Blader door transcripties » Stadsarchief Mechelen

archieftoegang 2, inventarisnummer 937, pagina 46

Pont retro
priester als henlieden gelieven sal daer toe te nemen
Ende oic tot behoef vanden waslichte datmen altyt int
doen van dier missen opten outaer, orboiren ende beloven
behoeven sal, Sesse scellinge twee penninge ouder groten
Turnoyse vander munten etcetera jaerliker ende erffeliker renten
opte hof
die de voirscreven Katheline vander Hofstad, de weduwe, hadde
opte stad van Mechelen, Ende die jaerlicx tot twee
termyne vallen ende verschinen, Te wetene deen helft
dairaf opten sevenden dach van Septembry ende dander
helft, opten sevenden dach van meerte, gelyc dat claerlic
inden brieve daer op gemaect ende bezegelt metten grooten
zegel vander voirscreven stad, begrepen staet, Ac Renunciavit
et post, Waranderende ut in forma, Op alsulker condicien
dat oft gebeurde, dat dwelc god verhuede, dat de voirscreven
gesworene ende onderen vanden voirscreven dorpe van Battele
de voirgenoemde misse niet een deeden doen ende celeveren, alle
tvoirscreven
weken ten voirgenoemde dage, Ende dat sy oic gewaslicht met
een besorghen inder manieren, alsoe de voirscreven wedue
dat voir gewilt ende geordineert heeft te geschieden
de wilt oic deselve Katheline de wedue ende begheert
vuterlic dat in dien gevalle de voirscreven van Battele
Ende dat sy dat beten ende daeraff negent waren
drie weken tyt deen na dander vervolgende, soe
wilt oic deselve Katheline de wedue ende begheert vuterlic
dat in dien gevalle, syn vander voirscreven erffeliker renten
geheelic ende al gemeert zelen syn ende bliven, Ende dat
alsdan die erfrente, toecomen ende bliven sal der taflen
voir
der Heylichs Geests vander prochie kerken van Sinte
Rommonde, bynnen Mechelen, om die byde proviseur van dien
taflen, ter stont aenveerdt ende soe voertaen jaerlicx ende
eeuwelic ten voirgenoemde terminen, gehaven ende ontfangen te
werde, tot behoef vander voirscreven missen ende oic vanden
voirscreven wylichte, welke misse, de selve proviseurs wesende
by tyden, alsdan alle weken ten eeuweliken daghen
ende tot eenigen gebuercheliken dage inde weke, zelen
doen doen ende celebreren in des voirscreven Heylich Geests
ende besorgen vasticht tot elken missen mede voirscreven mannen
Capelle, die heeft de voirscreven Katheline de weduwe haer
selven behouden ende reserveert, die macht, dat sy alsoe
lange al alsoe leven sal, sal moegen hynsen ende namen
alsulken priester als haer goetduncken sal, om de
voirscreven misse inder voirscreven manieren te doen ende te celebreren
den wederseggene vanden voirscreven van Battele, oft
van yemande anders in gheenen vanden voirscreven dingen
heet Delssene als rentmeester vander voirscreven stad, behoudelic der selver stad
niet tegenstaende, Ende tot desen heeft Jan Dele eene die
daer inne haeren rechte syn consent gegeven
I Juny tempore simile
Jordanne
schen
Winckele, Duffle. Gheerd vander Aa commoingmeester ende Willem
Schoof, scepen vander stad van Mechelen, heeft als proviseur
ende inden name vander infirmarien vanden crancken
beghinen, staende, bynnen den beghynhove van deser stad, hebben
om der meeste orboirs ende prouffyts wille vanden selve
infirmarien vercocht Jordaen schen apothecarie achtien
scellinge acht penninge Loevens erffelicx chys, die de voirscreven
infirmarie hadde, op een huys metten hove gronde etcetera
dat Anthonis Boom toe plach te hoiren ende dat nu den
voirscreven Roeden toehoirt gelegen opte Ledicheyt, tusschen
wylen Henricx van Rumpst erve aen deen zyde ende Lysbeth
Scheluwaerts erve aen dander zyde, streckende achterweerts
metten voirscreven hove, tot wylen Willems Suls erve toe
A domicello Willemo de Merode, Waranderende etcetera.
XXVI may tempore simile
Idem
Schooff, Duffle. Margriete van Scocx wedue van wylen Daneel
sCranen, met haere momboir heeft opgedragen haer tocht, die sy
hadde, in drie gouden Peters vander munten etcetera goede etcetera oft
de weerde daer voir jaerlycx ende erffelicx chys, opte helft van
eenen huyse metten hove gronde etcetera voirgenoemt dat de
voirscreven Anthonis Boom toe plach te horen ende dat nu den voirscreven
Joerdaen toehoirt opte voirscreven Ledicheyt gelegen. A Domino
Domicello Willemo de Merode, juravit etcetera tot behoef van Janne
ende Kathelinen sCranen haere kynderen, tot wiene behoef, haer
momboiren hier na bescreven yerst daerinne waerde geerft, Ende
dair naer, hebben meester Lambrecht de Poirtere docter
in medicinen ende Hubrecht sCranen van svaders wegen ende
Henrick Huens de jonge vander moeder wegen, als momboir
ende inde name vanden voirscreven Janne ende Kathelinen sCranen
onder haere Jannen wesende, die sy in hen vervingen vercocht
den voirscreven Joerdaen Esschen, de voirgenoemde drie gouden Peters
des voirscreven chys, die de selve kynderen hadde, opte helft
vanden voirscreven huyse metten hove ende syne toebehoirten
Waranderen etcetera
ut supra aprilis
al
Egidier
uxore
Rootman et
Hamme, Duffle. Jouffrou Lysbeth sMoors diemen heet inden Palmboem
Andries, Adeelen huysvrouwe, die vanden selven Andriese haven
man doneert te met Lambrecht de Wale ende Jan Mathys ende
haere momboir, heeft Terve gegeven, Gielis Rootman ende
gelegen aenden Steenwech van Mechelen tusschen thuys, den
Margrieten vander Poirten, synen wive, Een huys den Coelberghe
geheeten metter plaetsen gronde etcetera dat wylen Henricken de
Moor der voirscreven jouffrou Lysbetten vader toe plach te hoiren
Palmboem geheeten, toebehoirende Symoen de Weend, aen deen
de
te
zyde ende thuys den Gulden Cop geheeten plach ende dat nu den
Boom geheeten in toehoirende, Peteren du Parck, aen dander zyde