Blader door transcripties » Stadsarchief Mechelen

archieftoegang 2, inventarisnummer 937, pagina 72

Lysbeth
loepe ende wylen Katheline Roelande, syn wyf, tanderen
tyden ende doen sy tot Roemen weert trecken, den
voirgenoemde wylen Janne van Yetegheem, voir scepenen
van Mechelen, ter goeder trouwen, overgegeven
ende geresigneert hebben. A Domino Mechliniensi, Warende. Rommond de
Groote ende Jan Rabboots, als executeur van des voirscreven
wylen Peters vander loepe ende synen wyf, testamente
ende vutersten wille, tot des selfs testamente, totter
voirscreven execucien vanden selven testamente behoef
waerde daerinne geerft
XXVIa octobris
Drie Anthonine
hoot XV
Baerdegem Expoele
al de selve Rommond ende Jan Rabboots, als executeur
ende inde name vander execucien van dese voirscreven
wylen Peters ende syne wyfs testamente, hebben opgedragen
ende overgegeven tot behoef van haer ende Meester Anthonis
Hoot priester ende Canonick der kerke van Sinte Rommonde
alle trecht ende deel, dwelc de voirscreven wylen Peter
ende vander loepe ende syn wyf heest ende daer naer
wylen Jan van Yetegheem, hadden, int derdedeel
van twee huysen metten gronde, den voirscreven meest
Anthonis toehoerende, gelegen deen neven dandere in
Sinte Kathelinenstrate, tusschen Margriete Roelants huys
aen deen zyde ende Henricx van Woutswynkel huyse
aen dander zyde, metten rechte van eenen wege ende
van eender heymelicheyt, liggende ende staende, achter den
voirscreven Magrieten huys voirscreven ende Reynkene vanden Weerde
huyse ende comende totter Mylanen toe. Item oic met eenen
hove achter de voirscreven yerste twee huysen gelegen, die hem
staect achterweerts met eenen anderen huyse ende poirten
tot opte dekenye tusschen Bartelmeus vander Voort
huyse aen deen zyde ende Rommond Scillemans huys, aen
dander zyde, Ende oic met eenen anderen hove gelegen
oic achter de voirgenoemde twee yerste huysen, daerinne
men gaet, over een brugge liggende, over de Hergracht
tusschen de selve Hergracht, aen deen zyde ende de Mylane
aen dander zyde, streckende achterweerts doer een
poirte, tot int winnegheemstraetken. A Domino Mechliniensi, Waranderende etcetera.
ut supra tempore simile
confirmacio test
Peter de Verspoel
Ghestelle vaerdegheem, dat opten dach van heden voir
over gecomen, Peter van Vorspoel, wylen Henricx van
Vorspoel soen, Seggende ende ons te kennen gevende, dat
tanderen tyden
hy niet lange geleden Te wetene opten sevenden dach
van Septembry int jaer ons heeren dusent vierhondert
tweentzeventich lestleden syn testament ende vutersten
wille, gemaect ende geordineert heeft in alsulker vormen
ende manieren, als dat in eenen openbaeren ierstrumente
daer op gemaect voir Janne Barbier, als notaris ende
voer de getuygen dair inne bescreven claerlic begrepen
staet van welken instrumente, de leven, oft dinhouden
van woorde te worde, hier naer volght ende bescreven staet
zyde ende name goede Annen in desen tegewordigen
openbaeren instrumente zekenlic eenenyegeliken, dat inden
Janne de gebeurten ons haeren goede dusent vierhondert
tweentzeventich inde vyfste indicie inde maend van
Septembry, den sevenden dach inder Vespertyt inden
Panssoon, over alle heylichte vader ende heeren, heer opte
de vierde paens in synen tweeden jaere in tegewordicheyde
van openbair notar ende getuygen, hier onder gescreven
gecomen ende gestaen in de eerbaer man, Peter van Vorspoel
wylen Henricx van Vorspoel soon, cleermaker, poirter der stad
van Mechelen de Vaddons van Cameryke, daende ende
staende gesont van heeten ende synder vyfstenen vutweerdich
ende inweerdich, byder gracien goeden alsoet scheen, wel machtich
overdeyckende de Bruesscheyt der meesschelke natueren
ende dat gheen dack zekerder ende dan de doot ende met
onzekende dan de huere der doot, willende daerom de
wyle dat hem god syne vyffsynen verleent, synder zielen
zalicheyt versien ende van seven goeden, die hem god, op dese
Werelt verleent heeft, disponeren ende ordineren, heeft inden
bester vormen dat hy mochte, syn testament ende vutersten
wille gemaect ende geordineert inder manieren, hier naer verclaers
de welke hy woude dat cracht ende macht hadde ende hebben soude
alsoe eenegelyc testament oft vutersten wille, sculdich te
hebbene, na der Heyliger kerken rechte inden jersten, heeft de
voirscreven Peter van Vorspoel wederroepen ende te nieuwte gedaen
alle andere testamenten, die hy tanderen tyden eenichsins gemaect
oft geordineert mach oft mocht hebben. Item heeft hy alle kynt
der Heyliger kerken syn ziele, als sy vut sinen Lichanne gescheyden
sal syn bevollen gode van Hemelyc ende den Heelsschen heere
Item heeft de voirscreven Peter van Vorspoel oic gewilt geordineert
ende begheert, dat alle syne wettige sculden sunderlinge de scult
van vierentwintich pond grote Brabants gelts die hy met
lange geleden Peteren vander Cammen voir scepen van Mechelen
bekent heeft sculdich wesende van rechtverdige scult, om hem
die te betalene, tot zekeren termynen inder selver scepenen brief
dair op gemaect begrepen, metten costen van synder vutvaert
voir al betaelt worden van allen synen gereetsten goeden ende
haven, Ende datmen opten dach van synder vutvaert, die hy
na synen staet, tamelic begheert gedaen te hebbene deylen sal
deen aen Mersschen, om goidswillen vyfhondert schoender
broode elc broot van vier myten, te datmen elken priester
op dien dach in synder prochie kerken voer synder zelen
zalicheyt geleveerende ghene eenen halven Philippus penning
eene. Item heeft voert de voirgenoemde Peter van Vorspoel puerlic
om goidswillen ende in aelmoessenen gemaect gegeven ende beset
tgene dat hier naer volght, ierst den kerken van Onser Lieven
Vrouwen van Cameryck voir syn onrecht goet, op dat hy
eenich hadde, Twee scellinge grote Brabants gelts eens
Item den prochiaen van synder prochiekerken van Onser Lieve