Blader door transcripties » Stadsarchief Mechelen

archieftoegang 2, inventarisnummer 937, pagina 66

Willem Lepelmake
alle inden Ezel
Wyele, Duffle. Anthonis Belyanen, Jan Belyanen wettich
soon, heer ende Katheline van Verhem syn wyf, hebben opgedragen
ende getransporteert, tot behoef van Willem de Lepelmaker
diemen heet inden Ezel, Op de voirgenoemde Anthonis gedeelte
van zekere erffeliken renten, die wylen Eenen behannen
syn goeyheere, tanderen tyden gecocht ende gecregen heeft, opte
stad van Mechelen, gedragende tselve gedeelte, tstaen
haer Peter, de weerde van twee pond vier
scellinge ende elf penninge grote Brabants gelts, dwelke
de voirscreven Anthonis oic heeft ende jaerlicx heffende in
opte selve stad van Mechelen, tot twee termynen, Te weten
deen helft, daeraf de mombe ende dander helft in
meye, gelyc dat inde brieve daerop gemaect clairliken
begrepen staet al van Casserene, Ende willende, de
toe, de voirscreven Anthonis ende syn wyf, dat de voirgenoemde
ende onsenterende
ende oic syn hoir ende nacomelingen
Willem van nu voertaen voirgenoemde gedeelte van
twee pond vier scellinge ende elf penninge groten
alle jare, alsoe lange als deselve Anthonis ende
syn wyf, leven zelen ende niet langer, hebben ende heffene
zelen ten voirgenoemde terminen ende metten penningen van
dien heffen comende, gelyc met haers selfs anderen
ende pren goeden disponeren ende ordineren, met
tegenstaende eenich wedersegghen, Ende tot desen heeft
Jan Delssenere, een der rentmeester vanden voirscreven stad behoudelic
der selver stad, daerinne haer rechte syn consent
gegeven
XXV february tempore simile
oft voir hen van
hoir ende nacomelingen
Idem
Wynkele, Duffle.
Item de voirgenoemde Anthonis ende Katheline syn wyf, hebben
gelooft ende elc van hen besunder oft gebuerde, dat den
voirgenoemde Willem de Lepelmaker, oft synen hoir ende nacomelingen
eenigen stoot oft belet goeden in toecomenden tyden
gedaen worde, in alsulker manieren, dat sy hy noch
sy de voir tvoirgenoemde gedeelte vanden voirscreven erffeliker
renten, jaerlicx ten voirscreven termyne, met heffen, noch
hebben ende mochten, de voirscreven Anthonis ende syne
wyf, leven langhe, dat sy alsdan ende inde in dien
gevalle, de selve Anthonise ende Katheline syn wyf
ghenen ende jaerlicx betalen zelen, ten selve mynen
alsoe lange als sy ende de langhstlevende van hen beyde
leven zelen, den voirgenoemde Willem de Lepelmaker ende oic
syne voirscreven hoir ende nacomelingen, alsoe vele als tselve
gedeelte, Alsoe vele, als tvoirscreven gedeelte vander
voirscreven erfrenten gedraeght, dat de twee pond vier
scellinge ende elf penninge groten Brabants gelts, sonder eenich
wederseggen, Ende om die gelooften alsoe volstentelic
tonderhouden ende om der meerder zekerheyt, den
voirscreven Willem daeraf te doene, Soe hebben de voirscreven
Anthonis ende syn wyf daervoir verbonden ende te panden
geset, haer lyff, ende daer toe haerlieden alle
haerlieder haeffelike goeden waer die bevonden
zelen worden, die sy nu hebben ende namaels hebben
ende vercrigen zelen, Ende sunderlinge alle trecht
ende deel, dwelc de voirscreven Anthonis heeft inde
huysen, metten gronde etcetera hier na bescreven ierst
in een huys den Tennen Pot geheeten, met eenen
anderen huyse, daer neven staende ende oic metten
stallen, ende anderen sinen toebehoirten, daer achterstaende
gelegen in Onser Vrouwe strate van Mechelen, tusschen
thuys tPeerdeken geheeten aen deen zyde ende aen Jan
mots vander legge diemen heet van Op erve aen dander zyde
Ende in een huys met gelegen opten Haverwerf, tot opte
Dele, tusschen Jacoppe Metter Vuyst erve aen deen zyde ende
aen dander ve
Willem Paepe erve. A Domino Mechliniensi, Waranderende etcetera.
laten staet vier pondt de consen
de
XX septembry tempore simile
Jan Smet, wylen Gheerde Smet soon van
Cramer, woenende tot Loeven, heeft vercocht heer Ghysbrecht
vander Gheeten priester, Een huys metten hove gronde etcetera dat
den voirscreven wylen Gheerde, toe plach te hoeren, gelegen tot
Neckerspoele inde Wyngaerdstrate tusschen Aert Wabbele
erve ende Jan tSas erve. A Domino Mechliniensi, Waranderende. Op vier pond
paymente ende eenen chysgulden, daer jaerlicx vutgaende
Assignavit XI Peters
Jan de Beke
Wynkele, Duffle. Henrick van Fonteynen ende Man Faes
syn wyf, hebben vercocht Jan van Beke, Wullewevere
Een huys metten hove gronde etcetera gelegen inde Kerchofstrate
tusschen Rommond de dat Peter Gheylen toe plach te
hoven, gelegen inde Kerchofstrate, tusschen Rommonde
de Groote erve aen deen zyde ende Rommond vanden
van zoenen, diemen heet int Moeleken erve aen
dander zyde. A monialibus, waer op tweentwintich
scellinge Loevene, eenen capuyn ende een pond
thien scellinge paymente, dair jaerlicx vutgaende
XXIIa septembry tempore simile
Gestelle vaerdegeem heer Marten de Wytte priester, als inden name
vanden goidshuyse van Sinte Marien Magdalenen, staende
bynnen der stad van Deff, heeft, hebbende om tgene te doen
dat hier na bescreven vander mater ende ghemeynen Convente
der voirscreven goidshuys volcomen macht gelyc ons dat claerlic
by eender procuracien daerop gemaect ende bezegelt metten
gemeynen zegel desselfs convente, bleke, heeft om des