Blader door transcripties » Stadsarchief Mechelen

archieftoegang 2, inventarisnummer 937, pagina 71

Willem Esschericx, Sesse pond groten, l Vlaems
de
gelts voir vier peters lyfpensien, dat de selve wille
de voirscreven momboir totter voirscreven kynderen behoef ende
tot haerlieder live, op zeker zine goeder, tot Sinte
Amant Baesrode, gelegen bewysen ende bepanden
sal, Ende van allen dien sommen van penningen, hebben
de voirscreven yerste drie momboiren, inden name
vanden voirscreven twee kynderen, Quytgesconden los
van ende ledich, den voirscreven Janne Eschericx ende
alle andere dies quitancie behoeven
XIX octobris tempore simile
Willem van Halle, diemen heet de Kemmere
heeft opgedragen syn tocht, die hy hadde in tvierendeel
van eenen huyse metten plaetsen gronde gelegen in
Sinte Kathelinenstrate van Mechelen, over de leste brugge
aldaer, tusschen
Mostere de
Roesendale
Ghestelle, Baerdegem Janne Barbier, tot behoef vanden
goidshuyse van Roesendale, heeft verreyct, Eenen hof metten
gronde etcetera die wylen Janne Fier toe plach te hoiren, gelegen
inden Ham inde Ridde Corte Ridderstrate tusschen Wouters
sKempeneren erve aen deen zyde ende de wedue ende kynderen
van wylen Henricken van Oprode, aen dander zyde. Ex censu
X octobry tempore simile
Johanne de Duffle
Ghestelle, Baerdegem Janne Barbier, tot behoef van Janne
van Duffle heeft verreyct vyff huysen oft cameren, metten gronde etcetera
die wylen Roeck toe plagen te hoiren, gelegen deen neven dander inde
Blocstrate tusschen de Hergracht aen deen zyde ende Willem
Lauwaerts erve aen dander zyde. Item een huys metten hove gronde
de Bock
dat de voirscreven wille toehoirde, gelegen inde selve strate, tusschen
Henricx de Vettere erve aen deen zyde ende des voirscreven Willem
Lauwaerts erve aen dander zyde, Ende alle dandere erffelike goeden
metten gronde etcetera die de voirscreven wille Coeck toe te voeren plage
bynnen gelegen, die hy doen hadde ende vercrigen soude voir scult
die de selve Willem Boeck, soe van hueringen by wouteren boeck
tegen gedaen, soe anderssins, den voirscreven Janne van
oic
Duffle sculdich ende tachter is
ut supra
Johanes de Zeelare
et eius uxor
A domino
haitacio
Cogge
Ende
Heelt, Gestelle, Jan de Zelare ende Lysbeth sBosschaerts
syn wyf Seggende ende ons te kennen gevende, dat sy gheen
wettighe kinderen en hadden, Ende hebben daerom voir
om gewilt ende openbaerlic geordineert, dat de
langhstlevende van hen beyden, soe lange die alsdan leven
sal, paysselic ende vredelic sal gebruyken alle den
haeffelike ende erffeliker goeden binnen der stad ende
verheyt van Mechelen, wesende ende gelegen, die sy
nu ter tyden te samen hebben ende namaels oic hebben
ende vercrigen zelen, den wederseggen van yemande
ende oic den rechten ende coustumen daeraf ter contrarien
onderhouden, niet tegenstaende. Behoudelic dien
dat alle de voirgenoemde goeden, na de langhstlevende
doot vanden voirscreven Janne ende Lysbetten een wive
blivende, toecomen ende versterven zelen haeren gerechten
erfgenamen dien die goeden na der recht vander
voirscreven stad sculdich zelen syn toe te comen ende te
verstorven, oft den ghenen, dien sy deselve goeden
samentlic met testamenten, oft anderssins gheven
ende maken zelen, welke ordinancie wy ende oic
Baerdegem Duffle, onse medescepenen by crachte
vanden statute daer op tanderen tyden gemaect
geconfirmeert ende geapprobeert hebben, Ende by onser
ordinaerder macht confirmeren ende approberen
alle argelist vutgescheyden
XX octobry tempore simile
Hellegate
tutore, Katlyne de
Baerdegen, Duffle. Katheline vanden Hellegate, by bywesene ende
volcomen consente van Jan vander Hellegate ende haren vader
ende van Gregor vander Hellegate haeren brueder, heeft bekent
openbairlic voir ons dat heer Jan Waghevene, diemen heet
waer
de Zaghere, hove ende oic Wouter Heyden priester ende Henric de
Pape haere momboiren, goede rekeninge ende bewys gedaen
hebben van allen alsulken goeden ende renten, als haer wylen
Katheline Kegele wedue van wylen Wouteren vander Hellegate
haere goeyvrouwe, tanderen tyden, met testamenten ende anderssins
gemaect ende gelaten heeft, Ende daeraf ende oic van alle
der moeyten quellinge ende heysschen, die sy daerom
dende om des Regimente wille, dat dwelc de voirscreven
haere momboiren vanden voirscreven goede ende renten, tot desen
dage toe gehadt hebben, den selve haere momboiren
soude moegen doen, heeft de voirscreven Katheline, Quytgesconden
Jan Barbier tot behoef vanden voireven
voer vor ende ledich den voirscreven Janne de Zaghe tot sinen
vanden
ende de voirscreven Lyntere ende Henricke behoef ende alle
andere dies quitancie behoeven, geheelic ende al
XXII octobris
Executeur testam
quondam Peter
vanden loepe
et et uxor
Baerdegem Expoele, Peter ende Jan van Yetegheem wylen Jans kynderen
haer zuster
van Yetegheem ende ende Lysbeth van Yetegheem met Rommond Rabboots
haren man ende man van Yetegheem oic haerlieder zuster met
Janne van Ghestelle, Janne van Gestelle soon, haeren man, inden
name van hen selve ende oic inde name van Rommond van
Yetegheem, haerlieder brueder, buyten lants wesende, den welke
sy in hen vervanghen hebben, hebben opgedragen ende overgegeven
tot behoef vander execucien ende volbreeninge van wylen Peter
vanden loepe ende van wylen Lysbetten Roelande, Kathelinen, Lysbetten
Roelande diemen heet sHammens syns wyf testamente ende vutersten
wille, alle alsulke haeffelike ende erffelike goeden metten gronde
binnen etcetera wesende ende gelegen, als deselve wylen Peter vanden