Blader door transcripties » Stadsarchief Mechelen

archieftoegang 2, inventarisnummer 937, pagina 65

Remeyns gelde
et et uxor
dat in onse ende in onsen medescepenen tegewoirdicheyt
hier na bescreven, gecomen syn
Gestelle, Baerdegheem Reyner gelde ende
Lijsbeth sCuypere syn wyf, Seggende ende ons
te kennen gevende, dat sy gheen wettige kynderen een
hadden, Ende hebben daerom voir ons gewilt ende
openbairlic geordineert, dat de langhstlevende van
hen beyden soe lange, die alsdan leven sal paysselic
ende vredelic sal gebruyken, alle der haeffeliker ende
erffeliker goeden bynnen der stad ende verheyt van
Mechelen wesende ende gelegen, die sy nu ter tyt
te samen hebben ende namaels oic hebben ende vercrigen
die
zelen ende mette dat hy oic metten selven haeffelike
goeden in synder noot, sal moegen disponeren
den wederseggen van yemande ende oic den rechte
ende coustumen daeraf ter contrarien onderhouden
niet tegenstaende. Behoudelic dien, dat alle de
voirgenoemde goeden, na de langhstlevende doot vanden
voirscreven Reyner ende van Lysbetten syne wive blivende
toecomen ende versterven zelen haeren gerechten
erfgenamen dien die goeden, na den rechte vanden
voirscreven stad, sculdich zelen syn toe te comen ende te
versterven, oft den ghenen, dien sy deselve goeden
samentlic met testamenten, oft anderssins geven
ende maken zelen, welke ordinancie, wy ende oic
Duffle ende Expoele, onse medescepenen, by cracht
vanden statute daer op tanderen tyden gemaect
geconfirmeert ende geapprobeert hebben, Ende by onsen
ordinairder macht confirmeren ende approberen
Alle argelist vutgescheyden
XX septembry tempore simile
Arnoldus de
Hubroeck eten
uxor
Baerdegheem, Duffle, Jan ende Wouter Coole, wylen Jan Cools
kynderen, hebben vercocht Aerde van Lybroeck ende
Lysbetten Aelbrechts synen wive, Een huyse metten hove
gronde etcetera, dat den voirscreven wylen Janne Cools haeren
vader toehoirde, gelegen buyten de Zantpoirte inde
Ridderstrate in Sinte Peters prochie tusschen de vester
van Mechelen, aen deen zyde ende Mathys tSermartens
erve aen dander zyde. A Domino Mechliniensi, Waranderende. Op twee pond
paymente ende opte weerde, van drie scellinge groten
voir
Brabants gelts erffelic ende op drie veertelen Rogs
lyfpachte, staende ten live van twee des voirscreven
Mathys tSermartens kynderen, die de voirscreven Aert ende
syn wyf, tot twee terminen, zelen moegen quyten
vuten voirscreven huyse metten hove, jaerlicx gaende
Assignavit XVI Peter min, mottoen
XXII septembry
Hubrecht Back et
et uxor
Baerdegem Duffle. Jan Haenwych ende Marie
verende syn wyf, hebben gelooft ende elc van hen
besunder voir hen hair hoir ende nacomelingen
Te geven ende te betalen, Hubrecht Back ende oic
synen hoir ende wettigen nacomelingen, alle jare
ten eeuwigen daghen, Elcx jaer van dien, altyt
tot twee termynen, Te wetene, deen helft, dairaf
tot Kersmisse ende dander helft tot Sinte Jansmisse dair
af den yersten termyn van betalingen syn sal, tot
Kersmisse naestcomende, om welke gelooften
Eenentwintich scellinge ende elf peninge sesse penningen
grote Brabants gelts jaerlycx ende erffelicx chys
Om welke gelooften alsoe tonderhouden ende om
der meerder zekerheyt, den voirscreven Hubrecht daeraf
te doene, Soe hebben de voirscreven Jan Haenwych erve
syn wyf, den selven Hubrecht daervoir verbonden
ende te pande geset alle haere haeffelike goeden waer
hebben
die bevonden zelen worden, die hy nu heeft ende
namaels hebben ende vercrigen sal, Ende sunderlinge
haere twee huysen metten gronde etcetera gelegen deen
neven dander inde Coestrate tusschen wylen Aert Lype
erve aen deen zyde ende wylen Jan Weerds erve aen
dander zyde, streckende met eenen vutgange, tot
int Steenstraetken, tusschen desselfs Hubrechts kynderen
erve, die hy hadde van synen yersten wive, aen deen
zyde ende des voirscreven wylen Aert Lips erve aen dander
zyde, A beneficiaten de Zellaer, opte weerde van negenthien
scellinge groten Brabants vuten voirscreven twee huyse jaerlicx
voir vutgaende. Behoudelic dien, dat de voirscreven Jan
Haenwych ende syn wyf zelen moegen lossen ende quyte
bynnen sesse jaeren tyt naestcomende, den voirgenoemde
erffeliken chys, Te weten tot elken male, Eenen
Peter daeraf ende niet min ende elken van dien
Petere, met zestien gelyker Peters ende met vollen
chyse
XXIIa septembris
Willem Bollaert, wylen Kerstiaen Bollaerts
ende wylen Lysbetten de Mommaerts syns wyfs kynderen, heeft
opgedragen ende overgegeven tot behoef van Jan Bollaerts
synen brueder, de helft van eender hoeven metten huysen hoven
landen bempden eeusselen gronde ende allen synen toebehoirten
daeraf dander helft by macht vanden deylinge ende scheydingen
met jonge geleden tusschen hen ende haren zusteren geschiet
den voerscreven Janne Bollaer toebehoort houdende int geheel
omtrent vyftien buenderen, gelegen tot Neckerspoele
aenden ouden Dyck inde Hazeldonck. Item de helft van
eenen huyse metten hove gronde etcetera gelegen tot Neckerspoele