
dan sy nu ter tyt weten, alle dien meer commer ende
last zelen sy male, gelyc gilden ende betalen, oic
dat sy voertaen, alle jare, gelyc gelden ende betalen zelen
alsulken lyfpensien van eender croonen, als opte op
oic
des voirscreven Martens bempt ende van drie Petere als
vuten voirscreven Margrieten bempt voire bescreven jaerlicx
vutgaen, alle argelist vutgescheyden, welke scheydinge
ende deylinghe der voirscreven goeden, hebben de voirgenoemde Jan
Marten ende Jacop Gheerds gebruederen, Ende oic de voirscreven
Lysbeth, Katheline Barble, Margriete ende Urssele
Gheerde haere zusteren, met haeren voirscreven mannen
ende momboiren, gelooft ende elc van hen besunder
te houden goet vast overbrekelic ende van weerden
tot eeuweliken daghen ende daer tegen nemmermeer
te doen te seggen oft te allegeren, oft oic malcanderen
voir gheenen gerichten, gheestelic noch weerlic
quellen n noch moegen, in gheender manieren
twee argelist vutgescheyden. Behoudelic nochtan
den voirgenoemde Janne Gheerde, haerlieder vader, synder
tocht paysselic ende vredelic, als te gebruykene ende
te hebbene inde helft van allen den voirscreven goeden
Alsoe langhe, als hy leven sal, alle argelist vutgescheyden
sevel est expedita pe die Peter
XIIIa decembris
Jan Verachtert wylen Willems soon
Ende Margriete verachter huys met Diericken
vander Straten ende Katheline Verachter met
de
Peteren Cockelbergh, haeren man ende Katheline
verachter me oic des voirscreven wylen Willems kynderen
hebben opgedragen ende overgegeven, tot behoef van
Janne Osten Joes ende jouffrou Barblen ende Katheline
van Oeyenbrugge, Jans van Oeyenbrugge kynderen
alle haer recht ende deel, dwelc sy hadden ende hem
byder doot van haven onderen verstorven waren
in drie stucken lants, houdende te samen omtrent
een buender, gelegen deen aen dander inde prochie
van Leest inde Byest, tusschen des Heeren straten
aende twee zyden, Henricx vander Strate eenen
aende derde zyde ende Jan Piers erve aende vierde
zyde. A Domino Mechliniensi, Waranderende. Op twee veertelen rogge ende
de weerde van drie scellingen zeven ende eenen
halven penning groten Brabants gelts daer jaerlicx vutgaende
Ende de voirscreven Oste tot sinen ende synder voirscreven bruederen
ende zusteren behoef, waert in geheeft
Roelanden
vander Loe
Berbele, Expoele. Willem vander Loe heeft opgedragen ende
getransporteert, tot behoef van Roeland vander Loe synen
wettigen soon, die hy van wylen jouffrou Margrieten Roelos
synder huysvrouwen vercregen heeft alle de haeffelike ende
beruerlike goeden, binnen der stad ende vryheyt van Mechelen
alleene wesende, die den voirgenoemde Willem vander Loe byder doot
van wylen jouffrou Lysbetten van Campenhout synder moeder
ende vander voirsreven wylen jouffrou Margrieten Roeloos synder
huysvrouwen, in eeniger manieren gebleven ende verstorven syn