Blader door transcripties » Stadsarchief Mechelen

archieftoegang 2, inventarisnummer 937, pagina 64

byden rentmeester vander voirscreven stad van Mechelen
bynnen desen middelen tyde gequeten worde, soe wilt
oic de voirscreven Janne Coolman ende begheert, dat de ghene
van synen erfgenamen oft andere, dien hy die rente
maken sal ende die de penningen van dien afquitinghen comende
ontfanghen sal, Aa eer hy de penningen sal moegen
gebruyken, daer mede cooppen sal, ten live vanden
opte voirscreven stad van Mechelen, oft op andere goede steden
voirscreven Jan Marten, gelycke twaelf gouden Rynsgulden lyft
ende plaetsen, daer hy mede behoeght sal moegen wesen
dat gedaen ende metten
Ende alsdan zelen syn metten plie vanden voirscreven
moegen
penningen doen haeren vryen wille, totten welken
heeft Jan de Delssenere als een der rentmeesters
vander voirscreven stad van Mechelen behouden der selver
stad daer inne haeren rechte syn consent gegeven
XVIa septembry
in cammere
scabale
Adit
Henrick Vuystaerts
et uxor
Ghestelle, Baerdegheem, Henrick Vuystaert ende
Lysbeth sWeende syn wyf, Seggende ende ove te kenne
gevene, dat sy gheen wettige kynderen en hadden
Ende hebben daerom voir ons gewilt ende openbairlic
geordineert, dat de langhstlevende van hen beyden soe lange
die alsdan leven sal, paysselic ende vredelic sal gebruyken
ende vuten
alle der haeffeliken ende erffeliker goeden bynnen der
vryheyt vander stad van Mechelen wesende ende gelegen
die sy nu ter tyt hebben ende namaels hebben ende vercrigen
zelen, den wederseggen van yemande ende oic den rechten
ende coustumen daeraf ter contracien onderhouden, met
tegenstaende. Behoudelic dien, dat alle de voirgenoemde goeden
na des langhstlevende doot vanden voirscreven Henricken ende
van Lysbetten synen wive blivende, toecomen ende versterven
zelen, haeren gerechten goet erfgenamen dien die goeden
na den recht vander voirscreven stad, sculdich zelen syn toe te
comen ende te versterven, oft den ghenen dien sy de
selve goeden samentlic met testamenten, oft anderssins
geven ende maken zelen. Welke ordinancie wy ende
oic Wynkele ende Duffle, onse medescepenen, by crachte
vanden statute daer op tanderen tyden gemaect geconfirmeert
ende approbeert hebben, Ende by onser ordinairder macht
confirmeren ende approberen, Alle argelist vutgescheyden
ut supra
Elssene
Baerdegem Wykele, Jan Delssenere rentmeester vander stad van
Mechelen, heeft bekent, dat hy verhuert heeft Jacop Bollens
ende Jacop vanden Rode, woenende inde prochie van Rymenam
Ende deselve Jacop ende Jacop hebben bekent dat sy tegen den
voirscreven Jan Delssene geert hebben, Eenen bempt, houdende
twee buenderen oft een luttel meer gelegen tot geheeten
den vorsten Volkenham gelegen tot Rymenam, den termyn
op vier ponden
twaelff scellinge
ende sesse penningen
grote Brabants
gelts
van Sesse jaeren langh geduerende ende deen na
dander vervolgende, die inne ginghen ende begonsten
tot Kersmisse lestleden, ende soe voertaen zelen gedueren
den voirscreven termyne, Ende vut zaken van deser hueringen
hebben de voirscreven Jacop Bollens ende Jacop vanden Rode
gelooft ende elc van hen besunder ende voir al ongebeydt
na der divisen recht, gegeven ende te betalen, den voirscreven
Janne Delssene, oft den voerseyde van desen, elcx Jairs van
ut supra
dien sesse jaeren, altyt tot twee termyne, Te wetene deen
van meye dairaff den yersten termyn van betalingen syn
helft dairaf tot Kersmisse ende dander helft inde maende
sal, tot Kersmisse naestcomende. Behoudelic dien, dat de
eenegelyc van hen, sal moegen vanden anderen scheyden
te metten yersten drie jaere, op dat hy wille
Ende oic dat de voirscreven Jacop ende Jacop inden gevalle
dat sy den voirscreven bempt begeren, des zelen moeten
twee jaerling daerna, haer twee leste jaren van
haer voirscreven hueren, dien bempt laten liggen, tot groesen
alsoe syen aenveerde hebben, sonder eenich wederseggen
XVIIa septembry
^
Gera den back
al int wordt
Ridder
Gestelle haerdegheem h Coenraert Pot woenende
tot Contyke, heeft gelooft ongevrydt, na der divisen recht
te geven ende te betalen, Gheerd Back diemen heet int
oft den eenige van desen
woudt, driendertich pond groten Vlaems gelts, bynnen
Sesse weken tyt, na dat de selve Gheerde, na staet
vander Heyliger kerken, getrouwt sal hebben, een
wettige huysvrouwe, sonder eenich wederseggen
Ende welke gelooften, alsoe tonderhouden ende
om der meerder zekerheyt den voirscreven Gheerde dair
af te doene heeft oic de voirscreven heer Coenraert, den
selven Gheerde in tytule van gewarigen pande verbonden
ende te pande geset syn lyf ende daer toe, alle sine haeffelike
goeden waer die bevonden zelen worden, die hy
nu heeft ende namaels hebben ende vercrigen sal
XXa septembris
Johannes vander
cammen
Pot Retro
suo loco
Baerdege, Expoele. Jan Molen Lodewyc van Heyst
als rentmeesters ende inden name vander stad van
Mechelen, hebben om der meeste orboirs ende prouffyts
wille vander selver stad, opgedragen ende overgegeven
tot behoef van Janne vander Cammen, Een hofstad metten
gronde, daer op tanderen tyde, twee huysen plagen te
stane ende die toe plach te hoiren, wylen Andries vander
warden, gelegen inde Coestrate byde Coepoirte, opten hoeck
vander Strate den Stompaerts hoeck, geheeten, tusschen
den selve Stompaerts hoeck, aen deen zyde ende eenen hof
der voirscreven weduen toehoirende, aen dander zyde. A monialibus
was opten last es colle dair
et conventu de Lelyendale, op vyf scellinge Loeven
jaerlicx vutgaende, Janne Barbier tot des voirscreven Janne
vander cammere behoef waerten in gegoet
Va septembry